शक्ति काम 1:15 - जिरेल

¹⁵ येशूला विश्‍वास खित्‍कान्‍ते मिओन थोक खाला जम्‍मा ओङजीन ङीमाई मेन्‍दा खाल ठुकचो ओतान। थेमे पत्रुसकी थेबा गाङे दोन्‍दु लाकीन

शक्ति काम 1:15 Iomraidhean Croise

मत्ती 13:31

याङराङ येशूकी थेबाला “स्‍वर्गे राज्‍य जोदा डोच्‍येतेचेन दि बात च्‍योकराङ ईन। च्‍यि सासीन मिज्‍यीगी थे खोरोङ स्‍यीङदु तोरी सोन देप्‍क्‍यो।

लूका 22:32

तर ज्‍यीबा माकेत शिमोन। शैतानगी लुजीन खुई ङाला विश्‍वास खिता मोतोङस्‍यीत सिन ङे परमेश्‍वरला प्रार्थना खाबाप। था खोरोङ याङराङ ङे छ्य्‌वापा लै खानामेई दुरू खोरोङताङ ओताते आज्‍यो न्‍वाओनला ङाला विश्‍वास खिन देताला आँट बिन,” सिन सिदुक।

यूहन्‍ना 14:12

दि बात ङेन। ङाला विश्‍वास खित्‍कान्‍ते मिकीचेन ङे खाबा च्‍योक्‍ते कामराङ खिओ। थेकी दिबा भन्‍दाङ छ्ये छ्ये काम खिओ। दोक खिता थुप्‍च्‍येते च्‍यिला ईन्‍दे सासीन था ङा आबा ओत्‍साने ग्‍युरला डुइओ।

यूहन्‍ना 21:23

थोगी ज्‍येन चेलातेबेकीचेन था होथे चेला मिस्‍यिओ सिन बात खिताला स्‍यूसुङ। थे स्‍यिराङ मिस्‍यिओ सिनचेन येशूकी साबा मेतान। थेकी खालि “थे था तिरी ङा ग्‍युरला ओङ ओङसाक सोन्‍लाराङ देत्‍स्‍यीत सिरच्‍येते ङे सेम ओत्‍सीनोङ दि बात खोल्‍ला च्‍यिला छ्या स्‍येबा फाप्‍सुङा?” सिन साबा ओतान।

शक्ति काम 10:23

थेबेकी थोक सानामेईका परमेश्‍वरगी थोङला भर्खर मिलाम खित ज्‍युताच्‍योक खाईन थे खोरोङला छ्या स्‍ये ज्‍युता चालाते बातचेन था ज्‍येन ज्‍येन जातकी मिला सानु जाति ईन मिसिरा खाला थेबाताङ देत्‍ला सा थुङा ओङगो साबाते दुका सिन पत्रुसकी खोकीन थेकी थेबाला नाङनेराङ काताङगीन खेरसुङ। थे छोमुचेन थेबाबरी थेरूराङ स्‍यासा देत्‍सुङ। थेमे ङारो च्‍योक्‍ते पत्रुस थेबा सुमबोताङ योप्‍पादुकी सिजरियापा ख्‍याम्‍सुङ। येशूला विश्‍वास खित्‍कान्‍ते योप्‍पादु आज्‍यो न्‍वाओनोङ कोई कोई थेबाताङ ङ्योम्‍बु गाल्‍सुङ।

शक्ति काम 11:1

ज्‍येन ज्‍येन जातकी मिकीङ परमेश्‍वर बात ङेन्‍दाला स्‍यूदुक्‍लो सिन येशू ख्रीष्‍टकी खटे खाबाते मिओनगी थेमे यहूदिये अञ्‍चलदु ओताते येशूला विश्‍वास खित्‍कान्‍ते यहूदी आज्‍यो न्‍वाओन ज्‍येन ज्‍येनगीङ थोसुङ।

