२ तिमोथी 4:5 - जिरेल

⁵ तर खोचेन जे खित्‍जीनोङ लेमु खाला विचार खालाकामा खि, खोरोङ काम खित्‍जीन जस्‍तोराङ दुक्‍पा ओङसीनोङ थे दुक्‍पा भोगे खि, ठाउँ ठाउँला गाल्‍ला गा लाङच्‍येते बात लोप्‍कान्‍ते मिकी खित्‍च्‍येते काम खिन देत थेमे परमेश्‍वरगी खोल्‍ला जिम्‍मा लै खाबाते काम गाङे मासिनथुप खिनराङ देत।

२ तिमोथी 4:5 Iomraidhean Croise

मत्ती 25:16

थोक खाईन मालिकते गाल्‍नामेई थे चाँदी डबल धार्नी खाल सुमजो ङेत्‍कान्‍तेकी होत्ताराङ थे पैसा बेपारला लै खाईन थे लाक्‍तु ज्‍येन चाँदी डबल धार्नी खाल सुमजो जोदुक्‍लो।

मर्कूस 13:34

थाल्‍लासाक ङे साबाते बातचेन सुइँदा खाम्‍बे धनीकी थे खोरोङ खाम्‍बा ताङला ज्‍येन लुङबाला डोजीन चुक खिते होथे बात च्‍योक्‍ते ईन। थे खोरोङ ड्वा भन्‍दा गोमा थे मिकी खाम्‍बादु काम खित्‍कान्‍तेबाला दाक्‍पोन दाक्‍पोनगी खिता फाप्‍च्‍येते काम लेमु खाला खि सिन जिम्‍मा तेरग्‍यो। थेमे खाम्‍बे चौकीदारला जागोराङ देत्‍ला लेमु खाला तोसा सिन साला ख्‍याम्‍ग्‍यो।

मर्कूस 13:37

ङे खेराङ मालिक नाम ओङगीताना सिन गुला देत साबाते ख्‍योकोनलाकामा साबाते मेन। दि बात ङे ज्‍येन गाङेलाङ साबाते ईन,” सिन सिदुक।

लूका 12:37

माङ्याला खाला मालिकते ओङ ओङसाक गुलाराङ देत्‍कान्‍ते मिओनला मालिकतेकी च्‍यि खिते छ्या ओत? थेकीनी थेबाला छ्याःङ काम खित मुज्‍युता खाला थे खोरोङगीराङ गाङेला साप थुङा गोला तेरग्‍यो।

शक्ति काम 21:8

ङारो च्‍योक्‍ते ङ्योकोन थेबाताङ ठाल्‍गीन सिजरियापा गालाप। थेरू ङ्योकोन फिलिप खाम्‍बादु गाल्‍गीन देताप। थेचेन ठाउँ ठाउँला गाल्‍ला गा लाङच्‍येते बात लोप्‍कान्‍ते मि ओतान। गोमा यरूशलेमदु येशूला विश्‍वास खित्‍कान्‍तेबाला मद्धत तेराला छाने खाबातेबा मेरा दुईनगी नाङ थेङ दोक्‍पोई ओतान।

रोमी 15:19

थेमे छ्ये छ्येताङ अचम्‍बते कामतेबाङ परमेश्‍वर आत्‍मे शक्ति छ्य्‌वापेकीकामा खाबाते ईन। दोक खाला ठाउँ ठाउँला युगीन ङे यरूशलेम सारदुकी इल्‍लिरिकुम सिराते लुङबासाक लेप्‍कीन मिओनला ख्रीष्‍टते गा लाङच्‍येते बात लाप्‍कीन बिन्‍दा ओत।

एफिसी 4:11

थेकीराङ मिओनला खुदुक खुदुकते काम खित्‍च्‍येते सीपताङ शक्ति बिन्‍गीन कोईला थे खोरोङगी खटे खाबाते मि थेमे कोईला परमेश्‍वर बात खित्‍कान्‍ते मि जोसुङ। थोकराङ खाईन कोईला ठाउँ ठाउँला गाल्‍ला गा लाङच्‍येते बात लोप्‍कान्‍ते मि थेमे कोईला परमेश्‍वर सन्‍तानओनला ताकान्‍ते थेमे परमेश्‍वर बात लोप्‍कान्‍ते मि जोसुङ।

एफिसी 4:12

परमेश्‍वर सन्‍तान गाङेकी परमेश्‍वरगी खाबाते थेमे थेकी च्‍यि खि सिते सिन छ्या स्‍येला खोपरोङगी खिता फाप्‍च्‍येते काम खिता थुप्‍स्‍यीत, दोक खाला ख्रीष्‍टकी जीउ च्‍योक ओङाते थेबा गाङेराङ डिक्‍ला चुक खासीन दाक्‍पोन नाङ लेमु ओङगीका थोकराङ खित्‍स्‍यीत सिनराङ मिओनला खुदुक खुदुक काम खित्‍च्‍येते होदोक्‍ते सीपताङ शक्ति बिन्‍दाते ईन।

कलस्‍सी 1:25

परमेश्‍वरगी ङाला येशू ख्रीष्‍ट मिओन लाईदु खिता फाप्‍च्‍येते काम खिताला छाने खाबा ओत। थोक खाईन थेकी ङाला ख्‍योकोनला लोप साबाते थे खोरोङ बात गाङे लेमु खाला लोप सिन जिम्‍मा बिन्‍दा ओत।

कलस्‍सी 4:17

थेमे अर्खिप्‍पसला च्‍यि सिसे सासीन प्रभु येशूकी थे खोरोङला जिम्‍मा बिन्‍दाते काम मासिनथुप खिनराङ देत सि।

