शक्ति काम 1:20 - जिरेल

²⁰ थे बात भजन किताबला चुक सिन टिबा ओते सासीन ‘थे खाम्‍बादु देत्‍कान्‍ते थेते सखा सन्‍तान दर सन्‍तान सुङ मायाङला थे खाम्‍बा तोङबा सिली डोरस्‍यीत,’ सिन टिबा ओत। लोक्‍ला थे किताबलाराङ ‘थे साटोलाचेन ज्‍येनगी काम खित्‍स्‍यीत,’ सिनोङ टिबा ओत।

शक्ति काम 1:20 Iomraidhean Croise

लूका 20:42

च्‍यिला सासीन ख्रीष्‍टकी विषयला बात खित्‍जीन भजन किताबला गेल्‍बो दाऊद खोरोङगीराङ दोक सिन टिबा ओत। चुक सासीन ‘प्रभु परमेश्‍वरगी ङे प्रभुला ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,’ सिन साबाते बात टिबा ओत।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

शक्ति काम 1:16

“आज्‍यो न्‍वावे, येशूला पक्रे खित ओङकान्‍ते मिओनला थे खाङ ईन्‍दे सिन तेन्‍ला तेरकान्‍ते यहूदाला चुक ओङगीते सिन परमेश्‍वर आत्‍मेकी गेल्‍बो दाऊदला थाङबोका सिर च्‍युता ओतान। परमेश्‍वर बातला साबाते थे बात साबा च्‍योकराङ ओङा फाप्‍सुङ।