२ तिमोथी 4:20 - जिरेल

²⁰ इरास्‍तस कोरिन्‍थ सारदुराङ देत्‍सुङ। त्रोफिमसचेन नाबेकी मिलेटस सारदुकी ङा थेत्ताङ ठाल्‍गीन देपा ओङा फाप्‍सुङ।

२ तिमोथी 4:20 Iomraidhean Croise

शक्ति काम 18:1

दि तिरी पावल एथेन्‍सदुकी कोरिन्‍थ सारनापा गाल्‍सुङ।

शक्ति काम 18:8

पावलगी लापाते बात ङेन्‍गीन क्रिस्‍पसताङ थे खाम्‍बे मि गाङेकी प्रभु येशूला विश्‍वास खिताला स्‍यूसुङ। क्रिस्‍पसचेन होथे मिटिङ खित्‍च्‍येते खाम्‍बेते छ्येते मि ओतान। पावलगी लोप्‍कीन ओताते बात ङेन्‍गीन कोरिन्‍थदु ज्‍येनोङ मि काल्‍बेईकी प्रभु येशूला विश्‍वास खाईन बप्‍तिस्‍मा लासुङ।

शक्ति काम 19:22

थेमे थेकी थे खोरोङताङ येशू बात लोप्‍च्‍येते काम खित्‍कान्‍ते तिमोथीताङ इरास्‍तसला टिक्‍पी गोमा म्‍यासिडोनियापा ताङसुङ। थे खोरोङचेन टिक्‍पी दिन थेरू एशिये अञ्‍चल नाङलाराङ देत्‍सुङ।

शक्ति काम 20:15

थेमे थेरूकी ङारो च्‍योक्‍ते खियस सिरसे खादु लेपाप। थेरूई ना च्‍योक्‍ते फारकेनपा सामोस सिरसापा लेपाप। थेमे ज्‍ये च्‍योक्‍तेचेन मिलेटसदु लेपाप।

शक्ति काम 20:17

मिलेटसदु लेप्‍नामेकी पावलगी एफिससदु ओताते येशू ख्रीष्‍ट मिओनला ताकान्‍तेबाला थे खोरोङ ओत्‍सापा स्‍योक सि सिन लोन ताङसुङ।

शक्ति काम 20:4

थेजीन थेत्ताङ ज्‍येन ज्‍येन मिङ ङ्योम्‍बुराङ ओतान। थेबाचेन बेरियापे पाईरस सिराते मि फुज्‍युङ सोपाटर, थिस्‍सलोनिकापे अरिस्‍तार्खसताङ सिकन्‍डस, डर्बीपे गायस थोकराङ खाईन तिमोथी थेमे एशिये अञ्‍चल टाइकिकसताङ त्रोफिमस सिरातेबा ओतान।

शक्ति काम 21:29

दोक ओङा भन्‍दा टिक्‍पी गोमाकामा थेबेकी एफिससपे त्रोफिमस सिरातेला पावलताङ सारगी नाङला युगीन ओता थोङा ओतान। थेकी थेला परमेश्‍वर मन्‍दिर नाङ लुक्‍पासीन सिन विचार खाईन थेबेकी दिकी ग्रीकओनला मन्‍दिरदु लुक्‍तुक सिन साबा ओतान।

रोमी 16:23

थेमे गायसतेङ ख्‍योकोनला नमस्‍ते ओत्‍लो। ङा पावल थे खाम्‍बादुराङ डोम्‍बो ओङगीन देता ओत। देङला ओताते येशू ख्रीष्‍ट मिओन दि खाम्‍बादुराङ जम्‍मा ओङगीदुक। थेमे इरास्‍तसतेङ ख्‍योकोनला नमस्‍ते ओत्‍लो। थेचेन दि सारदु च्‍यि च्‍यि खिता फाप्‍च्‍या दुका, थोई खर्च लै खित्‍च्‍या दुका सिन ताकान्‍ते मि ईन। थोकराङ खाला ङुरूङ न्‍वा क्‍वार्टसतेङ ख्‍योकोनला नमस्‍ते ओत्‍लो।