शक्ति काम 13:5 - जिरेल

⁵ थेमे थेरू सलामिस सिरसादु लेप्‍नामेकी थेबा यहूदीओनते मिटिङ खित्‍च्‍येते खाम्‍बा खाम्‍बाला गाल्‍गीन गाङेला परमेश्‍वर बात लोपाला स्‍यूसुङ। खोपरोङला थे काम खित्‍जीन मद्धत खिताला गोक्‍यो सिन बारनाबासताङ शावलगी यूहन्‍नालाङ ङ्योम्‍बुराङ टीकीन खेरा ओतान।

शक्ति काम 13:5 Iomraidhean Croise

मत्ती 20:26

तर ख्‍योकोनगीचेन थे गेल्‍बोओनगी खिताच्‍योक माकेत। ख्‍योकोन नाङ छ्ये ओङा छोल्‍कान्‍ते मिकीचेन छ्ये खिता साटोला सुइँदे खाम्‍बादु काम खित्‍कान्‍ते मि च्‍योक ओङला काम खिता फाप्‍क्‍यो।

शक्ति काम 12:12

दि बात मिलाम खाबाते मेन्‍दाक्‍वा सिन छ्या स्‍येनामेई थे यूहन्‍नाबे आमा मरियम खाँपा गाल्‍सुङ। यूहन्‍नालाचेन मिओनगी मर्कूस सिनोङ सिरच्‍येते खिन ओतान। थे खाम्‍बादु मि काल्‍बेई रूला परमेश्‍वरला प्रार्थना खिन ओतान।

शक्ति काम 12:25

बारनाबासताङ शावलचेन खोपरोङगी यरूशलेमदु केल वाबाते पैसा बिन्‍गीन च्‍याकीन एन्‍टिओखियामा ग्‍युरगीन गाल्‍सुङ। थेबा ङिबोकी मर्कूस सिराते यूहन्‍नालाङ थेबाताङराङ टीकीन खेरसुङ।

शक्ति काम 13:14

पावलताङ बारनाबासचेन थे सारदुकीङ पिसिदिये अञ्‍चल एन्‍टिओखिया सारदु लेप्‍सुङ। थेरू लेप्‍नामेई सन्‍चारी छोमु थेबा ङिबो यहूदीओनते मिटिङ खित्‍च्‍येते खाम्‍बादु गाल्‍गीन थेरू जम्‍मा ओङाते ज्‍येनतेबाताङराङ देत्‍सुङ।

शक्ति काम 13:46

यहूदीओनगी थोक खित्‍जीन पावलताङ बारनाबासकी ज्‍यीबाराङ मिक्‍किता खाईन थेबाला “ङ्योकोनगी लोप्‍कीन ओताते परमेश्‍वर बात लोपाला ङ्योकोन गोमा ख्‍योकोन ओत्‍सादु वाबाते ईन। तर ख्‍योकोनगी दि बात ईनराङ मेन्‍दे बात ईन सिन ङेनराङ माङेन्‍सुङ। दोक खाईन ख्‍योकोनगी नोमुङ मिसिन्‍च्‍येते जुनी मोगोओ सिरा च्‍योकराङ खासुङ। थोक ईन्‍देकी था दि बात ङ्योकोन ज्‍येन ज्‍येन जातकी मिला लोप डुइओ।

शक्ति काम 14:1

आइकोनियमदु लेप्‍नामेकी पावलताङ बारनाबासकी ज्‍येन ठाउँला च्‍योकराङ खाईन यहूदीओनते मिटिङ खित्‍च्‍येते खाम्‍बादु गाल्‍गीन थेरूङ बात खिताला स्‍यूसुङ। थेबा ङिबोकी येशू बात आउदी लेमु खाईन लापेकी थेरू यहूदीओनताङ ज्‍येन ज्‍येन जातकी मि काल्‍बेईकी थे बात ङेन्‍गीन येशूला विश्‍वास खिताला स्‍यूसुङ।

शक्ति काम 15:37

बारनाबासकीङ थे बात ङेन्‍सुङ। थेमे मर्कूस सिराते यूहन्‍नालाङ खोपरोङताङ खेरच्‍ये बात खासुङ।

