२ तिमोथी 4:2 - जिरेल

² खुई चुक खिता फाप्‍कीते सासीन मिओनला परमेश्‍वर बात लोप्‍कीनराङ देत, मिओनगी ङेन्‍सीनोङ माङेन्‍सीनोङ जुन बेलालाङ थे बात लोपा मातोङ थेमे गल्‍ती खित्‍कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्‍दे सिन गाङेला लाप्‍ला बिन। थानी दिबाला थोई लोप्‍च्‍ये सिराच्‍योक माकेत, सुङताङ स्‍येदाङ मिक्‍किता खाला खा छ्येत लेमु खिन दोक खाला लोप्‍कीनराङ देत।

२ तिमोथी 4:2 Iomraidhean Croise

लूका 7:23

छ्याःङ शंका मिक्‍किता खाला ङाला परमेश्‍वरगी ताङाते ईन सिन विश्‍वास खित्‍कान्‍ते मिओन भाग्‍यमानी ईन सिन सि,” सिन सिदुक।

लूका 7:4

थेमे थे यहूदीओन छ्ये छ्ये मिकीङ येशू ओत्‍सादु ख्‍योल्‍गीन थे क्‍याप्‍टेनगी सि साबाते बात लाःप्‍नामेई “हजूर, ओर्च्‍ये गाल्‍ला थे मि योक्‍पोला ठाक्‍पा खाला बिन।

लूका 9:60

थेमे येशूकी थेला “रो दिक्‍च्‍येतेनी परमेश्‍वरगी खि साबाते माङेन्‍गीन थे लाईदु स्‍याप छेतराङ गालाते मिओनगीङ खिता थुप्‍क्‍यो। खुईचेन गाल्‍ला परमेश्‍वर राज्‍य बात मिओनला लोप,” सिन सिदुक।

शक्ति काम 13:5

थेमे थेरू सलामिस सिरसादु लेप्‍नामेकी थेबा यहूदीओनते मिटिङ खित्‍च्‍येते खाम्‍बा खाम्‍बाला गाल्‍गीन गाङेला परमेश्‍वर बात लोपाला स्‍यूसुङ। खोपरोङला थे काम खित्‍जीन मद्धत खिताला गोक्‍यो सिन बारनाबासताङ शावलगी यूहन्‍नालाङ ङ्योम्‍बुराङ टीकीन खेरा ओतान।

शक्ति काम 16:13

थेमे सन्‍चारी छोमु थे सारदुकी थेन्‍गीन थेङमा परमेश्‍वरला प्रार्थना खित्‍च्‍येते ठाउँ ओतासीन सिन ठाङके खानामा गालाप। थेरू ठाउँज्‍यीक्‍तु फेम्‍मे मिओन प्रार्थना खिताला जम्‍मा ओङगीन देता ओताक्‍वा। ङ्योकोनोङ थेरू गाल्‍गीन देत्‍कीन थे फेम्‍मे मिओनला येशू बात लोपाला स्‍यूबाप।

शक्ति काम 20:7

थेमे आदेरी छोमु ङ्योकोन गाङेराङ थेरू येशूला विश्‍वास खित्‍कान्‍ते मिओनताङ प्रभु भोज साप्‍ला खाम्‍बाज्‍यीक्‍तु जम्‍मा ओङा ओतान। थेमे पावलगी गाङेताङ बात खिताला स्‍यूसुङ। ङारो च्‍योक्‍तेराङ थे खोरोङ थेरूकी डोच्‍येते ईन्‍देकी नुप फेतसाकोङ थेकी बात खाईन सिन्‍दा मेतान।

शक्ति काम 28:16

थेमे रोमदु लेप्‍नामेकी रोमी गेल्‍बोकी पावलला जेलदु माज्‍याक्‍सुङ। थेला जहाँ देत्‍सीनोङ देत्‍स्‍यीत सिन ताप्‍ला खालि मिल्‍टेरीज्‍यीककामा खटे खासुङ।