शक्ति काम 11:12

थेमे परमेश्‍वर आत्‍मेकी ङाला ‘दिबाताङ चुक खाला ड्वाबे सिराच्‍योक खाला अप्‍ठेरो माने मिक्‍किता खाला खो खोल्‍ला लिन वाबाते मिओनताङ ग्‍युक,’ सिन सिदुक। थेमे ङा थेबाताङ सिजरियापा गालाप। दुरू ङात्ताङ ओताते दि आज्‍यो न्‍वाबा मेरा ठुगोङ ङात्ताङ ङ्योम्‍बुराङ थेपा गाला ओतान। ङ्योकोन गाङेराङ थे मिल्‍टेरी क्‍याप्‍टेन खाम्‍बे नाङ स्‍यूबाप।

शक्ति काम 11:26

शावलला ठेत्‍नामेकी थेकी थेला एन्‍टिओखियापा लाकीन खुला लिच्‍युङ। थेमे थेबा ङिकाराङ लोज्‍यीकसाक पूरो थेरू येशू ख्रीष्‍ट मिओनताङ ङ्योम्‍बुराङ देत्‍कीन मि काल्‍बेईला येशू बात लाप्‍सुङ। मिओनगी येशू चेलाओनला गाङे भन्‍दा गोमा ख्रीष्‍टियान साबाते एन्‍टिओखियादुराङ ईन।

शक्ति काम 11:29

अगाबसकी साबाते बात थोनामेकी थेरू ओताते चेलातेबा गाङेकी यहूदिये अञ्‍चलदु ओताते येशूला विश्‍वास खित्‍कान्‍ते ज्‍येन आज्‍यो न्‍वाओन लाईदु पैसा दुला तोङगी सिन ठो खासुङ। थेमे थेबाबरीकी खोपरोङगी जति जति तेरा थुप्‍कीदुक उति उतिराङ पैसा जम्‍मा खासुङ।

शक्ति काम 12:17

पत्रुसकी थेबाला थोक खाला छेरा माकेत सिन लाक्‍पेकी चाल खासुङ। थेमे प्रभु येशूकी थे खोरोङला चुक खाईन जेलदुकी तेन्‍गीन खुला लिच्‍युङा सिन गाङे बात लाःप्‍सुङ। थेमे थेकी थेबाला “दि बात याकूबला थेमे ज्‍येन ज्‍येन आज्‍यो न्‍वालाङ गाङेला लोबा,” सिन थे खोरोङचेन थेरूकी ज्‍येननापा गाल्‍सुङ।

शक्ति काम 14:2

तर थे बात मेङेन्‍कान्‍ते यहूदीओनगीचेन येशूला विश्‍वास खित्‍कान्‍ते मिओन लेमु मि मेन सिन मेन्‍दा मेन्‍दे बात साकीन थेबाला मेलेबा खिताला ज्‍येन ज्‍येन जातकी मिला उल्‍के खासुङ।

शक्ति काम 15:1

थेमे यहूदिये अञ्‍चलपेकी कोई कोई मि एन्‍टिओखियादु लेप्‍सुङ। थेरू लेप्‍कीन थेबेकी थेरू आज्‍यो न्‍वाओनला “ख्‍योकोनगीङ मोशेकी ङ्योकोन यहूदीओनला जीउला जो साबाते खतकी चिनु ज्‍वा फाप्‍क्‍यो। थे चिनु माजोसीनचेन परमेश्‍वरगी ख्‍योकोनला पापदुकी मेडेलो,” सिन लोपाला स्‍यूसुङ।

शक्ति काम 15:3

सल्‍लाह खानामेकी थेबेकी पावलताङ बारनाबास थेमे खोपरोङ नाङदुई कोई कोईला यरूशलेमपा ताङसुङ। थेपा डोजीन थेबेकी फोनिसियाताङ सामरिये नाङला ओताते आज्‍यो न्‍वाओनला ज्‍येन ज्‍येन जातकी मिङ चुक खाईन प्रभु येशू छ्य्‌वापा लै खासुङा सिरच्‍येते गाङे बात लाःप्‍कीन गाल्‍सुङ। थे बात थोजीन थेबाङ आउदी खाईन गा खासुङ।

