शक्ति काम 1:17 - जिरेल

¹⁷ दि बात ङुरूङला छ्याराङ ओत। चुक सासीन यहूदालाङ ङ्योकोनला च्‍योकराङ थे खोरोङ बात लोपाला येशूकीराङ खटे खाबा ओतान। थेकी खटे खाबाते ङ्योकोन मेरा च्‍युन्‍ङी नाङ दोक्‍पोई थेङ ओतान।

शक्ति काम 1:17 Iomraidhean Croise

मत्ती 10:4

देशभक्त सिराते पाटी मि शिमोन थेमे तिरी थे खोरोङला धोका तेरकान्‍ते यहूदा इस्‍करियोत ओतान।

मर्कूस 3:19

थेमे तिरी थे खोरोङला धोका तेरकान्‍ते यहूदा इस्‍करियोत ओतान।

लूका 22:47

दि बात खिन खिनलाराङ थेरू हूलज्‍यीक मि ख्‍योल्‍सुङ। थे खोरोङ चेला च्‍युन्‍ङी नाङ यहूदा सिराते थेबे गोमा गोमा ओतान। थेकीराङ थे मिओनला थेरू टीकीन खुलाबा ओतान। थेचेन थेबे गोमा गोमा ख्‍याम्‍बा ओतान। येशूला पुक खिताप सिन थे थे खादु गाल्‍सुङ।

लूका 6:16

याकूब सिराते मि फुज्‍युङ यहूदा थेमे तिरी थे खोरोङला धोका तेरकान्‍ते यहूदा इस्‍करियोत ओतान।

यूहन्‍ना 17:12

ङा दुरू दिबाताङ देत देतसाक ङे दिबाला खुई ङाला बिन्‍दाते शक्ति छ्य्‌वापेई जोए खाईन ज्‍याक्‍पाप। नरककुण्‍डमा स्‍यूइओ सिन साबाते मिज्‍यीक बाई ङे सुङलाङ ङाराङ छ्य्‌वापेई ठाल माच्‍युत। ङे दोक खानामेई परमेश्‍वर बातला गोमाका साबाते बात साबा च्‍योकराङ ओङसुङ।

शक्ति काम 12:25

बारनाबासताङ शावलचेन खोपरोङगी यरूशलेमदु केल वाबाते पैसा बिन्‍गीन च्‍याकीन एन्‍टिओखियामा ग्‍युरगीन गाल्‍सुङ। थेबा ङिबोकी मर्कूस सिराते यूहन्‍नालाङ थेबाताङराङ टीकीन खेरसुङ।

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

शक्ति काम 21:19

थेबा गाङेला ठेत्‍नामेई पावलगी थे खोरोङगी येशू बात लोप्‍जीन थे छ्य्‌वापेई परमेश्‍वरगी ज्‍येन ज्‍येन जातकी मिला चुक लेमु खासुङा सिन बातज्‍यीगोङ बाँकी मोज्‍योबा खाईन लाःप्‍सुङ।

२ कोरिन्‍थी 4:1

परमेश्‍वरगी ङ्योकोनला दया खाईन दि जमान बात लोप सिन जिम्‍मा बिन्‍दाते ईन्‍देकी ङ्योकोन सेम मेसेदो।

२ कोरिन्‍थी 5:18

दि गाङे परमेश्‍वरगी खित्‍सादु ओङाते ईन। ख्रीष्‍टकी खाबाते कामगी खित्‍सादु थेकी ङुरूङला थे खोरोङताङ डिक्‍पा खाबा ओत। दोक खाला मिओनला थे खोरोङताङ डिक ज्‍युत्‍क्‍यो सिरच्‍येते बात ज्‍येनलाङ लोप सिन थेकी ङ्योकोनला जिम्‍मा बिन्‍सुङ।