शक्ति काम 1:3 - जिरेल

³ थे खोरोङगी भोगे खिता फाप्‍च्‍येते दुक्‍पातेबा भोगे खाईन स्‍यिइन सिन्‍नामेई थे खोरोङ साँच्‍चीराङ सोम्‍बो लोक्‍पाते दुका सिन थे खोरोङगी खटे खाबाते मिओनगी लेमु खाला छ्या स्‍येस्‍यीत सिन थेकी याङ याङ थेबाताङ ठेता खाबा ओतान। थोक खाला ङीमा खाल ङिसाक थेबाताङ ठेत्‍जीन थेकी थेबाला परमेश्‍वर राज्‍य बादोङ लाप्‍कीन बिन्‍सुङ।

शक्ति काम 1:3 Iomraidhean Croise

मत्ती 21:43

बात दोक दोक ईन्‍देकी ङा ख्‍योकोनला च्‍यि सिते सासीन था परमेश्‍वरगी थे खोरोङ राज्‍य ख्‍योकोन लाःक्‍तुकी ठ्वाला च्‍याला थे राज्‍यदु खिता फाप्‍च्‍येते च्‍योकराङ खित्‍कान्‍ते ज्‍येन जातज्‍यीगी मिओनला तेरग्‍यो।

मत्ती 28:9

थेबा थोक खाला लामला डुइन डुइनलाराङ येशूकी थेबाला ठेता खाईन “ख्‍योकोनला लेमु ओङस्‍यीत,” सिन सिदुक। थोक ओङजीन थेबेकीङ थेला मान खिन से खासुङ।

मत्ती 3:2

थेरू ओङकान्‍ते मिओनला थेकी “मिवे, था स्‍वर्गे राज्‍य दुरू ओङा खाबा ओत। थोगी ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि,” सिन लोप्‍कीन ओतान।

मत्ती 4:2

थेमे येशू थे री नाङलाराङ देत्‍कीन ङीमा खाल ङिसाक साप मास्‍साबा खाईन देता ओतान। थोक खाला देत्‍जीन थेला आउदी खाईन त्‍वाबाङ लाबा ओतान।

मर्कूस 16:19

थोक खाईन चेलातेबाताङ बात खाईन सिन्‍नामेकी प्रभु येशूला परमेश्‍वरगी स्‍वर्गने खेरसुङ। थेचेन परमेश्‍वर सामे छ्य्‌वापा देता ओत।

यूहन्‍ना 20:26

थेमे हप्‍ताई तिरी येशू चेलाओन लोईन खाम्‍बादु ङ्योम्‍बुराङ ओतान। दि पालोलाचेन थेबाताङ थोमाङ ओतान। गोई लास्‍यिङ ग्‍यापा ओत्‍सीनोङ थे छोमुङ चेलातेबा ओत्‍सादु येशू ख्‍योल्‍सुङ। थेमे थेबाला “ख्‍योकोनला लेमु ओङस्‍यीत,” सिन सिदुक।

यूहन्‍ना 21:1

थे तिरी लोईन येशूकी चेलातेबाला तिबेरियास समुन्‍द्रे छेउदु ठेता खासुङ। थेरू थेकी थेबाला चुक खाईन ठेता खासुङा सासीन

यूहन्‍ना 21:14

थे खोरोङ सोम्‍बो लोक्‍नामेकी थेकी चेलातेबाला ठेता खाबाते दि पालो सुमगी बाजि ओतान।

शक्ति काम 13:31

थोक खाईन सोम्‍बो लोक्‍नामेकी थेकी गोमा गालील अञ्‍चलदुकी थे खोरोङताङ ङ्योम्‍बुराङ यरूशलेमपा गालाते मिओनताङ याङ याङ ठेता खासुङ। थेमे खोपरोङगी थोङातेताङ थोबाते येशू बात गाङे थरिङोला इस्राएलीओनला लोप्‍कान्‍ते मिओन होथेबाराङ ईन।

