शक्ति काम 1:9 - जिरेल

⁹ दि बात खाईन सिन्‍नामेकी थेबेकी तेइन तेइनलाराङ थे नामने थेगीन थेगीन गाल्‍गीन परमेश्‍वरगी थेला स्‍वर्गने खेरसुङ। थोक खाला खेरजीन मुक्‍पा वाकीन थेला दाक उप्‍सुङ। थेमे थेबेकी थेला थोङा माथुप्‍सुङ।

शक्ति काम 1:9 Iomraidhean Croise

मर्कूस 16:19

थोक खाईन चेलातेबाताङ बात खाईन सिन्‍नामेकी प्रभु येशूला परमेश्‍वरगी स्‍वर्गने खेरसुङ। थेचेन परमेश्‍वर सामे छ्य्‌वापा देता ओत।

लूका 21:27

थोक थोक ओङनामेई परमेश्‍वर ओत्‍सादुई वाबाते मि ङा छ्येज्‍यीक शक्ति ङेत्‍ला मिगी ताराङ मुथुप्‍च्‍या नाम्‍दाककी झिलिमिली गाल्‍ला मुक्‍पे नाङ देत्‍ला स्‍वर्गनेकी देमा ओङगीन ओताते मि गाङेकी थोङगो।

यूहन्‍ना 6:62

था ख्‍योकोनगी परमेश्‍वर ओत्‍सादुई वाबाते मि ङा गोमा ङाराङ देता ओत्‍सानेराङ ग्‍युरगीन ड्वा थोङसीन चुक ओङोङा याङ?

शक्ति काम 1:11

“ए गालीलपे मिवे, ख्‍योकोन च्‍यिला दोक खाला नामने ताला देत्‍कीते? येशूला परमेश्‍वरगी स्‍वर्गने खेरसुङ। आनाङ ख्‍योकोनगी थेला चुक खाईन थेने ड्वा थोङा ओताने, था तिरी ङीमाई लोक्‍ला थे होथोकराङ खाला देमा ग्‍युरला ओङगो,” सिन सिदुक।

शक्ति काम 1:2

नामसाक बात सासीन थे खोरोङगी खटे खाबाते मिओनला था च्‍यि च्‍यि खिता फाप्‍कीते सिन परमेश्‍वर आत्‍मे छ्य्‌वापेई लाप्‍कीन बिन्‍नामेई परमेश्‍वरगी थे खोरोङला स्‍वर्गने खेरे छोमुसाक बाततेबा ङे थे किताबलाराङ टिबा ओत।

१ थिस्‍सलोनिकी 4:17

थेमे थे छोमुसाकराङ सोन्‍गीन देता ओताते ङुरूङलाङ प्रभु येशू ठेता खिताला परमेश्‍वरगी होथेबाताङराङ मुक्‍पे नाङ खाला नामने खेरग्‍यो। थेमे ईन्‍सीन ङुरूङ प्रभु येशूताङ नोमुङ माठाला खाला ङ्योम्‍बुराङ देता ङेत्‍क्‍यो।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

छ्या स्‍ये च्‍युताते बात 1:7

लो दि बात टोक माज्‍येत। च्‍यि सासीन येशू ख्रीष्‍ट था मुक्‍पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्‍कान्‍ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्‍क्‍यो सिन ज्‍यीबेकी खित्‍सादु दि सा लुङबे मि गाङेराङ झ्‍याउँ झ्‍याउँ ङुइओ। दोकराङ ओङस्‍यीत। आमेन।

छ्या स्‍ये च्‍युताते बात 11:12

थेमे स्‍वर्गनेई आउदी कस्‍स्‍ये खाईन “देने स्‍योक,” सिन साबाते थेबा ङिबोकी थोसुङ। थेमे थेबा ङिकाराङ मुक्‍पे नाङ खाईन दाक स्‍वर्गने गाल्‍सुङ। थोक ओङाते थेबे शत्रु गाङेकी थोङसुङ।

छ्या स्‍ये च्‍युताते बात 14:4

थेबेकी नोमुङ थे जन्‍तु छ्य्‌वापा लै खित्‍च्‍येते थेमे मेलेबा काम खित्‍च्‍येते माक्‍यासुङ। थेबाचेन कर्नेते फेम्‍मे फिजा च्‍योकराङ चङगेते ईन। लुई रीउ जता जता डुइदुक थेबा थे तिङ ङ्याला ख्‍याम्‍गीन देत्‍क्‍यो। मि नाङदुकी पापकी सजायदुकी टालाते होदिबाचेन परमेश्‍वरताङ लुई रीउला चढे खाबाते साम्‍बाते बाली च्‍योक्‍ते ईन।