शक्ति काम 12:6 - जिरेल

⁶ हेरोद गेल्‍बोकी पत्रुसला मि गाङे दोन्‍दु खुलाङच्‍येते दिन ङीमाईकामा बाँकी ओतान। थेमे थे छोमु ग्‍वाका पत्रुसचेन जेलदु ङिक गाला ओतान। थेला नेल ङि कोन्‍दा ओतान। थेमे थे नेलला साङलो ताप्‍कीन नाङने फारताङ छुरला देत्‍कान्‍ते मिल्‍टेरी ङिबो लाक्‍पा रेरेला कोन्‍दा ओतान। जेलगी गोदुङ मिल्‍टेरीओन देता ओतान।

शक्ति काम 12:6 Iomraidhean Croise

मत्ती 28:4

थे दूत थोक खाला ओङजीन थेरू स्‍युङाला देताते मिल्‍टेरी जतिचेन ज्‍यीबेकी थुरथुर दारगीनकामा ज्‍याङे ज्‍याङे रिल्‍गीन स्‍याप च्‍योकराङ गाल्‍सुङ।

शक्ति काम 12:5

थोक खाईन थेला जेलदु लुक्‍नामेई येशू ख्रीष्‍ट मिओनचेन गाङेराङ रूला थे लाईदु परमेश्‍वरला आउदी खाला प्रार्थना खिन ओतान।

शक्ति काम 21:33

थेमे थे छ्येते मिकी “दि मिला जुम्‍ला लाक्‍पा ङिकारला नेल कोन,” सिन पावलला जिन च्‍युत्‍कीन थेरू मिओनला “दि मि सु ईन्‍दे? दिकी च्‍यि खासुङा?” सिन ठिसुङ।

शक्ति काम 28:20

दि बातओन खिताप सिनराङ ङे ख्‍योकोनला काताङाते ईन। था तिरी परमेश्‍वरगी स्‍याप्‍ते मिओनला सोम्‍बो लोइओ सिन साबाते ङुरूङ इस्राएली गाङेकी आश खाईन गुकीन देताते बात पक्‍काराङ ईन सिन लोप्‍कीन ख्‍याम्‍बेकीराङ ङे दि नेल खोन्‍दा फापाते ईन,” सिन बात खासुङ।

शक्ति काम 5:23

“थेबानी मिन्‍दुक ओना। ङ्योकोन थेपा लेप्‍जीन जेलगी गोतेबा लेमुराङ खाईन च्‍येत्‍कीन ज्‍याक्‍पा ओताक्‍वा। थेमे गोई नाङला पालेओनोङ देता ओताक्‍वा। तर गो पेत्‍ला ताजीन नाङनेनी सुङ मेताक्‍वा,” सिन लाःप्‍सुङ।

एफिसी 6:20

ङा दि गा लाङच्‍येते बात लोपाला येशू ख्रीष्‍टकी ताङाते मि ईन्‍सीनोङ दुरू जेलदु देता फापा ओत। जे ईन्‍सीनोङ ङे दि बात छ्याःङ ज्‍यीबा मिक्‍किता खाला जस्‍तो खाला लोपा फाप्‍च्‍येते ईन थोकराङ खाला लोप्‍कीन देता थुप्‍स्‍यीत सिन प्रार्थना खिनराङ देत।

२ तिमोथी 1:16

ओनेसिफरस खाम्‍बे मि गाङेला प्रभु येशूकी लेमु खित्‍स्‍यीत। च्‍यिला सासीन पालोताङ पालो थेकी ङाला आँट बिन्‍दा ओतान। थेमे ङा जेलदु ओता ईन्‍सीनोङ छ्याःङ ङोचा खाबा मेतान।

हिब्रू 13:6

थोगी ङुरूङ छ्याःङ ज्‍यीबा मिक्‍किता खाला “प्रभु परमेश्‍वर ङाला ताकान्‍ते ईन्‍देकी ङा ज्‍यीबा खिता माफाबो। मिकी ङाला च्‍यि खितेरो?” सिन सिओ।