शक्ति काम 13:1 - जिरेल

¹ एन्‍टिओखियादु जम्‍मा ओङकान्‍ते येशू ख्रीष्‍ट मिओन नाङ कोई परमेश्‍वर बात खित्‍कान थेमे कोईचेन परमेश्‍वर बात लोप्‍कान ओतान। थेबाचेन बारनाबास, काला सिराते शिमियोन, साइरेनीपे लुसियस थेमे मनेनताङ शावल ओतान। मनेनचेन हेरोद गेल्‍बोताङराङ हुर्के खाबा ओतान।

शक्ति काम 13:1 Iomraidhean Croise

मत्ती 27:32

थेमे येशूला टीला डुइन डुइनलाराङ लामला थेबेकी साइरेनीपे शिमोन सिराते मिला ठेत्‍सुङ। थेमे मिल्‍टेरीओनगी थेलाराङ जुम्‍गीन येशूला टाँए खाला सेत्‍च्‍येते स्‍यिङगी थाम जबरजस्‍ती कुरगीन खेरसुङ।

लूका 3:1

रोमी गेल्‍बो टाइबेरियसकी राज्‍य खाबाते लो च्‍युप्‍स्‍यी छाङगीन च्‍याङाला स्‍यूबा ओतान। थेजीन पन्‍तियस पिलातस यहूदिये अञ्‍चलते रोमी गेल्‍बो हाकिम ओतान। हेरोद गालील अञ्‍चलदु थेमे थे न्‍वा फिलिप इतुरियाताङ त्राखोनितिसदु राज्‍य खिन ओतान। थोकराङ खाला लुसानियासचेन अबिलेनेदु राज्‍य खिन ओतान। दिबा गाङे रोमी गेल्‍बो चावादु देत्‍ला राज्‍य खित्‍कान ओतान।

शक्ति काम 11:30

थेमे थे पैसाबरी थेबेकी थेपा ओताते येशू ख्रीष्‍ट मिओनला ताकान्‍ते मिओन लाःक्‍तु बिन सिन बारनाबासताङ शावल लाःक्‍तु बिन्‍गीन ताङसुङ।

शक्ति काम 12:25

बारनाबासताङ शावलचेन खोपरोङगी यरूशलेमदु केल वाबाते पैसा बिन्‍गीन च्‍याकीन एन्‍टिओखियामा ग्‍युरगीन गाल्‍सुङ। थेबा ङिबोकी मर्कूस सिराते यूहन्‍नालाङ थेबाताङराङ टीकीन खेरसुङ।

शक्ति काम 13:9

शावललाचेन ग्रीक बातला पावल सिनोङ सिन ओतान। एलुमासकी थे हाकिमला येशूला विश्‍वास खित मुज्‍युता छोल्‍जीन पावलगी थेला ऊरीकामा ताकीन च्‍याकीन परमेश्‍वर आत्‍मे छ्य्‌वापेकी

शक्ति काम 15:32

यहूदाताङ सिलासोङ ङिकाराङ परमेश्‍वर बात खित्‍कान्‍ते मि ओतान। थेबेकी थेरू आज्‍यो न्‍वाओनला चुक चुक खिता फाप्‍कीते सिन लाप्‍कीन बिन्‍गीन जस्‍तोराङ ओङसीनोङ प्रभु येशूला विश्‍वास खिन देता मातोङ सिन आँटोङ बिन्‍सुङ।

शक्ति काम 15:35

पावलताङ बारनाबास एन्‍टिओखियादु देत्‍सुङ। थेमे थेरू थेबा ङिबोताङ ज्‍येनोङ काल्‍बेई मिकी प्रभु येशू बात च्‍यि ईन्‍दे सिन लाप्‍सुङ।

शक्ति काम 19:6

थेमे थेकी थेबे लाक्‍तु लाक्‍पा ज्‍यागीन प्रार्थना खानामेई थेबेकी परमेश्‍वर आत्‍मा ङेत्‍सुङ। परमेश्‍वर आत्‍मा ङेत्‍नामेई थेबेकी खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ, परमेश्‍वरगी सिर च्‍युताते बादोङ खासुङ।

