शक्ति काम 13:4 - जिरेल

⁴ थोक खाईन परमेश्‍वर आत्‍मेकी बारनाबासताङ शावलला थेरूकी ताङनामेकी थेबा सिल्‍युसिया सारनामा गाल्‍सुङ। थेमे थेरूकी पानीजहाजला जेकीन समुन्‍द्रे किल्‍दु ओताते साइप्रस लुङबापा गाल्‍सुङ।

शक्ति काम 13:4 Iomraidhean Croise

शक्ति काम 11:19

स्‍तिफनसला सेत्‍नामेकी येशूला विश्‍वास खित्‍कान्‍तेबाला छ्ये छ्ये मिकी आउदी खाईन दुक्‍पा तेराला स्‍यूनामेकी यरूशलेमदुकी फ्रोकीन छरपुट्ट गालाते मिओन थारी थारीला ख्‍योला ओतान। थेबा लाला फोनिसिये नाङपा, लालाचेन साइप्रस लुङबे नाङपा लेपा ओतान। थोकराङ खाईन लाला लालाचेन एन्‍टिओखिये सारगी नाङपा गाला ओतान। थोक खाईन गाङेपा गालाते मि काल्‍बा च्‍योक्‍तेकी खालि खोपरोङ यहूदीओनलाकामा येशू बात लोपाला स्‍यूसुङ।

शक्ति काम 13:2

थेमे बाजिई थेबाबरी बर्त देत्‍ला प्रभु परमेश्‍वरते जय जय खिन प्रार्थना खिन ओतान। थोक खिते बेलाला परमेश्‍वर आत्‍मेकी थेबाला “ङे बारनाबासताङ शावलला कामज्‍यीक खिताला छाने खाबा ओत। थोगी था ख्‍योकोनगी दिबा ङिबोला थे कामराङ खिताला थोङ,” सिन छ्या स्‍ये च्‍युत्‍सुङ।

शक्ति काम 13:3

परमेश्‍वर आत्‍मेकी थोक सानामेई थेबेकी थोरूमोङ बर्त देत्‍कीन परमेश्‍वरला प्रार्थना खासुङ। थोक खाईन सिन्‍नामेकी थेबेकी बारनाबासताङ शावल लाक्‍तु लाक्‍पा ज्‍यागीन प्रार्थना खासुङ। थेमे परमेश्‍वर आत्‍मेकी थेबाला खि साबाते काम खिताला थेरूकी ताङसुङ।

शक्ति काम 15:36

थेमे टिक्‍पी तिरी पावलगी बारनाबासला “लो था ङुरूङ गोमा दाक्‍पोनगी प्रभु येशू बात लापाते सार सारला गाङेपा ग्‍युरला डुइ। थेमे थेङला आज्‍यो न्‍वाओनला च्‍यि च्‍यि ओङका, थेबा चुक दुका तार डुइ,” सिन सिदुक।

शक्ति काम 20:23

ईन्‍सीनोङ ङा यरूशलेमपा लेप्‍नामेकी ङे थेरू जेलदु देता फाप्‍क्‍यो थेमे ङेतासम्‍म दुक्‍पा ङेत्‍क्‍यो सिन परमेश्‍वर आत्‍मेकी ङाला सार सारला याङ याङ छ्या स्‍येबा खाईन बिन्‍दा ओत।

शक्ति काम 27:4

थेमे थेरूकीङ ङ्योकोन ख्‍याम्‍बाप। तर पानीजहाज खेरा चाल्‍से छ्य्‌वापेकी आउदी खाईन ल्‍हाबा चले खाबेकी ङ्योकोन साइप्रस लुङबे पूर्वे छ्य्‌वापा खाईन ड्वा फाप्‍सुङ।

शक्ति काम 4:36

येशूला विश्‍वास खित्‍कान्‍तेबे नाङ यूसुफ सिराज्‍यीक मि ओतान। थेचेन साइप्रस लुङबादु केबाते लेवी थरगी मि ओतान। येशू ख्रीष्‍टकी खटे खाबाते मिओनगी थेला बारनाबास सिन मिन ज्‍याक्‍पा ओतान। बारनाबास साबाते मिओनला आँट तेरकान्‍ते साबाते ईन।