शक्ति काम 1:11 - जिरेल

¹¹ “ए गालीलपे मिवे, ख्‍योकोन च्‍यिला दोक खाला नामने ताला देत्‍कीते? येशूला परमेश्‍वरगी स्‍वर्गने खेरसुङ। आनाङ ख्‍योकोनगी थेला चुक खाईन थेने ड्वा थोङा ओताने, था तिरी ङीमाई लोक्‍ला थे होथोकराङ खाला देमा ग्‍युरला ओङगो,” सिन सिदुक।

शक्ति काम 1:11 Iomraidhean Croise

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 16:28

थेमे ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वर ओत्‍सादुई वाबाते मि ङे दुरू राज्‍य खिताला स्‍यूबाते थोङलाकामा स्‍यिइओ,” सिन सिदुक।

मत्ती 24:30

थेमे थे बेलाला नामने ताजीन परमेश्‍वर ओत्‍सादुई वाबाते मि ङा ओङा खाबाते थोङगो। थे छोमु ङा छ्येज्‍यीक शक्ति ङेत्‍ला मिगी ताराङ मुथुप्‍च्‍या नाम्‍दाककी झिलिमिली गाल्‍ला मुक्‍पे लाक्‍तु देत्‍ला स्‍वर्गनेकी देमा ओङा थोङला था सजाय ङेत्‍क्‍यो सिन ज्‍यीबेकी लुङबा लुङबे मि गाङेराङ झ्‍याउँ झ्‍याउँ ङुइओ।

मत्ती 25:31

थेमे परमेश्‍वर ओत्‍सादुई वाबाते मि था तिरी छ्येज्‍यीक शक्ति ङेत्‍ला गेल्‍बो ओङला परमेश्‍वर दूत गाङेताङ दुरू ग्‍युरला वाला गेल्‍बो देत्‍च्‍येते सिंहासन लाक्‍तु देत्‍क्‍यो।

मर्कूस 13:26

थोक थोक ओङनामेई परमेश्‍वर ओत्‍सादुई वाबाते मि ङा छ्येज्‍यीक शक्ति ङेत्‍ला मिगी ताराङ मुथुप्‍च्‍या नाम्‍दाककी झिलिमिली गाल्‍ला मुक्‍पे नाङ देत्‍ला स्‍वर्गनेकी देमा ओङगीन ओताते मि गाङेकी थोङगो।

मर्कूस 14:70

थेकी लोईन “थेलानी ङा ङोराङ मेस्‍येओ,” सिन सिदुक। टिक्‍पी तिरी याङराङ थेरू ओताते मिओनगीङ “खो च्‍यिला मेन सिते? थेत्ताङ ख्‍याम्‍कान्‍तेबे नाङ दोक्‍पोई पक्‍काराङ खोङ ओङा फाप्‍क्‍यो। च्‍यिला सासीन खोङ गालीलपे मिराङ ईन,” सिन सिदुक।

मर्कूस 16:19

थोक खाईन चेलातेबाताङ बात खाईन सिन्‍नामेकी प्रभु येशूला परमेश्‍वरगी स्‍वर्गने खेरसुङ। थेचेन परमेश्‍वर सामे छ्य्‌वापा देता ओत।

लूका 21:27

थोक थोक ओङनामेई परमेश्‍वर ओत्‍सादुई वाबाते मि ङा छ्येज्‍यीक शक्ति ङेत्‍ला मिगी ताराङ मुथुप्‍च्‍या नाम्‍दाककी झिलिमिली गाल्‍ला मुक्‍पे नाङ देत्‍ला स्‍वर्गनेकी देमा ओङगीन ओताते मि गाङेकी थोङगो।

लूका 24:5

थेबाला थोङगीन ज्‍यीबेकी थे फेम्‍मे मिओन खोपरोङ छ्येत उप्‍कीन खुङ खुगीन देत्‍सुङ। थेमे थेबा ङिबोकी थेबाला “सोम्‍बो लोगीन सिन्‍दे येशूला ख्‍योकोन च्‍यिला दि स्‍याप्‍ते मि ज्‍य्‌वासादु छोल्‍गीते?