शक्ति काम 17:17

थेकी थेरू यहूदीओनते मिटिङ खित्‍च्‍येते खाम्‍बादु गाल्‍गीन यहूदीओन थेमे परमेश्‍वरला माने खित्‍कान्‍ते ग्रीकओनताङ छलफल खिन येशू बात लाप्‍सुङ। थेमे ङीमे ठाङमा थे सारदु मिओन रूक्‍सादु गाल्‍गीन थेरू ओङकान डोकान मिओनलाङ थोकराङ खाईन येशू बात लाप्‍सुङ।

शक्ति काम 18:4

ईन्‍सीनोङ सन्‍चारी छोमु छोमुचेन पावल यहूदीओनते मिटिङ खित्‍च्‍येते खाम्‍बापा गाल्‍ला थेरू जम्‍मा ओङकान्‍ते यहूदीताङ ग्रीकओनला येशू बात सत्‍यते बात ईन सिन छलफल खाला खाला लेमु खाला लोप्‍कीन ओतान।

शक्ति काम 19:22

थेमे थेकी थे खोरोङताङ येशू बात लोप्‍च्‍येते काम खित्‍कान्‍ते तिमोथीताङ इरास्‍तसला टिक्‍पी गोमा म्‍यासिडोनियापा ताङसुङ। थे खोरोङचेन टिक्‍पी दिन थेरू एशिये अञ्‍चल नाङलाराङ देत्‍सुङ।

शक्ति काम 19:29

थेबेकी थोक खाला छेरा खित्‍जीन थे सारराङ थर्के खासुङ। थेमे च्‍यि ओङका सिन सार खाङ हल्‍ला खल्‍ला मच्‍चे खासुङ। थेमे थेरू मिओनगी पावलताङ र्‍वा खाईन ख्‍याम्‍बाते मेन्‍दा ङि मिला जुम्‍गीन ठुत्‍कीनकामा खेरगीन मि गाङेराङ जम्‍मा ओङला तेमु ताच्‍येते ठाउँदु क्‍याल्‍सुङ। थेबा ङिबोचेन म्‍यासिडोनिये लुङबे गायसताङ अरिस्‍तार्खस सिरातेबा ओतान।

शक्ति काम 19:8

थेमे पावल थेरूङ यहूदीओनते मिटिङ खित्‍च्‍येते खाम्‍बादु गाल्‍गीन मिओनला लोपाला स्‍यूसुङ। थेबाताङ छ्याःङ ज्‍यीबा मिक्‍किता खाईन छलफल खिन परमेश्‍वरगी थे खोरोङ राज्‍य येशू छ्य्‌वापेकी जोच्‍येते ईन सिरच्‍येते बात थेबेकी मेन सिराराङ मुथुप्‍च्‍या खाईन लेमु खाईन लाप्‍कीन बिन्‍सुङ। दावा सुमसाक थे दोक खाला थेरू लोप्‍कीनराङ देत्‍सुङ।

शक्ति काम 9:20

येशूला विश्‍वास खिताला स्‍यूक्‍पाईताङ शावल थेरू ओताते यहूदीओनते मिटिङ खित्‍च्‍येते खाम्‍बे नाङपा गाल्‍गीन थेरू जम्‍मा ओङाते मिओनला येशू परमेश्‍वर फुज्‍युङराङ ईन सिन लोपाला स्‍यूसुङ।

कलस्‍सी 4:10

दुरू ङात्ताङराङ जेलदु ओताते अरिस्‍तार्खसते ख्‍योकोनला नमस्‍ते ओत्‍लो। थेमे बारनाबास न्‍वा फाप्‍च्‍येते मर्कूसतेङ नमस्‍ते ओत्‍लो। मर्कूसला च्‍यि सिसे थेमे थेला चुक खिता फाप्‍कीते सिन ङे ख्‍योकोनला गोमाकाराङ साकीन सिन्‍दा ओत। था थे ख्‍योकोन ओत्‍सापा वासीन थेला लेमु खि।

२ तिमोथी 4:11

दुरू थरिङोला ङात्ताङ लूकाकामा ओत। ओङजीन खुई मर्कूसलाङ टीला खोरच्‍योक। परमेश्‍वर काम खिताला ङाला दुरू थे गोबा ओत।