शक्ति काम 13:41 - जिरेल

⁴¹ थेबेकी चुक साबा ओताने सासीन ‘ङे बातला ईनराङ मेन सिन खिस्‍यी खित्‍कान्‍ते मिवे, लेमु खाला ङेन। ङा ख्‍योकोन नाङ कामज्‍यीक खिओ। थे काम च्‍यि ईन्‍दे सिन सुइँदेकी ख्‍योकोनला लेमु खाईन लाप्‍कीन बिन्‍सीनोङ ख्‍योकोनगीचेन परमेश्‍वरगी थोक खाबाते ईनराङ मेन सिन पत्ते मिक्‍किओ। थोगी ख्‍योकोन गाङे सजाय ङेत्‍ला स्‍यिइओ,’ सिन परमेश्‍वरगी साबाते बात टिबा ओतान,” सिन सिदुक।

शक्ति काम 13:41 Iomraidhean Croise

लूका 16:14

फरिसी पाटी मिओन सम्‍पत्ति लोभ खिन ओतान। थोगी येशूकी चेलातेबाला साबाते सम्‍पत्ति बात थोकीन थेबेकी दिकी चुक मेङच्‍याई बात खासुङा सिन सिराला स्‍यूसुङ।

लूका 23:35

थेरू ताप्‍ला वाबाते मिओनचेन थोक थोक ओङाते गाङे तेइनराङ ओतान। यहूदीओन छ्ये छ्ये मिकीचेन खोल्‍ला ठोकस्‍यिङ सिराच्‍योक खिन “दिला तोना, दिकी ज्‍येन ज्‍येनलानी सोन्‍दा खासुङ। लो था दि परमेश्‍वरगी छाने खाईन तोङगो साबाते ख्रीष्‍टराङ दुका सासीन थे खोरोङला चुक खाला सोन ज्‍युत्‍च्‍या ईन्‍दाका, तेइना ओना,” सिन सासुङ।

शक्ति काम 13:47

ङ्योकोनला दोक खि सिन प्रभु येशू थे खोरोङगीराङ कोता ओत। चुक सासीन ‘लुङबा लुङबाला देता ओताते ज्‍येन ज्‍येन जातकी मि ओत्‍साला गाल्‍ला थेबाला ठीक लाम तेन्‍ला तेराला ङे खोल्‍ला छाने खाबा ओत। थोगी गाल्‍ला परमेश्‍वरगी थेबालाङ पापकी सजायदुकी टाल्‍ला लेमु खिओ सिन थेबाला लोप,’ सिन साबा ओत,” सिन सिदुक।

शक्ति काम 22:21

थोक सिरजीनोङ प्रभु येशूकी ङाला ‘खो दुरू देता मेङगो। ङा खोल्‍ला थारी थारीला ज्‍येन ज्‍येन जातकी मिला परमेश्‍वर बात लोपाला तोङगो,’ सिन सिदुक,” सिन थे खोरोङला गोमा ओङाते बाततेबा लाःप्‍सुङ।

शक्ति काम 3:23

थे बात मेङेन्‍कान्‍ते मिचेन परमेश्‍वर मिओनताङ देताराङ मेङेदो,’ सिन साबा ओतान।

शक्ति काम 6:14

दिकी चुक सिन बात खिका सासीन नासरतपे येशूकी परमेश्‍वर मन्‍दिरोङ रोम्‍ग्‍योत्‍लो थेमे मोशेकी बिन्‍दाते नियमला खिता फाप्‍क्‍यो साबाते रीतिथिति बादोङ खुदुक जोइओत्‍लो। दिकी दोक दोक साबाते ङ्योकोन ङेराङगीराङ थोबाते ईन,” सिन सासुङ।

१ थिस्‍सलोनिकी 2:16

च्‍यिला सासीन परमेश्‍वरगी ज्‍येन ज्‍येन जातकी मिला पापदुकी डेल्‍स्‍यीत सिन ङ्योकोनगी थेबाला गा लाङच्‍येते बात लोप्‍जीन होथे यहूदीओनगी ङ्योकोनला थुपासम्‍म दुक्‍पा बिन्‍ला थे बात लोप मुज्‍युत्‍तुक। होदोक दोक्‍ते कामकामा खिन देत्‍कीन थानी थेबानी पापकीराङ नुप्‍कीन सिन्‍दा खाईन सिन्‍सुङ। था ईन्‍सीन परमेश्‍वरगी थेबाला स्‍येदाङगी चूर गाल्‍ला सजाय तेरच्‍येते बेला लेप्‍सुङ।

१ पत्रुस 4:17

थेमे था परमेश्‍वरगी मि गाङे न्‍याय खित्‍च्‍येते बेला लेपा खासुङ। था थेकी गोमा ङुरूङ न्‍याय खिओ। दोक खाला थे खोरोङ मिओनतेनी थेकी न्‍याय खिओ सासीन झन थे खोरोङ गा लाङच्‍येते बात मेङेन्‍कान्‍ते मिओनला चुकका खाओङा।