शक्ति काम 19:8

थेमे पावल थेरूङ यहूदीओनते मिटिङ खित्‍च्‍येते खाम्‍बादु गाल्‍गीन मिओनला लोपाला स्‍यूसुङ। थेबाताङ छ्याःङ ज्‍यीबा मिक्‍किता खाईन छलफल खिन परमेश्‍वरगी थे खोरोङ राज्‍य येशू छ्य्‌वापेकी जोच्‍येते ईन सिरच्‍येते बात थेबेकी मेन सिराराङ मुथुप्‍च्‍या खाईन लेमु खाईन लाप्‍कीन बिन्‍सुङ। दावा सुमसाक थे दोक खाला थेरू लोप्‍कीनराङ देत्‍सुङ।

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।

शक्ति काम 28:31

थेमे थेकी ज्‍यीबाराङ मिक्‍किता खाला परमेश्‍वर राज्‍य बात च्‍यि ईन्‍दे सिन प्रभु येशू ख्रीष्‍ट बात लोप्‍कीन ओतान। थोक माकेत सिन सुङगीङ थेला छ्याःङ सिन मेतान।

शक्ति काम 8:12

तर थेरू फिलिप वाकीन मिओनला परमेश्‍वर राज्‍यते गा लाङच्‍येते बात लोप्‍कीन येशू ख्रीष्‍ट बात लाप्‍नामेई मि गाङेकी फिलिप बात ङेन्‍दाला स्‍यूबा ओतान। थेमे फिलिप बात ङेन्‍कान्‍ते ख्‍योओ मि, फेम्‍मे मि गाङेकी बप्‍तिस्‍मा लासुङ।

रोमी 14:17

दि बातओन ङे च्‍यिला खाबाते ईन्‍दे सासीन परमेश्‍वर राज्‍यदु स्‍यूबाते मिओन नाङ दि सा थुङा ओङगो, थे सा थुङा मेङगो सिरच्‍येते बात छ्याःङ छ्येते बात मेन। छ्येते बातचेन परमेश्‍वर आत्‍मे छ्य्‌वापेई परमेश्‍वरगी खि साबा साबाच्‍योक खित्‍च्‍येते, दाक्‍पोन नाङ डिक्‍ला थुन्‍ला देत्‍च्‍येते थेमे गा खिन देत्‍च्‍येतेराङ ईन।

कलस्‍सी 1:13

थेकीराङ ङुरूङला मुन्‍दाक राज्‍य गेल्‍बो शैतान लाःक्‍तुकी टाल्‍गीन थे खोरोङ ङिङज्‍येते फुज्‍युङ राज्‍यदु खुलाबा ओत।

१ थिस्‍सलोनिकी 2:12

थेमे परमेश्‍वर मिओनगी चुक चुक खिता फाप्‍कीते सिन लाप्‍कीन थोक खिन देत सिन लोप्‍कीन देताप। ख्‍योकोन थे खोरोङ राज्‍यदु देता ङेत्‍स्‍यीत थेमे थे खोरोङ चुक छ्ये ईन्‍दाका सिन लेमु खाला छ्या स्‍येस्‍यीत सिन थे खोरोङ दोन्‍दु स्‍योक सिन कातोङकान्‍ते परमेश्‍वरराङ ईन।

१ यूहन्‍ना 1:1

ङ्योकोन दि बात गाङेला सिओ। च्‍यि सासीन दि सा नाम ज्‍वा भन्‍दा गोमामेईराङ थे बात सिराते ओतान। मिओनला जुनी तेरकान्‍तेचेन थेराङ ईन। थेकी साबाते बातओन ङ्योकोनगी ङेराङ नामज्‍योककीराङ थोबाते ईन। थेमे ङेराङ मिगीराङ थेला थोङाते ईन। थेत्ताङनी ङ्योकोन ङ्योम्‍बुराङ देतातेङ ईन।