२ तिमोथी 4:7 - जिरेल

⁷ दुक्‍पा किम्‍मु जस्‍तो ओङजीनोङ ङे ङाराङ काम लेमु खाईन खाबा ओत, बत्ते खित्‍कान्‍ते मि ख्‍योला फाप्‍सासाक लेपाच्‍योक खाईन ङेङ ङाराङगी खिता फाप्‍च्‍येते काम गाङे खाईन सिन्‍दा खाबा ओत। थेमे येशू ख्रीष्‍टला विश्‍वास खाईन ङेन्‍दाते बात ङे जुनी खाङ ङेन्‍गीनराङ देताप।

२ तिमोथी 4:7 Iomraidhean Croise

लूका 11:28

थेकीचेन थे फेम्‍मे मिला “परमेश्‍वर बात ङेन्‍ला थेकी खि साबा साबा खित्‍कान्‍ते मिओन झन भाग्‍यमानी ईन,” सिन सिदुक।

लूका 8:15

कोई कोईकीचेन परमेश्‍वर बात थोनामेई आउदी लेमु खाला ङेन्‍ग्‍यो। थेबेकी खोपरोङला जे ओङसीनोङ थे बात ङेन्‍दा मोतोङा खाला लेमु काम खिन देत्‍क्‍यो। सबी लेमु ओत्‍साला फापाते सोन साबातेचेन होथोक्‍ते मिओनला साबाते ईन।

यूहन्‍ना 17:6

दि सा लुङबे मिओन नाङदुई खुई ङाराङ लाःक्‍तु जिम्‍मा बिन्‍दाते मिओनला आबा खो सु ईन्‍दे, चुक्‍ते ईन्‍दे सिन ङे छ्या स्‍ये च्‍युत्‍कीन बिन्‍दाप। ईन्‍दानी थेबा गोमामेईराङ खुई मिराङ ओतान। थेबाला खुई ङे लाःक्‍तु जिम्‍मा बिन्‍सुङ। थेमे थेबेकी खुई बात ङेन्‍सुङ।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

शक्ति काम 13:25

थे खोरोङ कामबरी खाला सिन्‍दे बेलाला थेकी मिओनला ‘ख्‍योकोनगी ङा परमेश्‍वरगी तोङगो साबाते ख्रीष्‍ट ईन्‍दासीन सिन विचार खिदुक तर ङा थे मेन। थेनी था तिरीका ओङगीन ओत। ङानी थेते योक्‍पो ओङला काचाप टोल्‍ला तेरालाङ सोई मिक्‍किओ,’ सिन साबा ओतान।

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

गलाती 2:2

परमेश्‍वरगीराङ ङाला थेने ग्‍युक सिन साबेकी ङे थेने गाल्‍गीन येशू ख्रीष्‍ट मिओनगी छ्येते मि ईन साबाते मिओनताङ ठेता खाबाप। थेबाताङकामा ठेत्‍कीन ङाराङगी ज्‍येन ज्‍येन जातकी मिला गा लाङच्‍येते बात लोप्‍जीन चुक चुक सिन लोप्‍कीते सिन ङे थेबाला गाङे साबाप। ङाराङगी लोप्‍कीन ओताते बातला खइँदा बात ठाल्‍दुक सिता ना खइँदा बात मायाङसुङ साला ङाराङगी दुक्‍पा खाईन खाईन खाबाते थेमे खिन ओताते काम थाराङ खेरोला मोन्‍डोस्‍यीत सिनराङ ङे थेबाताङ थोक खाईन बात खाबाप।

फिलिप्‍पी 1:30

गा लाङच्‍येते बात ङेन्‍गीन देताला थेमे फैले खिताला थरिङोला ख्‍योकोनगीङ ङे च्‍योकराङ दुक्‍पा खिता फापा ओत। जति दुक्‍पा ओङजीनोङ ङे चुक खाईन गा लाङच्‍येते बात लोप्‍कीनराङ देता ओताने थे ख्‍योकोनगी थोङातेराङ ईन। ङा थोरूमोङ थोकराङ खिन ओताते बादोङ ख्‍योकोनगी माथोबाते मेन।

१ तिमोथी 1:18

फुज्‍युङ तिमोथी, ङे खोल्‍ला कोई कोई मिओनला चुक खि सिन कोत साबा ओताने ङे साकीन ज्‍याक्‍पा च्‍योकराङ खि। थेमे परमेश्‍वरगी सिर च्‍युताते बात खित्‍कान्‍ते मिओनगी गोमा खोरोङ विषयला साबाते बाततेबा टोक माज्‍येत। होथे बाततेबा सम्‍झे खाला खुई ङे खोरोङला खि साबाते काम लडाइँ खित्‍च्‍येते च्‍योकराङ दुक्‍पा ईन्‍सीनोङ लेमु खाला खिता थुप्‍क्‍यो।

