२ तिमोथी 4:3 - जिरेल

³ ङे च्‍यिला दोक साबाते ईन्‍दे सासीन था समयज्‍यीक ओङगो। थेजीनचेन मिओनला मिकी ङेन्‍दा फाप्‍च्‍येते सत्‍यते बात ङेन्‍दाला गाराङ मालाङो। बरू जसकी खोपरोङला ङेन्‍दा सेम लाङच्‍येते बात लोप्‍कीदुक होथोक्‍ते मि काल्‍बेईला रूला गा खिन थेबे बात ङेन्‍ग्‍यो।

२ तिमोथी 4:3 Iomraidhean Croise

लूका 20:19

थेकी साबाते थे अंगूर स्‍यीङ फेम्‍माला बिन्‍दाते कथा थोनामेई धर्मे गुरूओनताङ छ्ये छ्ये पूजारीकी दिकी थोक साबातेनी ङुरूङला छ्येर ग्‍यापातेका ईन सिन थेजीनराङ थेला जिन्‍दा चाल्‍सुङ। तर थेरू ओताते ज्‍येन मि ज्‍यीबेकी थेबेकी थोक खिता माथुप्‍सुङ।

लूका 6:26

थेमे थरिङोला मि गाङेराङ ख्‍योकोनताङ खुशी ओत्‍सीन तिरी ख्‍योकोनला मेलेबा ओङगो। च्‍यिला सासीन होदोक खाला ख्‍योकोनताङ खुशी ओङकान्‍तेबे ज्‍युज्‍यु पुर्खाङ थाङबोबा परमेश्‍वर बात खित्‍कान्‍ते मि ईन साला मेन्‍दे बात लोप्‍कान्‍ते मिओनताङ खुशी ओतान।

यूहन्‍ना 8:45

ङा साँचोते बात खिओ। थोगीराङ ख्‍योकोन ङे बात पत्ते मिक्‍किदुक।

शक्ति काम 17:21

थेबेकी च्‍यिला पावलला थोक साबा ओताने सासीन थे सारगी मि थेमे ज्‍येन लुङबादुकी थेरू देताला वाबाते मिओन काल्‍बा च्‍योक्‍ते गाङेराङ गोमा थोबा मेताते साम्‍बा साम्‍बाते बात खालाकामा ङीन तोङगीन ओतान।

१ कोरिन्‍थी 2:1

आज्‍यो न्‍वावे, ङा गोमा ख्‍योकोन ओत्‍सापा परमेश्‍वरगी येशू ख्रीष्‍टकी खित्‍सादु मिओन लाईदु च्‍यि खासुङा सिरच्‍येते बात लोप ओङजीन ङे आउदी पढे खाबाते मिकी च्‍योक खाईन बात माक्‍या। जे बादोङ छ्या स्‍येकान्‍ते मिकी च्‍योक खाईनोङ मालाप।

१ कोरिन्‍थी 2:4

ख्‍योकोनला येशू ख्रीष्‍ट सु ईन्‍दे सिरच्‍येतेताङ थेला स्‍यिङगी थामला टाँए खाईन सेताते बातओन लोप्‍जीन मिओनला बातकीराङ ल्‍वा थुप्‍कान्‍ते सिपालुते मिओनगी च्‍योक खाईन ङे ङाराङ बुद्धिकी मालाप बरू परमेश्‍वरताङ चुक छ्येज्‍यीक शक्ति ओते सिन ङेचेन परमेश्‍वर आत्‍मे छ्य्‌वापेई थे बातओन लापाप।

गलाती 4:16

च्‍यि ख्‍योकोनला था ङा ख्‍योकोनताङ मिडिक्‍कान्‍ते मि ईन सिराच्‍योक लाङगीदुक? थोक ईन्‍सीनका ङे ख्‍योकोनला सत्‍यते बात लापेकीराङ दोक ओङासीन।

१ तिमोथी 1:10

रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम खित्‍कान्‍ते मिओन, मि छोङकान्‍तेबा, ढाँर खित्‍कान्‍तेबा थेमे मेन्‍दे बातलाङ ईन सिन ना केल्‍कान्‍ते मिओन लाईदुङ ईन। परमेश्‍वर नियमचेन होदोक दोक काम खित्‍कान्‍ते मिओन लाईदुकामा मेन। येशू ख्रीष्‍टला विश्‍वास खित्‍कान्‍ते मिओनगी ङेन्‍दा फाप्‍च्‍येते बातताङ डिकराङ मिडिक्‍च्‍येते कामताङ बात खित्‍कान्‍ते मिओन लाईदु जोबाते ईन।

२ तिमोथी 1:13

थेमे था ङा खोल्‍ला चुक खि सिते सासीन ङे खोल्‍ला च्‍यि बात चुक सिन लाप्‍कीन बिन्‍दा ओताने थे थेराङ ङेन्‍दा फाप्‍च्‍येते बात ईन सिन टोक मेज्‍येता खाला ज्‍येनतेबाला होथे बातराङ लोप्‍कीन देत। थोक खाला लोप्‍जीन येशू ख्रीष्‍टताङ जीउज्‍यीकराङ ओङाते खुई थेला विश्‍वास खिन देता मातोङ थेमे ज्‍येनला ङिङज्‍ये खिन देताङ मातोङ।

यहूदा 1:18

थेबेकीचेन “प्रभु येशू ख्रीष्‍ट ग्‍युरला ओङा भन्‍दा गोमा थेला विश्‍वास खित्‍कान्‍ते मिओनला खिस्‍यी खित्‍कान्‍ते मितेबा ओङगो। खोपरोङ सेम मेलेबा ओतेकी थेबेकी खोपरोङला जे खिता सेम लाङगीदुक थेराङ खिओ,” सिन साबा ओतान, मेन?