शक्ति काम 16:2

तिमोथीला लिस्‍त्राताङ आइकोनियम सारगी आज्‍यो न्‍वाओनगी लेमु मि ईन सिन मन परे खाबा ओतान।

शक्ति काम 16:40

थोक खानामेकी थेबा ङिबो जेलदुकी थेन्‍गीन लिडिये खाम्‍बापा गाल्‍गीन थेरू आज्‍यो न्‍वाओनला ठेता खासुङ। थेमे थेबाला जस्‍तोराङ ओङसीनोङ येशूला विश्‍वास खिन देता मातोङ सिन आँट बिन्‍गीन थेरूकी ख्‍याम्‍सुङ।

शक्ति काम 17:10

थोक ओङनामेकी थे छोमु नाम स्‍योनामेकी थेरू आज्‍यो न्‍वाओनगी पावलताङ सिलासला बेरियापा ताङसुङ। थेपा लेप्‍नामेकी थेबा थेरूङ यहूदीओनते मिटिङ खित्‍च्‍येते खाम्‍बादु गाल्‍सुङ।

शक्ति काम 17:14

थोक ओङनामेई थेरू आज्‍यो न्‍वाओनगी पावलला थेरू मोज्‍योकी सिन थेला ज्‍येननापा तोङाला समुन्‍द्रे छेउनामा केल ताङसुङ। सिलासताङ तिमोथीचेन थेरूराङ देत्‍सुङ।

शक्ति काम 17:6

थेपा गाल्‍ला ताजीन थेबा ङिबोला माथेप्‍नामेई थेबेकी यासोनताङ थेरू आज्‍यो न्‍वाओनलाराङ कोई कोईला जुम्‍गीन थे सारगी छ्ये छ्ये मि दोन्‍दु खेरसुङ। थेमे गाङेकी थोच्‍या खाला बात खिन थेबेकी “लो तो, सा लुङबा खाङ युला गाङेपा मि नाङ होहल्‍ला खित ज्‍युत्‍कान्‍ते मिओन दुरू ङुरूङ सारदुङ लेप्‍तुक।

शक्ति काम 18:18

थोक थोक ओङनामेकीङ पावल आदोराङ कोरिन्‍थदुराङ देत्‍सुङ। थेमे तिरी थेरू आज्‍यो न्‍वाओनताङ ड्वामीन सिन बात खाईन थे सिरिये लुङबापाला ख्‍याम्‍सुङ। प्रिस्‍किलाताङ अक्‍वीलाङ थेत्ताङ ङ्योम्‍बुराङ गाल्‍सुङ। परमेश्‍वरला कोबोलज्‍यीक खाबा ओतेकी किंक्रियादु लेप्‍नामेकी पावलगी थे खोरोङ टा ठेसुङ। किंक्रियादुकीचेन थेबा पानीजहाजला जेकीन गाल्‍सुङ।

शक्ति काम 18:27

तिरी अपोल्‍लोसकी अखैये लुङबापा डोच्‍येते बात खित्‍जीन एफिससदु ओताते आज्‍यो न्‍वाओनगीङ थेला थेपा गाल्‍सीन लेमु ईन सिन साकीन च्‍याकीन अखैयादु ओताते येशू चेलाओनला थेला थेपा वानामेकी लेमु खि सिन चिट्ठीज्‍यीक टिकीन बिन्‍गीन ताङसुङ। थेपा लेप्‍नामेकी थेकी परमेश्‍वर दयेकी खित्‍सादु थेरू येशूला विश्‍वास खिताला स्‍यूबाते थेबा गाङेला आउदी मद्धत खासुङ।

