२ तिमोथी 4:4 - जिरेल

⁴ थोक खाला थेबेकी सत्‍यते बात ङेन्‍दा ताङला छ्याःङ काम लै मिक्‍किच्‍येते कथाओनका लेमु खाला ङेन्‍ग्‍यो।

२ तिमोथी 4:4 Iomraidhean Croise

मत्ती 13:15

च्‍यिला सासीन थेबा छ्याःङ खोबा मुथुप्‍च्‍या गाल्‍ला दुक। थेबे नामज्‍योक थुक्‍पु गाल्‍ला दुक। थोकराङ खाईन थेबेकी छ्याःङ मोथोङस्‍यीत सिन खोपरोङ मिक चुम्‍ला दुक। थोक मेन्‍दा ईन्‍सीन थेबे मिगी थोङच्‍या ओतान, नामज्‍योककी थोच्‍या ओतान थेमे बात लेमु खाला खोला ङे छ्य्‌वापा लै खित्‍च्‍या ओतान। थेमे थोक खानामेई ङा थेबाला थेबे पापदुकी टाल्‍ला लेमु खित्‍च्‍या ओतान,’ सिन सिर च्‍युता ओतान।

शक्ति काम 7:57

थोक खाईन येशू परमेश्‍वर सामे छ्य्‌वापा देत्‍ला दुक साकीन थेला परमेश्‍वर च्‍योकराङ जोसुङ, दिलानी सेताराङ फाप्‍क्‍यो सिन थे मिओन खाज्‍यीकराङ खाईन मिताराङ खाच्‍या खाईन छेरा खासुङ। थेमे थोक्‍ते बात मोथोस्‍यीत सिन थेबेकी खोपरोङ नामज्‍योक काक्‍सुङ। थेमे थेबा गाङेराङ थे लाक फुङ पुकीन

२ थिस्‍सलोनिकी 2:11

थेबेकी सत्‍यते बात माङेन्‍देकी खित्‍सादु परमेश्‍वरगी थेबाला ईन्‍दाताङ मेन्‍दाते बात खाङ ईन्‍ताका सिन डेला मुथुप्‍च्‍या जोइओ। थोक खानामेई थेबेकी थे आउदी पाप खित्‍कान्‍ते मिकी साबाते मेन्‍दा मेन्‍दे बातकामा ङेन्‍ग्‍यो।

१ तिमोथी 1:4

थेमे थेबाला छ्याःङ काम लै मिक्‍किच्‍येते कथा थेमे थाङबो थाङबोमे वंशावली बात खाला दिन तोङच्‍येते माकेत सि। थोक्‍ते बात खित्‍जीन खालि टेकाटेउरीकामा स्‍योरग्‍यो, नोमुङ डिक्‍च्‍येते बात मेङगो। थोक्‍ते बात खित्‍कान्‍ते मिओनगीचेन परमेश्‍वरगी मिओन नाङ खिता चालाते काम मिक्‍किओ। येशू ख्रीष्‍टला लेमु खाला विश्‍वास खालाकामा परमेश्‍वरगी खिता चालाते काम खिता थुप्‍क्‍यो।

१ तिमोथी 4:7

थेपा कोई कोई मिकी लोप्‍कीन ओताते कामराङ लै मिक्‍किच्‍येते कथाला खुई नामज्‍योक मासेत, ज्‍येनलाङ ङेन माज्‍युत। थेबेकी लोप्‍च्‍येते बातनी सत्‍यते बातताङ डिकराङ मिडिक्‍च्‍येते थेमे थाङनेते फेम्‍मे मि बात च्‍योक्‍ते ईन। थोगी खुई परमेश्‍वरला चुक खाला माने खिन ओते थे छ्य्‌वापा स्‍येत लै खाला झन थोक खिनराङ देत।

१ तिमोथी 6:20

लो तिमोथी, परमेश्‍वरगी खोरोङला जिम्‍मा बिन्‍दाते काम खि साबा च्‍योकराङ खाला खिन देत। परमेश्‍वर बातताङ डिकराङ मिडिक्‍च्‍येते कामराङ लै मिक्‍किच्‍येते बातला नामज्‍योक मासेत। च्‍यि बात चुक ईन्‍दे सिन लेमु खाईन छ्या स्‍येबा ओताच्‍योक खाला सत्‍यते बात ईन सिन मेन्‍दे बात लोप्‍कान्‍ते मि बात नोमुङ माङेन।

२ तिमोथी 1:15

थेमे एशिये अञ्‍चलदु येशूला विश्‍वास खित्‍कान गाङेराङ ङे छ्य्‌वापेई ठाल्‍गीन सिन्‍दा ओत। थोक खित्‍कान्‍तेबे नाङ फाइगेलसताङ हर्मोगेनसोङ ईन। दि बातओन खोल्‍ला छ्या मेताते मेन।

तीतस 1:14

थोक खाला थेबेकी थे यहूदीओनगी जोला लोप्‍च्‍येते छ्याःङ काम लै मिक्‍किच्‍येते बातताङ कथाओनला नामज्‍योक मेसेत्‍स्‍यीत थेमे सत्‍यते बात मेङेन्‍कान्‍ते मिओनगी ङेन्‍दा फाप्‍क्‍यो सिन साबाते रीतिथिति माने खिता तोङस्‍यीत सिन होथोक खि।

हिब्रू 13:25

प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत।

२ पत्रुस 1:16

ङुरूङ प्रभु येशू ख्रीष्‍ट चुक छ्येज्‍यीक शक्ति ङेत्‍ला दुरू ग्‍युरला ओङगीते सिन ख्‍योकोनला लोप्‍जीन ङ्योकोनगी थाराङ ङेराङगी जोबाते बात लापाते मेन। थे चुक छ्ये ईन्‍दे सिननी ङ्योकोनगी ङेराङ मिगीराङ थोङाते ईन।