शक्ति काम 13:2 - जिरेल

² थेमे बाजिई थेबाबरी बर्त देत्‍ला प्रभु परमेश्‍वरते जय जय खिन प्रार्थना खिन ओतान। थोक खिते बेलाला परमेश्‍वर आत्‍मेकी थेबाला “ङे बारनाबासताङ शावलला कामज्‍यीक खिताला छाने खाबा ओत। थोगी था ख्‍योकोनगी दिबा ङिबोला थे कामराङ खिताला थोङ,” सिन छ्या स्‍ये च्‍युत्‍सुङ।

शक्ति काम 13:2 Iomraidhean Croise

मत्ती 17:21

ईन्‍सीनोङ दोक खोक्‍पो खाला दुक्‍पा तेरकान्‍ते ल्‍हन्‍डीकचेन बर्त देत्‍ला परमेश्‍वरताङ प्रार्थना खालाकामा तेन्‍ला तोङा थुप्‍क्‍यो,” सिन सिदुक।

मत्ती 6:16

थेमे बर्त देत्‍जीन ख्‍योकोनगीचेन ज्‍येनगी खोपरोङला धर्मतीते मि दुका साला मान खित्‍स्‍यीत सिराच्‍योक खित्‍कान्‍ते मिओनगी च्‍योक माकेत। होथोक्‍ते मिओनगीचेन खोपरोङ बर्त देता ओताक्‍वा सिन ज्‍येनगी छ्या स्‍येस्‍यीत सिन छ्येत सेत्‍ला देत्‍क्‍यो। दि बात ङेन। थोक खित्‍कान्‍ते मिओनला ज्‍येनगीचेन मान खिओ। तर परमेश्‍वरगी तेरच्‍येते इनामचेन थेबेकी छ्याःङ मेङेदो।

लूका 10:1

दि तिरी प्रभु येशूकी परमेश्‍वर राज्‍य बात लोपाला ज्‍येन मेरा खाल सुमताङ च्‍युताम्‍बा मि छाने खासुङ। थेमे थेबाला था थे खोरोङ डोच्‍येते गाङे सारताङ युल युलला मेरा ङि ङि खाला गोमा गोमा तोङच्‍या खासुङ।

लूका 2:37

ख्‍योबोते स्‍यिनामेकी थोजोराङ देत्‍कीन था थे लो खाल स्‍यीताङ स्‍यी गाला ओतान। थेचेन ङीन नुप परमेश्‍वर मन्‍दिरदु परमेश्‍वरला प्रार्थना खिन देत्‍कीन ओतान। परमेश्‍वरला झन छ्ये ज्‍वा थुप्‍स्‍यीत सिन थे बेला बेलाला बर्तङ देत्‍कीन ओतान।

शक्ति काम 10:19

थेतेसाकोङ पत्रुसचेन परमेश्‍वरगी मिलाम खित ज्‍युताच्‍योक खाईन थे खोरोङला तेन्‍गीन बिन्‍दाते बातराङ विचार खिन ओतान। थेमे परमेश्‍वर आत्‍मेकी थेला “पत्रुस, खो खोक लाला मिमा ग्‍युक। खोल्‍ला लिन्‍दाला थेमा मेन्‍दा सुम मि वाला दुक।

शक्ति काम 10:30

थेकी थोक सानामेकी कर्नेलियसकी “हजूर, ङीमा स्‍यी गोमा होथामजोबा ग्‍वासे तीन बजे प्रार्थना खिते बेलाला ङा खाम्‍बादुराङ परमेश्‍वरला प्रार्थना खिन ओतान। प्रार्थना खिन खिनला ङे आउदी कार्मुज्‍यीक खोलाक खोन्‍दाई मिज्‍यीकला ङाराङ दोन्‍दु ओङा थोङसुङ।

शक्ति काम 13:3

परमेश्‍वर आत्‍मेकी थोक सानामेई थेबेकी थोरूमोङ बर्त देत्‍कीन परमेश्‍वरला प्रार्थना खासुङ। थोक खाईन सिन्‍नामेकी थेबेकी बारनाबासताङ शावल लाक्‍तु लाक्‍पा ज्‍यागीन प्रार्थना खासुङ। थेमे परमेश्‍वर आत्‍मेकी थेबाला खि साबाते काम खिताला थेरूकी ताङसुङ।

शक्ति काम 13:4

थोक खाईन परमेश्‍वर आत्‍मेकी बारनाबासताङ शावलला थेरूकी ताङनामेकी थेबा सिल्‍युसिया सारनामा गाल्‍सुङ। थेमे थेरूकी पानीजहाजला जेकीन समुन्‍द्रे किल्‍दु ओताते साइप्रस लुङबापा गाल्‍सुङ।

