शक्ति काम 12:9 - जिरेल

⁹ थोक खाईन सिन्‍नामेकी पत्रुस थे दूतकी तिरी तिरी गाल्‍सुङ। थोक ओङाते साँच्‍चीराङ ईन सिन थेला छ्याःङ छ्या मेतान। थेलानी मिलाम खाबा च्‍योकका लाबा ओतान।

शक्ति काम 12:9 Iomraidhean Croise

यूहन्‍ना 2:5

येशू आमेकीचेन थेरू काम खित्‍कान्‍ते मिओनला “दिकी च्‍यि च्‍यि खि सिका ख्‍योकोनगी थे थेराङ खि,” सिन सिदुक।

शक्ति काम 10:17

परमेश्‍वरगी मिलाम खित ज्‍युताच्‍योक खाईन थे खोरोङला दि बात तेन्‍गीन सिन्‍नामेकी दोक ओङाते च्‍यि ईन्‍ताका सिन पत्रुस विचार खिन ओतान। थे बेलालाराङ कर्नेलियसकी ताङाते मिओन थे सर्की खाम्‍बा छोल्‍गीन थे खाम्‍बे खादु लेप्‍सुङ।

शक्ति काम 10:3

ङीमाई ग्‍वासे तीन बजे नाङला परमेश्‍वरगी थेला मिलाम खित ज्‍युताच्‍योक खित च्‍युत्‍सुङ। च्‍यि सासीन थेकी परमेश्‍वर दूतज्‍यीकला थे खोरोङ दोन्‍दु वाबाते लेमु खाईन थोङसुङ। थे दूतकी थेला “कर्नेलियस,” सिन काताङसुङ।

शक्ति काम 11:5

थेकी “आज्‍यो न्‍वावे, ङा योप्‍पादु ओत्‍जीन ङीमाई प्रार्थना खिते बेलाला परमेश्‍वरगी ङाला मिलाम खित ज्‍युताच्‍योक खित च्‍युत्‍सुङ। थोक खित ज्‍युत्‍जीन ठामासोमुलाराङ ङे स्‍वर्गनेकी गा च्‍योकस्‍यिक जोदाई छेउ छेउला सुइँदेकी जुम्‍बाच्‍योक खाईन फाप्‍कीन ओता थोङसुङ।

शक्ति काम 12:8

थेमे थे दूतकी “काराक छ्यि, काचाप खोन,” सिन सासुङ। पत्रुसकी थोक खानामेकी याङराङ थेकी “लाक्‍तु खोन्‍च्‍येते खोलाक खोन्‍ला ङे तिरी स्‍योक,” सिन सिदुक।

शक्ति काम 26:19

थोक खाला स्‍वर्गनेकी वाला ङाला ठेता खित्‍कान्‍ते प्रभु येशूकी खि साबाते बात मेङेन्‍दा खाईन ङानी देताराङ माथुप्‍सुङ सरकार।

शक्ति काम 9:10

दमस्‍कसदुराङ हननिया सिराज्‍यीक येशू चेला ओतान। प्रभु येशूकी थेला मिलाम खित ज्‍युताच्‍योक खाईन “ए हननिया,” सिन काताङसुङ। थेमे हननियेकी “च्‍यि साबे प्रभु?” सिन सिरजीन

हिब्रू 11:8

अब्राहामोङ परमेश्‍वरगी थे खोरोङला ज्‍येनज्‍यीक लुङबा तेरग्‍यो, थेपा ग्‍युक सिन सानामेई थेला विश्‍वास खाईन थे खोरोङ लुङबा ताङगीन ख्‍याम्‍सुङ। थोक खाला ख्‍याम्‍जीन ङा दि ठाउँदुराङ डुइन ओत सिन थेला छ्याःङ छ्या मेतान।