१ तिमोथी 6:12

येशू ख्रीष्‍टला विश्‍वास खाईन ङेन्‍दाते बात ङेन्‍दा मोतोङा खाला जति दुक्‍पा ओङसीनोङ थे बातला साबा च्‍योकराङ खि। नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी खोल्‍ला थे खोरोङ दोन्‍दु स्‍योक सिन काताङाते ईन मेन? थेजीन खुई मि काल्‍बेई ङोन्‍दु ङा प्रभु येशू ख्रीष्‍टला विश्‍वास खिओ सिनोङ साबा ओत। था थे नोमुङ मिसिन्‍च्‍येते जुनी खुई खोरोङ लाःक्‍तुकी स्‍योर माज्‍युत।

१ तिमोथी 6:20

लो तिमोथी, परमेश्‍वरगी खोरोङला जिम्‍मा बिन्‍दाते काम खि साबा च्‍योकराङ खाला खिन देत। परमेश्‍वर बातताङ डिकराङ मिडिक्‍च्‍येते कामराङ लै मिक्‍किच्‍येते बातला नामज्‍योक मासेत। च्‍यि बात चुक ईन्‍दे सिन लेमु खाईन छ्या स्‍येबा ओताच्‍योक खाला सत्‍यते बात ईन सिन मेन्‍दे बात लोप्‍कान्‍ते मि बात नोमुङ माङेन।

२ तिमोथी 1:14

थेमे लोप सिन खोल्‍ला जिम्‍मा बिन्‍दा ओताते बात खुदुक जोला मालोप। ङुरूङ सेमगी नाङ देत्‍कान्‍ते परमेश्‍वर आत्‍मे छ्य्‌वापेई खुई दि काम खिता थुप्‍क्‍यो।

२ तिमोथी 3:10

बात दोक दोक ईन्‍सीनोङ ङे बातचेन गाङे खोल्‍ला लेमुराङ खाला छ्या ओत। च्‍यि सासीन सत्‍यते बात लोप्‍जीन ङे च्‍यि बात चुक खाईन लापा ओताने, ङे चुक चुक खाबा ओताने थेमे ङे ङाराङ जुनी खाङ च्‍यि खिता चाला ओताने सिन खोल्‍ला छ्याराङ ओत। दोस्‍यिककामा मेन, ङे येशूला चुक खाला विश्‍वास खिन ओताने, ङा चुक खाला ज्‍येनताङ स्‍येदाङ मिक्‍किता खाला देत्‍कीन ओताने, ज्‍येनला चुक खाला ङिङज्‍ये खिन ओताने थेमे जस्‍तो दुक्‍पा ओङसीनोङ ङे चुक खाला खपे खिन ओताने सिन गाङे बात खुई छ्या स्‍येबाराङ ओत।

छ्या स्‍ये च्‍युताते बात 3:10

थेमे ङे खि साबा च्‍योकराङ खाईन जस्‍तो पीरताङ दुक्‍पालाङ ख्‍योकोन सेम मेसेता खाईन देत्‍सुङ। थोगी था तिरी ना थेबेकी पाप खिता तोङगीता सिन ताप्‍ला दि सा लुङबे मिओनला आइ परे खित्‍च्‍येते मेलेबाते दुक्‍पे बेलाला ङा ख्‍योकोनला जोए खाला ज्‍य्‌वाक्‍यो।

छ्या स्‍ये च्‍युताते बात 3:8

ख्‍योकोनगी खिन ओताते गाङे काम ङाला छ्या ओत। खेराङगी छ्ये छ्ये काम खिता माथुप्‍सीनोङ ख्‍योकोनगी ङे साबा च्‍योकराङ खिन देत्‍सुङ। खेराङ ङे मि मेन सिन ख्‍योकोनगी नोमुङ मासासुङ। ङे ख्‍योकोन दोन्‍दु गोज्‍यीक पेत्‍कीन ज्‍याक्‍पा ओत। दि गो सुङगीङ च्‍येता मुथुबो।

छ्या स्‍ये च्‍युताते बात 6:11

थेमे थेबा गाङेला खोन्‍दाला कार्मुते खोलाक रेरे तेरगीनकामा “खेराङ च्‍योकराङ परमेश्‍वर काम खित्‍कान्‍ते थोरूम सेता बाँकी ओताते खेराङ आज्‍यो न्‍वालाङ ख्‍योकोनला च्‍योकराङ खाईन सेत्‍कीन मासिनथुप टिक्‍पी दिन गुकीन खि,” सिन सिदुक।