शक्ति काम 14:26

थेरूकीचेन पानीजहाजला जेकीन सिरिये लुङबे एन्‍टिओखिया सारनापा ग्‍युरगीन गाल्‍सुङ। थेबा ङिबो गोमा गाङेपा गा लाङच्‍येते बात लोप डोजीन थे सारदु ओताते येशू ख्रीष्‍ट मिओनगीराङ परमेश्‍वरगी थेबाला दया खाला आशी तेरस्‍यीत सिन ताङा ओतान। थोक खाईन थेबा ङिबो खोपरोङगी खिता फाप्‍च्‍येते काम पूरो खाईन लोईन थेरू ग्‍युरगीन लेपा ओतान।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

शक्ति काम 22:21

थोक सिरजीनोङ प्रभु येशूकी ङाला ‘खो दुरू देता मेङगो। ङा खोल्‍ला थारी थारीला ज्‍येन ज्‍येन जातकी मिला परमेश्‍वर बात लोपाला तोङगो,’ सिन सिदुक,” सिन थे खोरोङला गोमा ओङाते बाततेबा लाःप्‍सुङ।

शक्ति काम 4:36

येशूला विश्‍वास खित्‍कान्‍तेबे नाङ यूसुफ सिराज्‍यीक मि ओतान। थेचेन साइप्रस लुङबादु केबाते लेवी थरगी मि ओतान। येशू ख्रीष्‍टकी खटे खाबाते मिओनगी थेला बारनाबास सिन मिन ज्‍याक्‍पा ओतान। बारनाबास साबाते मिओनला आँट तेरकान्‍ते साबाते ईन।

शक्ति काम 6:4

ङ्योकोन ङेराङचेन खालि प्रार्थना खित्‍च्‍येते थेमे परमेश्‍वर बात लोप्‍च्‍येते कामकामा खिओ,” सिन बात खासुङ।

शक्ति काम 8:29

थेमे परमेश्‍वर आत्‍मेकी फिलिपला “लो खो थे बग्‍गी खादु गाल्‍ला थेत्ताङराङ ख्‍योम,” सिन कोत्‍सुङ।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

रोमी 1:1

दि चिट्ठी येशू ख्रीष्‍ट काम खित्‍कान्‍ते ङा पावल टिगीन ओत। ङा येशू ख्रीष्‍टकी खटे खाबाते मि ईन। मिओनला थे खोरोङ गा लाङच्‍येते बात लोपाला ङाला परमेश्‍वरगी छाने खाबाते ईन।

रोमी 10:15

लोक्‍ला थे बात लोप्‍कान्‍ते मिलाङनी थोक खि सिन सुइँदेकी तोङा फाप्‍सुङ मेनरो? तर थे बात लोप्‍कान्‍ते मिओन परमेश्‍वरगी ताङगीन सिन्‍दा ओत सिन परमेश्‍वर बातला “गा लाङच्‍येते बात लोप्‍कान्‍ते मि ओङजीन थोई लेमु ईन्‍दाका,” सिन साबा ओत।

रोमी 15:16

ज्‍येन ज्‍येन जातकी मि नाङ काम खिताला थेकीराङ ङाला येशू ख्रीष्‍ट काम खित्‍कान्‍ते मि सिन खटे खाबाते ईन। थोगी ङा ज्‍येन ज्‍येन जातकी मिला परमेश्‍वर गा लाङच्‍येते बात लोप्‍क्‍यो। परमेश्‍वर आत्‍मेकी थेबे सेम खुदुक जोला थेबा परमेश्‍वरला चढे खाबाते थेला मन परे खित्‍च्‍येते भोग च्‍योकराङ ओङस्‍यीत सिन ङा दोक खाला लोप्‍च्‍येते काम खिओ।

१ कोरिन्‍थी 12:11

मिओनला होदि गाङे काम खित ज्‍युत्‍कान्‍ते परमेश्‍वर आत्‍माचेन दोक्‍पोईराङ ईन। सु सुला च्‍यि खित्‍च्‍येते सीपताङ शक्ति तेरच्‍ये सिन छ्या स्‍येला थेकी मि दाक्‍पोन दाक्‍पोनला होथोक खुदुक खुदुक काम खित्‍च्‍येते सीपताङ शक्ति तेरग्‍यो।

१ कोरिन्‍थी 7:5

ख्‍यावा फेम्‍मे ओङगीन सिन्‍नामेई दोक्‍पोईकी ज्‍येनज्‍यीक खाँचो टारे खिता फाप्‍च्‍येते ईन्‍देकी ख्‍योकोन ठाल्‍ला माङ्याल। परमेश्‍वरताङ प्रार्थना खिताला कहिलेकहीँ ङिकारगी सल्‍लाह खाला ङ्योम्‍बुराङ ङ्याल्‍च्‍येते बातकीते ङुरूङ छ्याःङ विचार मिक्‍किकी सिन सासीनोङ ज्‍येन बेलाला ठाल्‍ला माङ्याल। ठाल्‍गीन ङ्याल्‍सीन ख्‍योकोनगी दाक्‍पोन सेम थामे खिता मुथुबो। थेमे शैतानगी ख्‍योकोनला पाप खित ज्‍युत्‍क्‍यो।