शक्ति काम 21:17

यरूशलेमदु लेप्‍कीन थेरू आज्‍यो न्‍वाओनला ठेत्‍नामेई थेबेकी ङ्योकोनला आउदी लेमु खासुङ।

शक्ति काम 21:20

दि बातओन थोकीन थेरू जम्‍मा ओङातेबा गाङेकी गा खिन परमेश्‍वरते जय जय खासुङ। थेमे थेबेकी पावलला “भाइ पावल, दुरू येशूला विश्‍वास खिताला स्‍यूबाते यहूदी आउदी काल्‍बेई ओत सिन खोल्‍ला छ्याराङ ओत। थेबा गाङेकी मोशेकी टिबाते नियमओन थोरूमोङ आउदी खाला ङेन्‍गीदुक।

शक्ति काम 21:7

टायरदुकी ख्‍याम्‍नामेई ङ्योकोन टोलेमाइस सिरसापा लेपाप। थेरूङ ङ्योकोन थेरू आज्‍यो न्‍वाओनला ठेता खित गालाप। थेमे थेबाताङ ङीमाई देताप।

शक्ति काम 22:5

ङे थोक खाबा ओतान सिन गाङे भन्‍दा छ्येते पूजारी, धर्मे गुरूओन थेमे ज्‍येन छ्ये छ्ये मि गाङेकी सिरा थुप्‍क्‍यो। थेबेकीराङ ङाला दमस्‍कस सारदु येशूला विश्‍वास खित्‍कान्‍तेबाला जुम्‍ला सजाय तेराला दुरू खुलाङ छ्युत सिन दमस्‍कसपे यहूदी छ्ये छ्ये मिला चिट्ठी टिकीन बिन्‍गीन ताङा ओतान।

शक्ति काम 28:14

थेरू ङ्योकोनगी येशूला विश्‍वास खित्‍कान्‍ते कोई कोई आज्‍यो न्‍वाला ठेत्‍सुङ। थेबेकी ङ्योकोनला हप्‍ताईसाक थेरूराङ देत्‍की सिन ज्‍याक्‍सुङ। थोक खिन खिन ङ्योकोन रोमनापा गालाप।

१ कोरिन्‍थी 15:6

थेबालाकामा मेन्‍देकी थेकी थे खोरोङला विश्‍वास खित्‍कान्‍ते मि काल्‍बेईला बाजिईला ठेता ओतान। थेबा मेरा सय ङा भन्‍दाङ ल्‍हाक्‍पा ओतान। थेबा कोई स्‍यिइन सिन्‍सीनोङ काल्‍बा च्‍योकचेन थोरूमसाकोङ सोम्‍बोराङ ओत।

छ्या स्‍ये च्‍युताते बात 11:13

थेबा थोक खाला ड्वापज्‍यीकताङ आउदी ज्‍यीबा लाङच्‍याई सेदेर्मु गाल्‍सुङ। थेमे थे जोदाते सारगीते खण्‍ड च्‍युताम्‍बे नाङ खण्‍डज्‍यीक गाङे राम्‍सुङ। हजार दुईन मिङ स्‍यिसुङ। थेरू थोक ओङजीन थाराते मि गाङेराङ आउदी खाईन ज्‍यीबा खासुङ। थेमे थेबेकी स्‍वर्गने देत्‍कान्‍ते परमेश्‍वरराङ छ्ये ईन सिन थेला छ्ये जोसुङ।

छ्या स्‍ये च्‍युताते बात 3:4

तर सार्डिसदु ख्‍योकोन नाङ लाला लालेकी खोपरोङ खोलाकला छ्याःङ दाग खो च्‍युता मिन्‍दुक। थेबा कार्मुते खोलाक खोन्‍ला ङात्ताङ ख्‍याम्‍बा सोई खित्‍कान्‍ते मि ईन।