२ तिमोथी 4:8 - जिरेल8 थोगी ङा परमेश्वरगी खि साबा साबा च्योकराङ खित्कान्ते मि ईन सिन था ङे इनाम ङेत्क्यो। थे इनामचेन सुङलाङ काका पाका मिक्किता खाला न्याय खित्कान्ते प्रभु येशू ख्रीष्टकी थे खोरोङ ग्युरला ओङे छोमु ङाला तेरग्यो। थे इनाम थेकी ङालाकामा मेन, थे स्वर्गनेकी ग्युरला ओङगो सिन गा खिन गुला देत्कान्तेबा गाङेला तेरग्यो। Faic an caibideil |
२ तिमोथी 4:8
39 Iomraidhean Croise
था परमेश्वरगी न्याय खिते छोमु चुक ओङगीते सासीन स्वर्गने स्यूक्पा मेङेत्कान्ते मि काल्बेईकी ङाला ‘ए प्रभु, च्यि ङ्योकोनगी खुई मिनगी छ्य्वापेई परमेश्वरगी सिर च्युताते बात खाबा मेतानरो? थेमे च्यि ङ्योकोनगी खुई मिन लाकीन मिओनला खोबाते ल्हन्डीकओन तेन्गीन ताङा मेतान? थोकराङ खाईन च्यि ङ्योकोनगी खुई मिनगी छ्य्वापेई अचम्ब अचम्बतेन्दे काम काल्बेई खाबा मेतानरो?’ सिन सिओ।
ईन्दाका ङुरूङोङ थोरूमसाक दुक्पालाराङ देता फापा ओतेकी ङुरूङ सेमलाङ ढुक्क मेत। परमेश्वरगी ङुरूङला थे खोरोङ आत्मा बिन्दा ओतेकी थेकी खिओ साबाते ज्येनोङ था गाङे साबा च्योकराङ खिओ। परमेश्वर आत्मा ङेता ओत्सीनोङ परमेश्वरगी ङुरूङला स्या फाप्सादुकी टाल्ला दि जीउ खुदुक जोला थे खोरोङ धर्म-पुत्र सिन थे खोरोङताङ ज्य्वाच्येते दिन नामराङ लेबोङा सिन ङुरूङ गुकीन देता ओत।
खेलकूदला भाग लिन्कान्ते मि जसकीङ ग्याल्ला पुरूस्कार ङेता थुप्स्यीत सिन खोपरोङ जीउला ङार्माताङ थाङ मेछ्येत्च्या ज्वाप्ला ङीमे ठाङमा दुक्पा खाला तालिम खित्च्येते खिओ। थेबेकी ङेत्च्येते पुरूस्कारचेन ङीमाई छ्याःङ काम लै मिक्किच्या डुइओ। तर ङुरूङगी ङेत्च्येते इनामचेन नोमुङ होथोक खाला काम लै मिक्किच्या मोन्डोओ।
परमेश्वरगी था तिरी खेराङला स्वर्गने तेरग्यो सिन साबातेबा ङेत्क्यो सिन खेराङगी आश खाईन देताते पक्काराङ ङेत्क्यो सिन छ्या स्येबेकीराङ ख्योकोनगी थोक लेमु खिन ओताते ईन। परमेश्वरगी खेराङला तेरग्यो साबाते ङेत्क्यो सिनचेन ख्योकोनगी सत्यते बात थोनामेई छ्या स्येबा ओत। सत्यते बातचेन गा लाङच्येते बात ईन।
दोस्यिककामा मेन, थेबेकीचेन था स्वर्गनेकी ग्युरला ओङगो साबाते परमेश्वर फुज्युङ येशूला ख्योकोन गुकीनराङ देत्ला दुक्लो सिरच्येते बादोङ खिदुक। थेला परमेश्वरगी स्यिसादुकी सोम्बो लोक्पा ओत। मिओनला था तिरी परमेश्वरगी स्येदाङगी चूर गाल्ला तेरच्येते सजायदुकी ङुरूङला जोए खित्कान्ते थेराङ ईन।
ङुरूङला पापदुकी डेल्कान्ते येशू ख्रीष्ट देमा वाबेकी थे खोरोङगी ङुरूङला दया खिओ सिन साबाते बात परमेश्वरगी छ्या स्ये च्युत्सुङ। थेमे येशू ख्रीष्टकी दुरू वाकीन स्यिच्येते कालला ग्यालेकी थेकी मिओनला नोमुङ मिसिन्च्येते जुनी तेरग्यो थेमे थोक्ते मि नोमुङ मिस्यिओ। दि बातचेन गा लाङच्येते बातलाराङ साबा ओत।
दि काम खाबेकीराङ ङाला जेलदु लुक्पेकी दोक खाला दुक्पा भोगे खिन ओत। ईन्सीनोङ दोक खिता फापाते ङाला छ्याःङ ङोचा मेत। च्यिला सासीन ङे सुला विश्वास खाबा ओते थेमे थे चुक्ते ईन्दे सिन ङाला लेमु खाला छ्या ओत। थेमे ङे थे लाःक्तु जे सोम्पे खाला दुक थे खोरोङ दुरू ग्युरला ओङे छोमुसाकराङ थेकी थे लेमु खाला तेइओ सिरच्येते बातला ङाला छ्याःङ शंका मेत।
थोक ईन्देकी मि काल्बेईला थेबेकी खाबाते गाङे पापदुकी डेलाला ख्रीष्टोङ बाजिईकामा थे खोरोङ ज्यान बिन्गीन स्याप्ते ईन। था थे लोक्ला देमा ग्युरला ओङगो। थोक खाला ओङच्येते लोक्ला गोमा च्योकराङ मि पापकी सजाय भोगे खाला स्याप्ला मेन। थानी ङीमाई थे ग्युरला ओङगो सिन गुकीन देताते मिओनला पूरो खाला पापदुकी टाल्ला स्वर्गने देत खेराला लिन्दालाका ओङच्येते ईन।
लो दि बात टोक माज्येत। च्यि सासीन येशू ख्रीष्ट था मुक्पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्कान्ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्क्यो सिन ज्यीबेकी खित्सादु दि सा लुङबे मि गाङेराङ झ्याउँ झ्याउँ ङुइओ। दोकराङ ओङस्यीत। आमेन।
ख्योकोनला आइ परे खिता खाबाते दुक्पा थोङला ख्योकोन ज्यीबा माकेत। ना ख्योकोनगी ङाला विश्वास खिता तोङगीता सिन ताप्ला शैतानगी ख्योकोन नाङ दोक्पोई ङिला जेलला लु ज्युत्क्यो। थोक खासीनोङ ङीमा च्युताम्बाकामा ख्योकोनला दुक्पा ओङगो। स्यापराङ फाप्सीनोङ ख्योकोनगी ङाला विश्वास खिता मातोङ। थेमे ङा ख्योकोनला इनाम तेरग्यो, थेचेन नोमुङ मिसिन्च्येते जुनी ईन।
Sanasan