२ कोरिन्‍थी 11:27

ङे स्‍याप स्‍याप खाईन काम खाबाप। पालोताङ पालो ङे मिक छुम मिक्‍किता खाईन नुप स्‍येन्‍दान, पालोताङ पालो ङा त्‍वाबा कोम्‍बा लासीनोङ थोकराङ देतान, पालोताङ पालो ङा सुबाला अन्‍ने तारानराङ मुलुबा खाईन देतान थेमे खोन्‍च्‍या दिङच्‍या मेतेकी पालोताङ पालो ङा खेबे नाङला ख्‍वाकीनराङ देतान।

२ कोरिन्‍थी 6:5

थोकराङ खाला थाराङ मि लाक्‍पे दुताक सा फाप्‍सीनोङ, जेलदु देता फाप्‍सीनोङ, ङेराङ विरोधला हूलदङ्गा खासीनोङ ङ्योकोन खपेराङ खाला देत्‍क्‍यो। दोस्‍यिककामा मेन, ङीन नुप स्‍याप स्‍याप खाला काम खिता फाप्‍सीनोङ, मिक छुम मिक्‍किता खाला जागोराङ देत्‍ला नुप स्‍येन्‍दा फाप्‍सीनोङ थेमे त्‍वाबा तुक्‍पाराङ देता फाप्‍सीनोङ दोकराङ खिओ।

गलाती 1:15

ङा होथोक्‍ते मि ओतान। ईन्‍सीनोङ आमे सुबे नाङ ओत्‍जीनमेईराङ परमेश्‍वरगी ङाला छाने खाबा ओताक्‍वा। थेमे थेकी ङाला दया खाईन थे खोरोङ दोन्‍दु स्‍योक सिन काताङगीन

एफिसी 3:7

दि गा लाङच्‍येते बात लोप्‍च्‍येते काम ङा खिन ओत। परमेश्‍वरगी ङाला दया खाईन दि बात लोप सिन छाने खाईन दि काम खिताला थे खोरोङ शक्तिङ बिन्‍सुङ।

कलस्‍सी 4:17

थेमे अर्खिप्‍पसला च्‍यि सिसे सासीन प्रभु येशूकी थे खोरोङला जिम्‍मा बिन्‍दाते काम मासिनथुप खिनराङ देत सि।

१ तिमोथी 2:7

परमेश्‍वरगी मिओनला थोक खिता छोल्‍ग्‍यो सिराला ङा येशू ख्रीष्‍टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्‍वास खिता फाप्‍कीते थेमे ङेन्‍दा फाप्‍च्‍येते सत्‍यते बात च्‍यि ईन्‍दे सिन ज्‍येन ज्‍येन जातकी मिला लोप्‍कान्‍ते मि ईन।

२ तिमोथी 1:11

दि गा लाङच्‍येते बात ज्‍येनला लोप सिन परमेश्‍वरगी ङाला छाने खाबा ओतान। दोक खाईन ङा येशू ख्रीष्‍टकी खटे खाबाते मि ईन्‍देकी थेमे दि बात लोप्‍कान्‍ते मि ईन्‍देकी ङे दि काम खिता फाप्‍क्‍यो।

२ तिमोथी 2:2

थेमे मि काल्‍बेई ङोन्‍दु च्‍यि बात चुक ईन्‍दे सिन ङे खोरोङला लाप्‍कीन बिन्‍दाते बातओन मिओनला लोप सिन ज्‍येन मिलाङ जिम्‍मा बिन। दोक्‍ते मिओनचेन ज्‍येनला लेमु खाला लोपा थुप्‍कान थेमे भर परे खिता थुप्‍च्‍येतेन्‍दे ओङा फाप्‍क्‍यो।

२ तिमोथी 4:11

दुरू थरिङोला ङात्ताङ लूकाकामा ओत। ओङजीन खुई मर्कूसलाङ टीला खोरच्‍योक। परमेश्‍वर काम खिताला ङाला दुरू थे गोबा ओत।

२ तिमोथी 4:5

तर खोचेन जे खित्‍जीनोङ लेमु खाला विचार खालाकामा खि, खोरोङ काम खित्‍जीन जस्‍तोराङ दुक्‍पा ओङसीनोङ थे दुक्‍पा भोगे खि, ठाउँ ठाउँला गाल्‍ला गा लाङच्‍येते बात लोप्‍कान्‍ते मिकी खित्‍च्‍येते काम खिन देत थेमे परमेश्‍वरगी खोल्‍ला जिम्‍मा लै खाबाते काम गाङे मासिनथुप खिनराङ देत।

हिब्रू 5:4

सुइँदेकी ङा गाङे भन्‍दा छ्येते पूजारी ओङगो सिरजीनमेईराङ थे मान ङेत्‍च्‍येते मेन। गाङे भन्‍दा छ्येते पूजारी ओङालाचेन थाङबो हारूनला च्‍योकराङ परमेश्‍वर थे खोरोङगीराङ छाने खिता फाप्‍क्‍यो।