शक्ति काम 1:13 - जिरेल

¹³ थेपा ख्‍योल्‍नामेकी थेबा खोपरोङ देत्‍च्‍येते खाम्‍बादु स्‍यूकीन ताले लाकने गाल्‍सुङ। थेबाचेन पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयस फुज्‍युङ याकूब, देशभक्त सिराते पाटी मि शिमोन थेमे याकूब सिराते मि फुज्‍युङ यहूदा ओतान।

शक्ति काम 1:13 Iomraidhean Croise

मत्ती 9:9

थेमे येशू थेरूई ख्‍याम्‍सुङ। डुइन ओत्‍जीनराङ थेकी कर लिन्‍कान्‍ते मत्ती सिराते मिला थे खोरोङ अफिसदु देता ओताते थोङसुङ। थेमे थेकी थेला ठेत्‍कीन “लो खो ङे चेला ओङला ङात्ताङ ख्‍योम,” सिन सिदुक। थोक सानामेई मत्ती खोक लाकीन येशूताङ ख्‍याम्‍सुङ।

मर्कूस 14:15

थेमे ख्‍योकोनला थेकी देताला जेसुकै ठिक्‍क ओताते ताले लाकने जोदाज्‍यीक कोठा तेन्‍ला तेरग्‍यो। भोज साप्‍ला जेसुकै ख्‍योकोनगी थेरूराङ ठीक खि,” सिन थेरूकी ताङसुङ।

मर्कूस 14:33

थोक खाला डोजीन थेकी पत्रुस, याकूबताङ यूहन्‍नालाचेन ङ्योम्‍बुराङ खेरसुङ। थे खोरोङला था चुक दुक्‍पा ओङगीते सिरच्‍ये ज्‍यीबाताङ पीरगी खित्‍सादु थेजीन थेते सेमोङ स्‍यिइन सिन्‍दा ओतान।

मर्कूस 2:14

थेरूकी ख्‍याम्‍नामेकी डुइन डुइन थेकी कर लिन्‍कान्‍ते मिज्‍यीक अफिसदु देता ओता थोङसुङ। थेचेन अल्‍फयस फुज्‍युङ लेवी सिराते ओतान। येशूकी थेला ठेत्‍कीन “लो खो ङे चेला ओङला ङात्ताङ ख्‍योम,” सिन सिदुक। थोक सानामेई लेवी खोक लाकीन थेत्ताङ ख्‍याम्‍सुङ।

मर्कूस 5:37

थेपा डोजीन येशूकी खालि पत्रुस थेमे याकूबताङ थे न्‍वा यूहन्‍नालाकामा ङ्योम्‍बु खेरसुङ।

मर्कूस 9:2

दि बात सानामेई ङीमा ठुक तिरी पत्रुस थेमे याकूबताङ यूहन्‍नाला टीकीन येशू थोम्‍बोज्‍यीक बोमदु गाल्‍सुङ। थेरू ज्‍येन मि सुङ मेतान। थेमे थेरू तेइन तेइनलाराङ थेबा सुमबोकी येशू झिलिमिली गालाते थोङसुङ।

लूका 22:12

थेमे ख्‍योकोनला थेकी देताला जेसुकै ठिक्‍क ओताते ताले लाकने जोदाज्‍यीक कोठा तेन्‍ला तेरग्‍यो। भोज साप्‍ला जेसुकै ख्‍योकोनगी थेरूराङ ठीक खि,” सिन थेरूकी ताङसुङ।

यूहन्‍ना 11:16

थेरूई थे दिदिमस सिराते थोमेकीचेन ज्‍येन चेलातेबाला “लो थोक ईन्‍सीन ङुरूङोङ गाङेराङ डुइ, स्‍या फाप्‍सीनोङ गुरूताङराङ स्‍यिइ,” सिन सिदुक।

यूहन्‍ना 14:22

थेरू यहूदा इस्‍करियोत मेनगी ज्‍येनज्‍यीगोङ यहूदा सिराज्‍यीक चेला ओतान। थेकी “प्रभु, खोरोङ चुक छ्ये ईन्‍दे सिन खो च्‍यिला दि सा लुङबे मिओनला मेन, ङ्योकोनलाकामा छ्या स्‍ये ज्‍युत्‍कीते?” सिन सासुङ।

यूहन्‍ना 18:17

थेमे थे फेम्‍मे मिकी पत्रुसला “च्‍यि खोङ थे मि चेलाराङ मेनरो?” सिन ठिजीन थेकी “मेन मेन, ङानी मेन,” सिन सिदुक।

यूहन्‍ना 21:2

थे छोमु थेरू शिमोन पत्रुस, दिदिमस सिराते थोमा, गालील अञ्‍चल कानापे नथानेल, जब्‍दी फुज्‍युङबा ङिबो थेमे ज्‍येन मेन्‍दा ङि येशू चेलाओन ङ्योम्‍बुराङ ओतान।

शक्ति काम 12:17

पत्रुसकी थेबाला थोक खाला छेरा माकेत सिन लाक्‍पेकी चाल खासुङ। थेमे प्रभु येशूकी थे खोरोङला चुक खाईन जेलदुकी तेन्‍गीन खुला लिच्‍युङा सिन गाङे बात लाःप्‍सुङ। थेमे थेकी थेबाला “दि बात याकूबला थेमे ज्‍येन ज्‍येन आज्‍यो न्‍वालाङ गाङेला लोबा,” सिन थे खोरोङचेन थेरूकी ज्‍येननापा गाल्‍सुङ।