यूहन्‍ना 14:3

ठाउँ ठीक खाला ङा ख्‍योकोनला लिन्‍दाला लोक्‍ला ओङगो। थेमे ख्‍योकोनोङ ङात्ताङ ङ्योम्‍बुराङ देता ङेत्‍स्‍यीत सिन ङा ख्‍योकोनलाङ ङाराङ देत्‍सादुराङ देताला खेरग्‍यो।

शक्ति काम 1:2

नामसाक बात सासीन थे खोरोङगी खटे खाबाते मिओनला था च्‍यि च्‍यि खिता फाप्‍कीते सिन परमेश्‍वर आत्‍मे छ्य्‌वापेई लाप्‍कीन बिन्‍नामेई परमेश्‍वरगी थे खोरोङला स्‍वर्गने खेरे छोमुसाक बाततेबा ङे थे किताबलाराङ टिबा ओत।

शक्ति काम 1:9

दि बात खाईन सिन्‍नामेकी थेबेकी तेइन तेइनलाराङ थे नामने थेगीन थेगीन गाल्‍गीन परमेश्‍वरगी थेला स्‍वर्गने खेरसुङ। थोक खाला खेरजीन मुक्‍पा वाकीन थेला दाक उप्‍सुङ। थेमे थेबेकी थेला थोङा माथुप्‍सुङ।

शक्ति काम 13:31

थोक खाईन सोम्‍बो लोक्‍नामेकी थेकी गोमा गालील अञ्‍चलदुकी थे खोरोङताङ ङ्योम्‍बुराङ यरूशलेमपा गालाते मिओनताङ याङ याङ ठेता खासुङ। थेमे खोपरोङगी थोङातेताङ थोबाते येशू बात गाङे थरिङोला इस्राएलीओनला लोप्‍कान्‍ते मिओन होथेबाराङ ईन।

शक्ति काम 2:7

छक्‍क परे खिनकामा थेबेकी “आबिई, दिनी अचम्‍बराङ ओङसुङ। दुरू बात खित्‍कान्‍तेबा च्‍यि गाङे गालीलपे मि मेनरो?

शक्ति काम 3:12

थोक खाईन खोपरोङ फेरो खाङ जम्‍मा ओङाते मिओनला बात खिन पत्रुसकी “ए इस्राएलीवे, दि कुज्‍ये ख्‍याम्‍बा थुप्‍च्‍या गाला थोङजीन ख्‍योकोन च्‍यिला दोक खाला छक्‍क परे खिते? ख्‍योकोन च्‍यिला ख्‍याराच्‍योक खाला ङ्योकोनला तालाराङ देत्‍कीते? च्‍यि ख्‍योकोनगी दि मिला ङ्योकोनगी ङेराङ शक्तिकी ख्‍याम्‍बा थुप्‍च्‍या जोबाते ईन्‍दासीन साबाप? ना ङेत परमेश्‍वरला आउदी खाला माने खित्‍कान्‍ते मि ईन्‍देकी थोक खिता थुपासीन साबे?

शक्ति काम 3:21

थे थरिङोला स्‍वर्गने देता ओत। परमेश्‍वर बात खित्‍कान्‍तेबेकी परमेश्‍वरगी तिरी जेसुकै लेमु जोइओ सिन परमेश्‍वरगी सिर च्‍युताते बाततेबा गाङे साबा च्‍योकराङ मायाङथुप थे थेनेराङ देत्‍क्‍यो।

१ थिस्‍सलोनिकी 1:10

दोस्‍यिककामा मेन, थेबेकीचेन था स्‍वर्गनेकी ग्‍युरला ओङगो साबाते परमेश्‍वर फुज्‍युङ येशूला ख्‍योकोन गुकीनराङ देत्‍ला दुक्‍लो सिरच्‍येते बादोङ खिदुक। थेला परमेश्‍वरगी स्‍यिसादुकी सोम्‍बो लोक्‍पा ओत। मिओनला था तिरी परमेश्‍वरगी स्‍येदाङगी चूर गाल्‍ला तेरच्‍येते सजायदुकी ङुरूङला जोए खित्‍कान्‍ते थेराङ ईन।

१ थिस्‍सलोनिकी 4:16

थे छोमु चुक ओङगीते सासीन प्रभु येशूकी लो था बेला लेप्‍सुङ सिन गाङेकी थोच्‍या खाला सिराईताङ, परमेश्‍वर छ्येते दूतकी गाङेकी थोच्‍या खाला बात खिताईताङ थेमे परमेश्‍वर बिकुल फुबाते ङोरो थोबाईताङराङ प्रभु येशू स्‍वर्गनेकी ग्‍युरला ओङगो। थे ग्‍युरगीन वानामेई ख्रीष्‍टला विश्‍वास खित्‍कान्‍ते गोमाका स्‍याप्‍ते मिओन स्‍यिसादुकी सोम्‍बो लोइओ।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

छ्या स्‍ये च्‍युताते बात 1:7

लो दि बात टोक माज्‍येत। च्‍यि सासीन येशू ख्रीष्‍ट था मुक्‍पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्‍कान्‍ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्‍क्‍यो सिन ज्‍यीबेकी खित्‍सादु दि सा लुङबे मि गाङेराङ झ्‍याउँ झ्‍याउँ ङुइओ। दोकराङ ओङस्‍यीत। आमेन।