१ थिस्‍सलोनिकी 5:6

थोगी ङुरूङगी होथे ज्‍येनगी खिन ओताच्‍योक खिता मेङगो। ङिगी जाप्‍ते मि च्‍योक गाला ओतेकी थेबेकीचेन तिरी बात छ्याःङ विचार मिक्‍किओ। ङुरूङचेन तिरी बातकी विचार खाला च्‍याङबो खाला देता फाप्‍क्‍यो, छ्याङ रक्‍सी थुकीन होस तोराते मिकी खिताच्‍योक खिता मेङगो।

१ तिमोथी 4:12

खो थोरूमोङ स्‍याराराङ ओत्‍सीनोङ थोक खाला लोप्‍जीन कोत्‍जीन दि भर्खरगी फिजेकी साबाते बादोङ च्‍यि ङेन्‍च्‍ये, दिलाङ च्‍यि छ्या ओते सिन सिरच्‍येते लाम थेबा सुङलाङ मातेर। खो स्‍याराराङ दुक सिन हेपे मिक्‍किस्‍यीत सिन खोरोङगी खाबाते ताला येशू ख्रीष्‍टला विश्‍वास खित्‍कान्‍ते मिओनगी चुक चुक खिता फाप्‍च्‍या ईन्‍दाका सिन लोप्‍स्‍यीत सिन खुई दोक दोक खि। चुक सासीन खुई काम बात जे खासीनोङ लेमु खाला खि, ज्‍येनला ङिङज्‍ये खि, जे ओङसीनोङ येशू ख्रीष्‍टला विश्‍वास खिन देत, सेमला छ्याःङ पाप मोज्‍योबा खाला काम खि,

१ तिमोथी 4:15

खोरोङला खि साबाते दि कामबरी थुपासम्‍म स्‍येत खाला खि। थोक खिन देत्‍नामेई खुई झन लेमु खिन दुक सिन गाङेकी छ्या स्‍येक्‍यो।

२ तिमोथी 1:8

थोक ईन्‍देकी ज्‍येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्‍याक्‍पा ओत्‍सीनोङ खो छ्याःङ ङोचा माकेत। बरू थे गा लाङच्‍येते बात लोप्‍जीन खुईङ ङे च्‍योकराङ खाला दुक्‍पा भोगे खिता फाप्‍च्‍या दुक सासीनोङ थोकराङ खि। थोक खिताला परमेश्‍वरगीराङ खोल्‍ला थे खोरोङ शक्ति तेरग्‍यो।

२ तिमोथी 2:10

दोक ईन्‍देकी परमेश्‍वरगी थे खोरोङ मि सिन छाने खाबाते मिओनला लेमु ओङस्‍यीत सिनराङ ङा जस्‍तो दुक्‍पाङ भोगे खिओ। येशू ख्रीष्‍टकी थेबालाङ पूरो खाला पापदुकी डेल्‍स्‍यीत थेमे सधैँ परमेश्‍वरताङ स्‍वर्गने देता ङेत्‍स्‍यीत सिनराङ ङा दोक खिओ।

२ तिमोथी 2:3

थेमे लेमु खाला काम खित्‍कान्‍ते मिल्‍टेरीकी लडाइँला जस्‍तो दुक्‍पा ओङसीनोङ खपे खाबाच्‍योक खाला गा लाङच्‍येते बात लोप्‍जीन खुईओङ येशू ख्रीष्‍ट मिल्‍टेरी च्‍योक ओङला दुक्‍पा भोगे खि। दोक खाला ङे खाबा च्‍योकराङ खि।

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

हिब्रू 13:17

थेमे ज्‍येन बात खेराङला ताकान्‍ते छ्ये छ्ये मिकी साबाते ङेन, थेबे अधीनला देत। खेराङला छ्याःङ मेलेबा मेङस्‍यीत सिन थेबेकी ख्‍योकोनला तेइनराङ देत्‍क्‍यो। थेबेकी चुक चुक खाबे, च्‍यि खाबे सिन ङीमाई परमेश्‍वर दोन्‍दु गाङे हर हिसाब तेरा फाप्‍क्‍यो। ख्‍योकोनगी थेबेकी लाःपा कोताते ङेन्‍सीन खोपरोङगी खित्‍च्‍येते काम थेबाला लेमु लाला गा खिन खिओ। ख्‍योकोनगी थोक माक्‍यासीन थेबाला थे काम खिता सेम मालाङो। थेमे ख्‍योकोनला च्‍यि फाइदा ओङगीते?

१ पत्रुस 1:13

परमेश्‍वरगी ख्‍योकोनला दोक लेमु खाबा ओतेकी था ख्‍योकोनगी थेकी खि साबाते काम खित्‍च्‍ये छ्य्‌वापाकामा स्‍येत खि। दाक्‍पोन सेम काबूला स्‍योक। थेमे येशू ख्रीष्‍ट ग्‍युरला ओङे छोमु परमेश्‍वरगी ख्‍योकोनला दया खाला पूरो खाला पापदुकी टाल्‍ला लेमु खिओ साबाते पक्‍काराङ खिओ सिन खेराङगी आश खाईन देता च्‍योकराङ ओङगो सिन टोक माज्‍येत।

छ्या स्‍ये च्‍युताते बात 3:2

स्‍याप खाबाते मे फुला जोदा ज्‍वापच्‍योक खाला खेराङगी खिता ताङगीन सिन्‍दा सिन्‍दा खाबाते काम याङराङ खि। परमेश्‍वर दोन्‍दु ख्‍योकोनगी थोरूमसाक छ्याःङ कामोङ खिता फापाच्‍योक खाईन खाबा मिन्‍दुक।