शक्ति काम 21:9

थेते फाङमा मिक्‍किता खाईन देताते फुमु स्‍यी ओतान। थेबा स्‍यीकाराङ परमेश्‍वरगी सिर च्‍युताते बात खित्‍कान ओतान।

शक्ति काम 4:36

येशूला विश्‍वास खित्‍कान्‍तेबे नाङ यूसुफ सिराज्‍यीक मि ओतान। थेचेन साइप्रस लुङबादु केबाते लेवी थरगी मि ओतान। येशू ख्रीष्‍टकी खटे खाबाते मिओनगी थेला बारनाबास सिन मिन ज्‍याक्‍पा ओतान। बारनाबास साबाते मिओनला आँट तेरकान्‍ते साबाते ईन।

शक्ति काम 9:1

थेमे शावलगीचेन प्रभु येशू चेलाओनला थोरूमोङ खेदा खिता ताङा मेतान। थेकी थेबाला झन झन दुक्‍पा बिन्‍ला सेता छोल्‍गीन ओतान।

रोमी 16:21

थेमे ङात्ताङराङ येशू ख्रीष्‍ट काम खित्‍कान्‍ते तिमोथीते ख्‍योकोनला नमस्‍ते ओत्‍लो। थोकराङ खाला ङाराङ मि फाप्‍च्‍येते लुसियस, यासोनताङ सोसिपेटरतेङ ख्‍योकोनला नमस्‍ते ओत्‍लो।

१ कोरिन्‍थी 11:4

थोगी सुइँदा ख्‍योओ मिकी ताकीछ्यी खोन खोनबालाराङ परमेश्‍वरताङ प्रार्थना खासुङ थेमे थेकी सिर च्‍युताते बात खासुङ सासीन थेकी थे खोरोङ भन्‍दा छ्ये ईन्‍दाते ख्रीष्‍टला मान माक्‍याबाते ईन।

१ कोरिन्‍थी 13:2

ङेचेन परमेश्‍वरगी सिर च्‍युताते बात खित्‍च्‍येते शक्ति ङेता ओत्‍सीनोङ, परमेश्‍वरगी गोमा सुङलाङ छ्या स्‍ये च्‍युता मेताते बाततेबा गाङे छ्या स्‍येकान्‍ते ईन्‍सीनोङ थेमे परमेश्‍वरगी चुक खाला काम खिते सिरच्‍येते बात गाङे छ्या स्‍येबा ओत्‍सीनोङ ङे ज्‍येनला ङिङज्‍ये माक्‍यासीन दि बाततेबा छ्या स्‍येला छ्याःङ काम लै मिक्‍किओ, ङा छ्याःङ मेन। थेमे परमेश्‍वरगी जेङ खिता थुप्‍क्‍यो सिन थेला विश्‍वास खाला बोमज्‍यीकला सरे खाला ग्‍युक साला थे बोमला समेत सरे खित ज्‍युता थुप्‍सीनोङ ङा छ्याःङ मेन।

१ कोरिन्‍थी 13:8

ज्‍येनला ङिङज्‍ये खित्‍च्‍येतेचेन नोमुङ छ्याःङ काम लै मिक्‍किच्‍या डोच्‍येते बात मेन। परमेश्‍वरगी सिर च्‍युताते बात खित्‍च्‍येते शक्ति था ङीमा लेनज्‍यीक चले खिता माफाबो थेमे दाक्‍पोनगी छ्या मास्‍येबाते खुदुक खुदुकते भाषाला बात खित्‍च्‍येते शक्तिङ गोराङ मोगोओ। थोकराङ खाला परमेश्‍वरगी चुक खाला काम खिते सिन छ्या स्‍येच्‍येते शक्तिङ था ङीमाई छ्याःङ काम लै मिक्‍किओ।

