शक्ति काम 1:4 - जिरेल

⁴ थेबाताङ ठेत्‍कीन ङ्योम्‍बुराङ देता ओते बेलाला ङीमाई थेकी “ख्‍योकोन दि बात ङेन। ङे ख्‍योकोनला गोमाका साबा ओता च्‍योकराङ ङे आबेकी तेरग्‍यो सिन साबाते परमेश्‍वर आत्‍मा था ख्‍योकोनगी ङेत्‍क्‍यो। थे माङेतथुप ख्‍योकोन दि यरूशलेम सारदुकी खापाङ मोन्‍डोबा खाला दुरूराङ गुला देत।

शक्ति काम 1:4 Iomraidhean Croise

मत्ती 10:20

च्‍यिला सासीन खेराङगी मेन्‍दाला थेजीन ख्‍योकोन आबा परमेश्‍वर आत्‍मा थे खोरोङगीराङ ख्‍योकोन खानापेई बात खिओ।

लूका 11:13

ख्‍योकोन पापी मिकीनी खेराङ फिजाओनला जे तेरा फाप्‍च्‍येते ईन थेराङ तेरगीदुक सासीन स्‍वर्गने देत्‍कान्‍ते ख्‍योकोन आबा परमेश्‍वरगी झन च्‍यिला मेतेरतेरो? परमेश्‍वर आत्‍मा नाङ सिरकान्‍तेबाला थेकी गा खिन तेरग्‍यो,” सिन सिदुक।

लूका 12:12

बात ठा बेलाला च्‍यि सिरा फाप्‍कीते सिन थेजीनराङ परमेश्‍वर आत्‍मेकी ख्‍योकोनला छ्या स्‍ये ज्‍युत्‍क्‍यो,” सिन सिदुक।

लूका 24:49

थेमे था ङा ख्‍योकोनला ङे आबेकी तेरग्‍यो सिन साबाते परमेश्‍वर आत्‍मा तेरग्‍यो। स्‍वर्गनेकी परमेश्‍वर आत्‍मे शक्ति माङेतथुप ख्‍योकोन यरूशलेमदुकी खापाङ मोन्‍डोबा खाला दुरूराङ गुला देत,” सिन सिदुक।

यूहन्‍ना 14:16

ख्‍योकोनला सल्‍लाह तेरकान्‍ते ज्‍येनज्‍यीकला थोङ सिन ङा आबाताङ बिन्‍ती खिओ। थे वाला सधैँभरि ख्‍योकोनताङ ङ्योम्‍बुराङ देत्‍क्‍यो।

यूहन्‍ना 15:26

आबा ओत्‍सानेकी ङे ख्‍योकोन ओत्‍सामा तोङगो साबाते सल्‍लाह तेरकान्‍ते वानामेकी थेकी ख्‍योकोनला ङा सु ईन्‍दे, ङे च्‍यि खिते सिन लेमु खाला सिओ। थे आबे छ्य्‌वापेईराङ ओङगो। थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो।

यूहन्‍ना 20:22

दोक सानामेकी थेकी थेबा ओत्‍सापा फु सिन ङेपाक ताङगीन “लो ख्‍योकोनगी परमेश्‍वर आत्‍मा ङेत्‍स्‍यीत।

यूहन्‍ना 7:39

दि बात थेकी थे खोरोङला विश्‍वास खित्‍कान्‍ते मिओनगी तिरी परमेश्‍वर आत्‍मा ङेत्‍क्‍यो सिन सिराला साबा ओतान। परमेश्‍वरगी येशूला स्‍यिसादुकी सोम्‍बो लोक्‍ला स्‍वर्गने खेरच्‍येते काम थोरूमसाक खाबा मेतेकी परमेश्‍वरगी थेजीनसाक सुङलाङ परमेश्‍वर आत्‍मा बिन्‍दा मेतान।

शक्ति काम 10:41

ईन्‍दानी यहूदी गाङेताङचेन थेकी ठेता माक्‍यासुङ। ङेराङगी थोङातेताङ थोबाते बात ज्‍येनला लोपाला परमेश्‍वरगी गोमा खटे खाबातेबा ङ्योकोनगीकामा थेला थोङा ङेत्‍सुङ। थे सोम्‍बो लोक्‍नामेई ङ्योकोनगी थेत्ताङ ङ्योम्‍बुराङ साप थुङाङ खाबाते ईन।

शक्ति काम 2:33

थोक खाईन सोम्‍बो लोक्‍नामेकी परमेश्‍वरगी थेला छ्येज्‍यीक मान बिन्‍गीन थे खोरोङ सामे छ्य्‌वापा ज्‍याक्‍पा ओत। थे खोरोङगी मिओनला तेरग्‍यो साबाते परमेश्‍वर आत्‍मा तेरच्‍येते जिम्‍मा थेकी येशूला बिन्‍सुङ। आबातेकी जिम्‍मा बिन्‍दा च्‍योकराङ खाईन थेकी ङ्योकोनला परमेश्‍वर आत्‍मा बिन्‍सुङ। ख्‍योकोनगी थरिङ थोङातेताङ थोबाते बात ङ्योकोनगी परमेश्‍वर आत्‍मा ङेतेकी खित्‍सादुराङ ईन।