शक्ति काम 15:13

थेबेकी बात खाईन सिन्‍नामेकी याकूबकी गाङेला “आज्‍यो न्‍वावे, दि बात लेमु खाला ङेन।

शक्ति काम 2:14

थेबा गाङे बात थोकीन येशू ख्रीष्‍टकी खटे खाबाते ज्‍येनतेबा मेन्‍दा च्‍युच्‍यीकताङराङ लाकीन पत्रुसकी गाङेकी थोच्‍या खाईन थेरू जम्‍मा ओङाते मिओनताङ दोक सिन बात खिताला स्‍यूसुङ। थेकी च्‍यि सिका सासीन “लुङबा लुङबालेकी वाबातेताङ दुरू यरूशलेमदुराङ देता ओताते गाङे यहूदी आज्‍यो न्‍वावे, ख्‍योकोनगी दि बाततेबा लेमु खाला ङेन।

शक्ति काम 2:38

ठिजीन पत्रुसकी “था ख्‍योकोन गाङेकी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे येशू ख्रीष्‍ट मिनगी छ्य्‌वापेई बप्‍तिस्‍मा लोङ। थेमे परमेश्‍वरगी ख्‍योकोन पापतेबा माफ तेरग्‍यो। थेमे ख्‍योकोनगी परमेश्‍वर आत्‍मा ङेत्‍क्‍यो।

शक्ति काम 20:8

ङ्योकोन जम्‍मा ओङगीन देताते थे ताले लाकने कोठादु बत्ती काल्‍बेई पारा ओतान।

शक्ति काम 4:13

पत्रुसताङ यूहन्‍नेकी छ्याःङ ज्‍यीबाराङ मिक्‍किता खाईन बात खिता थोङनामेई थेमे थेबा ङिबो खोपरोङ च्‍योक पढे खाबाते मि मेन्‍गीन ज्‍येन मि च्‍योकराङ दुका सिन छ्या स्‍येनामेई थे छ्ये छ्ये मितेबा छक्‍क परे खासुङ। थेबा ङिबो गोमा येशूताङ देत्‍कीन ख्‍याम्‍गीन खाबाते दुका सिनोङ थेबेकी छ्या स्‍येसुङ।

शक्ति काम 4:19

थोक सिरजीन पत्रुसताङ यूहन्‍नेकी थेबाला “ङ्योकोनगी परमेश्‍वरगी खि साबाते बात ङेन्‍च्‍याना ख्‍योकोन बात ङेन्‍च्‍ये? खाङ ठीक ईन्‍दे? लो ख्‍योकोनराङ सि।

१ कोरिन्‍थी 15:7

थेबा थेबाला ठेत्‍नामेई तिरी थेकी याकूबला ठेता ओतान। थेला ठेता खानामेई याङराङ थेकी थे खोरोङगी खटे खाबाते मि गाङेला ठेता खाबा ओतान।

गलाती 1:19

थेरू देत्‍जीन प्रभु येशू न्‍वा याकूबला बाई येशू ख्रीष्‍टकी खटे खाबाते मिओन ज्‍येनलाचेन ङे सुङलाङ माठेत।

गलाती 2:9

परमेश्‍वरगी ङाला दया खाईन दि काम खित्‍च्‍येते जिम्‍मा बिन्‍दाते दुका सिन छ्या स्‍येनामेकी होथे छ्येते मिओन नाङ गाङे भन्‍दा छ्येतेबा ईन सिन साबाते याकूब, पत्रुस थेमे यूहन्‍नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्‍ला काम खिइ सिन सिदुक। दोक खित्‍जीनराङ बारनाबासताङ ङा ज्‍येन ज्‍येन जातकी मिला थेमे थेबाचेन यहूदीओनला गा लाङच्‍येते बात लोप्‍की सिरच्‍येते बातला थेबा डिक्‍सुङ।

याकूब 1:1

दि चिट्ठी टिक्‍कान्‍ते ङा याकूब ईन। ङा परमेश्‍वरताङ प्रभु येशू ख्रीष्‍ट काम खित्‍कान्‍ते मि ईन। ङा दि चिट्ठी लुङबा लुङबाला देता ओताते थर च्‍युन्‍ङी इस्राएलीओनला टिगीन ओत। ख्‍योकोनला ङेते नमस्‍ते ओत।

२ यूहन्‍ना 1:1

ङा येशू ख्रीष्‍ट मिओनला ताकान्‍ते छ्येते मिज्‍यीक ईन। दि चिट्ठी ङा परमेश्‍वरगी छाने खाबाते फेम्‍मे मि खोत्ताङ खुई फुज्‍युङ फुमुला टिगीन ओत। खेकीकामा मेन्‍देकी ङा ख्‍योकोनला पक्‍काराङ ङिङज्‍ये खिओ। ङेकामा मेन, सत्‍यते परमेश्‍वरला छ्या स्‍येकान गाङेकी ख्‍योकोनला ङिङज्‍ये खिओ।

यहूदा 1:1

दि चिट्ठी टिक्‍कान्‍ते ङा यहूदा ईन। ङा याकूब न्‍वा ईन। ङा येशू ख्रीष्‍ट काम खित्‍कान्‍ते मि ईन। ङा दि चिट्ठी आबा परमेश्‍वरगी थे खोरोङ दोन्‍दु स्‍योक सिन काताङाते, थेकी ङिङज्‍ये खिन ओताते थेमे येशू ख्रीष्‍टकी ताकोरा खिन ओताते मि ख्‍योकोनला टिगीन ओत।