शक्ति काम 1:8 - जिरेल

⁸ दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

शक्ति काम 1:8 Iomraidhean Croise

मत्ती 24:14

दि जुग सिन्‍दा गोमा मि गाङेकी छ्या स्‍येस्‍यीत सिन स्‍वर्गे राज्‍य गा लाङच्‍येते बात सा लुङबा खाङ गाङेपा लाप्‍ला तेरग्‍यो। थोक खानामेईचेन दि जुग सिन्‍ग्‍यो।

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

मर्कूस 16:15

थेमे थेकी थेबाला “लो थाचेन सा लुङबा खाङ गाङेपा गाल्‍ला गाङेपे मिला गा लाङच्‍येते बात लोप।

लूका 1:35

थे दूतकी “था खुई परमेश्‍वर आत्‍मा ङेत्‍ला गाङे भन्‍दा छ्येते परमेश्‍वर शक्तिकी खित्‍सादु फुज्‍यीमा खुरग्‍यो। थोगी खुई केबाते थे फिजाला सेमला पाप सिराते छ्याःङ मेताते थेमे परमेश्‍वर फुज्‍युङ ईन सिन सिओ।

लूका 10:19

ख्‍योकोनगी रूलताङ बिच्‍छीला ङेन्‍ला ख्‍याम्‍बा थुप्‍क्‍यो। थेबेकी ख्‍योकोनला छ्याःङ खिता मुथुबो। ख्‍योकोन शत्रुगी जति मेलेबा खिता चाल्‍सीनोङ ख्‍योकोनगी थेला ग्‍याल्‍ग्‍यो। सुङगीङ थेमे छ्याःङगीङ ख्‍योकोनला मेलेबा खिता मुथुबो।

लूका 24:29

“मेन हजूर, ङीमा काल्‍बेई मिन्‍दुक, नाम स्‍योबा खासुङ। थोगी थरिङ ङ्योकोनताङराङ देत्‍की,” सिन थेरूकी तोङाराङ माचाल्‍सुङ। थोगी थे थेबाताङराङ देत्‍सुङ।

यूहन्‍ना 15:27

शुरूमेकीराङ ख्‍योकोन ङात्ताङ द्वामा देत्‍कीन ख्‍याम्‍गीन खाबाते मि ईन्‍देकी ख्‍योकोनगीङ ङा सु ईन्‍दे, ङे च्‍यि खिते सिन ज्‍येनला लोप्‍क्‍यो।

शक्ति काम 1:5

यूहन्‍नेकीनी मिओनला खालि छ्युलाकामा लुगीन बप्‍तिस्‍मा बिन्‍दा ओतान। था टिक्‍पी दिन तिरीचेन ख्‍योकोनगी परमेश्‍वर आत्‍मे बप्‍तिस्‍मा ङेत्‍क्‍यो,” सिन सिदुक।

शक्ति काम 13:31

थोक खाईन सोम्‍बो लोक्‍नामेकी थेकी गोमा गालील अञ्‍चलदुकी थे खोरोङताङ ङ्योम्‍बुराङ यरूशलेमपा गालाते मिओनताङ याङ याङ ठेता खासुङ। थेमे खोपरोङगी थोङातेताङ थोबाते येशू बात गाङे थरिङोला इस्राएलीओनला लोप्‍कान्‍ते मिओन होथेबाराङ ईन।

शक्ति काम 2:32

दाऊदकी गोमाका साबा ओता च्‍योकराङ खाईन परमेश्‍वरगी येशूला स्‍यिसादुकी सोम्‍बो लोक्‍सुङ। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

शक्ति काम 22:15

च्‍यिला सासीन था खुई खोरोङगी थोङातेताङ थोबाते बातबरी गाङेपा गाल्‍ला मि गाङेला लोपा फाप्‍क्‍यो।

शक्ति काम 3:15

दोस्‍यिककामा मेन, ख्‍योकोनगीनी मिओनला जुनी तेरकान्‍तेलाराङ सेत च्‍युताते ईन। परमेश्‍वरगीचेन थेला स्‍यिसादुकीङ सोम्‍बो लोक्‍पा ओत। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

शक्ति काम 4:33

थेमे येशू ख्रीष्‍टकी खटे खाबाते मिओनगीचेन प्रभु येशू स्‍यिसादुकी सोम्‍बो लोक्‍पा ओत सिन अचम्‍ब अचम्‍बतेन्‍दे काम खाला मिओनला लोप्‍कीन ओतान। येशूला विश्‍वास खित्‍कान गाङेला परमेश्‍वरगी आउदी खाला आशी तेरगीन ओतान।

शक्ति काम 5:32

ङ्योकोन खालि ङेराङगी थोङातेताङ थोबाते बातकामा खिओ। दि बाततेबा ईन्‍दातेराङ ईन सिन परमेश्‍वर आत्‍मेकीङ छ्या स्‍ये ज्‍युत्‍क्‍यो। परमेश्‍वर आत्‍माचेन परमेश्‍वरगी थे खोरोङगी खि साबा साबा खित्‍कान्‍ते मिओनला बिन्‍दा ओत,” सिन सासुङ।

शक्ति काम 6:8

थे छाने खाबाते मेन्‍दा दुईनगी नाङ स्‍तिफनसलाचेन परमेश्‍वरगी आउदी खाईन आशी बिन्‍दा ओतान। थेला अचम्‍बते काम खित्‍च्‍येते शक्तिङ बिन्‍दा ओतान। थोगी थेकी मिओन नाङ छ्ये छ्येताङ अचम्‍बतेन्‍दे काम खिन ओतान।

शक्ति काम 8:1

थेमे थे छोमुमेकीराङ छ्ये छ्ये मिकी यरूशलेमदु जम्‍मा ओङकान्‍ते येशू ख्रीष्‍ट मिओनला आउदी खाईन दुक्‍पा तेराला स्‍यूसुङ। थोगी थेबाबरी यरूशलेमदुकी फ्रोकीन छरपुट्ट गाल्‍गीन यहूदियाताङ सामरिये अञ्‍चल नाङपा गाल्‍गीन देत्‍सुङ। खालि येशू ख्रीष्‍टकी खटे खाबाते मिओनकामा थेरूराङ देत्‍सुङ।

रोमी 10:18

बात थोक ईन्‍सीन च्‍यि इस्राएलीओनगी थे बात थोबाराङ मेतान ओना? थोक मेन, पक्‍काराङ थोबा ओतान। परमेश्‍वर बातला चुक साबा ओते सासीन “थेबेकी लापाते बात सा लुङबा खाङ मिकीराङ थोसुङ। थे बात फैले माक्‍याबाते ठाउँ सिराते खापाङ मेत,” सिन साबा ओत।

रोमी 15:19

थेमे छ्ये छ्येताङ अचम्‍बते कामतेबाङ परमेश्‍वर आत्‍मे शक्ति छ्य्‌वापेकीकामा खाबाते ईन। दोक खाला ठाउँ ठाउँला युगीन ङे यरूशलेम सारदुकी इल्‍लिरिकुम सिराते लुङबासाक लेप्‍कीन मिओनला ख्रीष्‍टते गा लाङच्‍येते बात लाप्‍कीन बिन्‍दा ओत।

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।