शक्ति काम 12:7 - जिरेल

⁷ थेमे थे छोमु च्‍यि ओङसुङा सासीन पत्रुस दोन्‍दु प्रभु परमेश्‍वर दूतज्‍यीक ख्‍योल्‍सुङ। थेमे थे कोठादु आउदी नाम्‍दाक ओङसुङ। थेरूई थे परमेश्‍वर दूतकी पत्रुसला “ल्‍वा ल्‍वा,” सिन योम्‍सुङ। थेमे थेला कोन्‍दाते नेलोङ ठोल्‍गीन साला ङीम्‍सुङ।

शक्ति काम 12:7 Iomraidhean Croise

मत्ती 2:13

थोक खाईन थे ज्‍योतिषीओन गाल्‍नामेकी थे छोमु ग्‍वासेराङ यूसुफकी मिलामला प्रभु परमेश्‍वर दूतज्‍यीकला थोङसुङ। थेमे थे दूतकी थेला “यूसुफ, खोक ल्‍वा थेमे दि फिजाताङ आमातेला टीला दुरूकी छिटो मिश्रे लुङबामा ग्‍युक। लोईन ङे छ्याःङ मासाथुपचेन थेमाराङ देत। च्‍यिला सासीन हेरोद गेल्‍बोकी दि फिजाला सेता चाल्‍ला दुक,” सिन बात खासुङ।

लूका 2:9

थेमे थे फिजा क्‍या छोमु ग्‍वाका च्‍यि ओङसुङा सासीन थे गोठालाओनगी प्रभु परमेश्‍वर दूतज्‍यीक थेबे दोन्‍दु ओङा थोङसुङ। थेमे प्रभु परमेश्‍वरते मिगी ताराङ मुथुप्‍च्‍या झिलिमिली नाम्‍दाक फोक्‍पेकी थेबे फेरोला नाम्‍दाक छ्याङे गाल्‍सुङ। थोक ओङजीन गोठालाओन च्‍यि ईन्‍ताका सिन ज्‍यीबेकी थरावरी गाल्‍सुङ।

लूका 24:4

थोक थोङगीन थेरू च्‍यि ओङा ईन्‍ताका सिन थेबा अलमल्‍ल परे खासुङ। थेमे थेजीनराङ मिगी तापराङ मुथुप्‍च्‍या खाला टल्‍के खित्‍च्‍याज्‍यीक खोलाक खोन्‍दातेन्‍दे मेन्‍दा ङि मि थेबे दोन्‍दु लेप्‍सुङ।

शक्ति काम 10:30

थेकी थोक सानामेकी कर्नेलियसकी “हजूर, ङीमा स्‍यी गोमा होथामजोबा ग्‍वासे तीन बजे प्रार्थना खिते बेलाला ङा खाम्‍बादुराङ परमेश्‍वरला प्रार्थना खिन ओतान। प्रार्थना खिन खिनला ङे आउदी कार्मुज्‍यीक खोलाक खोन्‍दाई मिज्‍यीकला ङाराङ दोन्‍दु ओङा थोङसुङ।

शक्ति काम 12:23

थेबेकी थोक खाईन थे खोरोङला ल्‍हा ईन सिन छेरा खित्‍जीनोङ थे छ्याःङ मिसिरा खाईन खाराक्‍पा देत्‍सुङ। थोक खाईन परमेश्‍वरला मान माक्‍याबेकी खित्‍सादु थे बेलालाराङ प्रभु परमेश्‍वर दूतज्‍यीगी थेला सजाय बिन्‍सुङ। थेमे थे बु ग्‍याप्‍कीन स्‍यिसुङ।