१ कोरिन्‍थी 14:29

थोकराङ खाला परमेश्‍वरगी सिर च्‍युताते बात खित्‍कान्‍तेबेकीङ पालो पालो खालाकामा मेरा ङि सुमगी थे बात खित्‍च्‍येते खि। थेमे ज्‍येनबरीकीचेन थेबेकी च्‍यि सिका सिन लेमु खाला ङेन्‍ला थे बात ठीक ईन्‍दाताङ मेन्‍दा डेल्‍च्‍येते खि।

१ कोरिन्‍थी 14:32

परमेश्‍वरगी सिर च्‍युताते बात खित्‍कान्‍ते मिकी थे बात थे खोरोङगी सिरा चाले बेलाला सिराङ थुप्‍क्‍यो थेमे खाराक्‍पा देता फाप्‍सीन खाराक्‍पाङ देता थुप्‍क्‍यो।

१ कोरिन्‍थी 9:6

थेमे च्‍यि बारनाबासताङ ङेचेन ङेराङ सुबा स्‍वाप्‍ला ज्‍येनोङ काम खिता फाप्‍च्‍येते ईनरो?

गलाती 2:13

थेकी थोक खानामेई ज्‍येन ज्‍येन जातकी मित्ताङ थोक खाला ठाल्‍च्‍येते ठीक मेन सिन छ्या ओत्‍कीन ओत्‍कीनोङ थेङला ओताते येशू ख्रीष्‍टला विश्‍वास खित्‍कान्‍ते ज्‍येन यहूदीओनगीङ पत्रुसताङ डिगीन थेकी च्‍योकराङ खिताला स्‍यूसुङ। थेबा गाङेकी थोक खाबा थोङनामेईनी ङेङ थोकराङ खिता फाप्‍क्‍यो सिराच्‍योक खाईन बारनाबासोङ थे छ्य्‌वापाराङका लै खासुङ।

गलाती 2:9

परमेश्‍वरगी ङाला दया खाईन दि काम खित्‍च्‍येते जिम्‍मा बिन्‍दाते दुका सिन छ्या स्‍येनामेकी होथे छ्येते मिओन नाङ गाङे भन्‍दा छ्येतेबा ईन सिन साबाते याकूब, पत्रुस थेमे यूहन्‍नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्‍ला काम खिइ सिन सिदुक। दोक खित्‍जीनराङ बारनाबासताङ ङा ज्‍येन ज्‍येन जातकी मिला थेमे थेबाचेन यहूदीओनला गा लाङच्‍येते बात लोप्‍की सिरच्‍येते बातला थेबा डिक्‍सुङ।

एफिसी 4:11

थेकीराङ मिओनला खुदुक खुदुकते काम खित्‍च्‍येते सीपताङ शक्ति बिन्‍गीन कोईला थे खोरोङगी खटे खाबाते मि थेमे कोईला परमेश्‍वर बात खित्‍कान्‍ते मि जोसुङ। थोकराङ खाईन कोईला ठाउँ ठाउँला गाल्‍ला गा लाङच्‍येते बात लोप्‍कान्‍ते मि थेमे कोईला परमेश्‍वर सन्‍तानओनला ताकान्‍ते थेमे परमेश्‍वर बात लोप्‍कान्‍ते मि जोसुङ।

फिलिप्‍पी 4:22

थेमे देपा ओताते परमेश्‍वर सन्‍तान गाङेते ख्‍योकोनला नमस्‍ते ओत्‍लो। थेबे नाङदुङ रोमी गेल्‍बो दरवारदु ओताते परमेश्‍वर सन्‍तानओनते ख्‍योकोनला काल्‍बेई नमस्‍ते ओत्‍लो।

१ थिस्‍सलोनिकी 5:20

सुइँदेकी परमेश्‍वरगी सिर च्‍युताते बात खित्‍जीन थे छ्याःङ काम लै मिक्‍किओ सिराच्‍योक माकेत।