३ यूहन्‍ना 1:2 - जिरेल

² ङिङज्‍येते र्‍वा खो येशू ख्रीष्‍टला लेमु खाला विश्‍वास खित्‍कान्‍ते मि ईन। खोल्‍ला साबा च्‍योक ओङस्‍यीत थेमे जीउलाङ सन्‍चा सुबिस्‍ता ओङस्‍यीत सिन ङा प्रार्थना खिओ।

३ यूहन्‍ना 1:2 Iomraidhean Croise

मत्ती 9:12

थेबेकी थोक सिरजीन येशूकी थेबाला “नाबाते मिओनलाका डाक्‍टर गोक्‍यो, सन्‍चाराङ ओत्‍कानलाका च्‍यि डाक्‍टर गोकीतेरो?

फिलिप्‍पी 2:27

ईन्‍दाचेन दि खोक्‍पो खाईन नाबा ओतान। ङालानी दि सोन्‍गीतासीन सिराच्‍योक लाबा मेतान। ईन्‍सीनोङ परमेश्‍वर दयेकी दि मास्‍यिसुङ। ङाला पीरगी लाक्‍तु पीर माफाप्‍स्‍यीत सिन दया खाईन परमेश्‍वरगी दिला ठाक्‍पा खाईन बिन्‍सुङ।

फिलिप्‍पी 2:4

खालि दाक्‍पोनला लेमु ओङच्‍ये कामकामा माकेत, ज्‍येनला लेमु ओङच्‍ये काम खि।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

२ थिस्‍सलोनिकी 2:13

दोक ईन्‍सीनोङ आज्‍यो न्‍वावे, ख्‍योकोनलाचेन प्रभु येशू ख्रीष्‍टकी आउदी ङिङज्‍ये खाबा ओत। थेमे ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। परमेश्‍वर आत्‍मेकी खित्‍सादु ख्‍योकोन सेम खुदुक गालाते मि ओङला थेमे सत्‍यते बात ङेन्‍ला ख्‍योकोनगी पापकी सजाय भोगे खिता माफाप्‍स्‍यीत सिन परमेश्‍वरगी ख्‍योकोनला दि सा नाम ज्‍वा भन्‍दा गोमाकाराङ छाने खाबा ओतेकी ङ्योकोनगी थेला धन्‍यवाद सिरा फाप्‍च्‍येतेराङ ईन।

याकूब 5:12

आज्‍यो न्‍वावे, था ज्‍येन बातज्‍यीक च्‍यि सासीन ख्‍योकोनगी स्‍वर्ग जुम्‍ला ईन्‍स्‍यीत, पृथ्‍वी जुम्‍ला ईन्‍स्‍यीत थेमे ज्‍येनतोक खइँदाराङ ईन्‍स्‍यीत छ्याःङलाङ जुम्‍ला ना माकेल। ख्‍योकोनगी खालि ईन्‍दाते बातला ईन सि, मेन्‍दाते बातला मेन सि। होदोक खासीन परमेश्‍वरगी ख्‍योकोनला सजाय मेतेरो।

१ पत्रुस 4:8

थेमे ज्‍येनतोक भन्‍दाङ दोक्‍पोईकी ज्‍येनज्‍यीकला आउदी खाला ङिङज्‍ये खि। दोक खासीनराङ ज्‍येनगी जति मेलेबा खासीनोङ थोक्‍ते मिला माफ तेरा थुप्‍क्‍यो।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।

३ यूहन्‍ना 1:1

ङा येशू ख्रीष्‍ट मिओनला ताकान्‍ते छ्येते मिज्‍यीक ईन। दि चिट्ठी ङा ङे र्‍वा गायस खोल्‍ला टिगीन ओत। खेकीकामा मेन्‍देकी ङा खोल्‍ला पक्‍काराङ ङिङज्‍ये खिओ।

छ्या स्‍ये च्‍युताते बात 2:9

च्‍यि सासीन ख्‍योकोनला ज्‍येनगी दुक्‍पा बिन्‍दाते बात ङाला छ्या ओत। थेमे ख्‍योकोनला दाङच्‍या ख्‍योप्‍च्‍या मेत सिनोङ ङाला छ्या ओत। ईन्‍सीनोङ ख्‍योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्‍किकान्‍ते मिओनगी ईन्‍दा मेन्‍दे दोष लै खाईन ख्‍योकोन विरोध खाबाते बात ङाला छ्या ओत। थेबाचेन शैतानताङ डिक्‍कान्‍ते मि ईन।