शक्ति काम 12:6

हेरोद गेल्‍बोकी पत्रुसला मि गाङे दोन्‍दु खुलाङच्‍येते दिन ङीमाईकामा बाँकी ओतान। थेमे थे छोमु ग्‍वाका पत्रुसचेन जेलदु ङिक गाला ओतान। थेला नेल ङि कोन्‍दा ओतान। थेमे थे नेलला साङलो ताप्‍कीन नाङने फारताङ छुरला देत्‍कान्‍ते मिल्‍टेरी ङिबो लाक्‍पा रेरेला कोन्‍दा ओतान। जेलगी गोदुङ मिल्‍टेरीओन देता ओतान।

शक्ति काम 12:8

थेमे थे दूतकी “काराक छ्यि, काचाप खोन,” सिन सासुङ। पत्रुसकी थोक खानामेकी याङराङ थेकी “लाक्‍तु खोन्‍च्‍येते खोलाक खोन्‍ला ङे तिरी स्‍योक,” सिन सिदुक।

शक्ति काम 16:26

थेबा थोक खिन ओते बेलालाराङ सेदेर्मु जोदाई गाल्‍गीन थे जेल आउदी खोक्‍पो खाईन लीक्‍सुङ। थोक ओङजीन थेरू जेलगी गोतेबा गाङे फेत्‍सुङ थेमे कैदीओनला कोन्‍दाते नेलओनोङ गाङे ठोल्‍सुङ।

शक्ति काम 2:24

ख्‍योकोनगी थोक खाबा ईन्‍सीनोङ परमेश्‍वरगीचेन थेला कालगी खादुकी टाल्‍गीन स्‍यिसादुकी सोम्‍बो लोक्‍सुङ। च्‍यिला सासीन थेनी स्‍यिच्‍येते कालला ग्‍याल्‍ला सोम्‍बो लोक्‍पाराङ फाप्‍च्‍या ओतान।

शक्ति काम 5:19

थेबाला जेलला लुक्‍पे छोमुराङ ग्‍वाका चुक ओङसुङा सासीन थेबा ओत्‍सादु प्रभु परमेश्‍वर दूतज्‍यीक लेप्‍सुङ। थेमे थेकी जेलगी गो पेत्‍कीन थेबाला फिनामा खुलाकीन च्‍याकीन

शक्ति काम 9:3

थेमे थे चिट्ठी खुरगीन शावल दमस्‍कसपा गाल्‍सुङ। थे सारगी खादु लेपा लेपा खाला च्‍यि ओङसुङा सासीन स्‍वर्गनेकी नाम्‍दाक फोगीन थे फेरोला नाम्‍दाक छ्याङे गाल्‍सुङ।

एफिसी 5:14

नाम्‍दाककी खित्‍सादुराङ थोक खाला थेबाङ मुन्‍दाकदुकी ठाल्‍ला नाम्‍दाकला देता ङेत्‍क्‍यो। थोगीराङ “ङ्याला ओतातेबा ङिक छेत्‍ला स्‍याप छेतराङ गाल्‍सादुकी ल्‍वा थेमे ख्रीष्‍टकी ख्‍योकोनला नाम्‍दाकला देत ज्‍युत्‍क्‍यो,” सिन सिरच्‍येते ईन।

हिब्रू 1:14

परमेश्‍वर दूतओननी गाङेराङ परमेश्‍वरगी कोता कोता खित्‍कान्‍तेबाकामा ईन। थेबा दोकस्‍यिकराङ दुक सिन मिगी थोङा मुथुबो। परमेश्‍वरगी थेबाला थे खोरोङगी पूरो खाला पापदुकी टाल्‍ला स्‍वर्गने देत ज्‍युत्‍च्‍येते मिओनला मद्धत तेराला गाङेपा ताङा ओत।

छ्या स्‍ये च्‍युताते बात 18:1

थेमे दि तिरी ङे स्‍वर्गनेकी परमेश्‍वर दूतज्‍यीक ओङगीन ओताते थोङसुङ। थेत्ताङ छ्येज्‍यीक शक्ति ओतान। थेमे थे शक्तिकी खित्‍सादु गाङे दि पृथ्‍वीराङ नाम्‍दाक छ्याङे गाल्‍सुङ।