रोमी 10:15

लोक्‍ला थे बात लोप्‍कान्‍ते मिलाङनी थोक खि सिन सुइँदेकी तोङा फाप्‍सुङ मेनरो? तर थे बात लोप्‍कान्‍ते मिओन परमेश्‍वरगी ताङगीन सिन्‍दा ओत सिन परमेश्‍वर बातला “गा लाङच्‍येते बात लोप्‍कान्‍ते मि ओङजीन थोई लेमु ईन्‍दाका,” सिन साबा ओत।

रोमी 12:12

थेमे परमेश्‍वरगी ख्‍योकोनगी आश खाईन देता च्‍योकराङ खित्‍च्‍येते ईन्‍देकी ख्‍योकोन गा खिन गुला देत। ज्‍येनगी दुक्‍पा तेरजीन थेमे आपत् विपत् आइ परे खित्‍जीन सेम मेसेता खाला देत। परमेश्‍वरताङ प्रार्थना खिन देता नोमुङ मातोङ।

गलाती 6:6

थेमे दाक्‍पोनला परमेश्‍वर बात लोप्‍कान्‍ते मिओनला गोच्‍येते जति तेरा थुपासम्‍म तेरा फाप्‍क्‍यो।

कलस्‍सी 1:25

परमेश्‍वरगी ङाला येशू ख्रीष्‍ट मिओन लाईदु खिता फाप्‍च्‍येते काम खिताला छाने खाबा ओत। थोक खाईन थेकी ङाला ख्‍योकोनला लोप साबाते थे खोरोङ बात गाङे लेमु खाला लोप सिन जिम्‍मा बिन्‍दा ओत।

कलस्‍सी 4:3

थेमे थे खोरोङगी गोमा सुङलाङ छ्या स्‍ये च्‍युता मेताते ख्रीष्‍टकी बात मिओनला लोपाला परमेश्‍वरगी ङ्योकोनला मौका तेरस्‍यीत सिन ङ्योकोन लाईदुङ प्रार्थना खि। होथे बात मिओनला लापेकी खित्‍सादु थरिङोला ङाला जेलदु लुक्‍पा ओत।

१ थिस्‍सलोनिकी 1:6

थेजीन ङ्योकोनला ताकीन ख्‍योकोनगीङ ङ्योकोनगी खाबा खाबा च्‍योकराङ खाबा ओतान। ङ्योकोनगी खाबा च्‍योककामा मेन्‍देकी ख्‍योकोनगी प्रभु येशू ख्रीष्‍टकी च्‍योगोङ खाबा ओतान। चुक खाईन सासीन ज्‍येनगी आउदी खाला दुक्‍पा तेरजीनोङ परमेश्‍वर आत्‍मेकी खित्‍सादु गा खिन ख्‍योकोनगी गा लाङच्‍येते बात ङेन्‍दा ओतान।

१ थिस्‍सलोनिकी 5:14

थेमे आज्‍यो न्‍वावे, ख्‍योकोनगी खेराङ नाङ दाक्‍पोन लाःक खिता ताङला अल्‍छी खाला देत्‍कानला थोक माकेत, काम खिता फाप्‍क्‍यो सिन सि, ज्‍यीबा खित्‍कानला ज्‍यीबा खिता माफाबो सिन सि, प्रभु येशूला विश्‍वास खाईन पाको गाला मेतातेबाला पाको ड्वाप्‍ला मद्धत बिन। थेमे स्‍येदाङ मिक्‍किता खाला गाङेताङ खा छ्येत लेमु खाला काम खि।

१ थिस्‍सलोनिकी 5:20

सुइँदेकी परमेश्‍वरगी सिर च्‍युताते बात खित्‍जीन थे छ्याःङ काम लै मिक्‍किओ सिराच्‍योक माकेत।

१ तिमोथी 4:13

ङा थेपा ओङ ओङसाक थेरू गाङेला परमेश्‍वर बात थोच्‍या खाला पढे खाला बिन थेमे थे बातला च्‍यि साबाते ईन्‍दे सिन लाप्‍ला बिन।

१ तिमोथी 5:20

थेबेकी साबाते बात साँचो ईन्‍सीन थे गल्‍ती खित्‍कान्‍ते मिला थोक खिता मेङगो सिन ज्‍येनतेबा गाङे दोन्‍दु थोप। थोक खानामेकी थोक्‍ते काम खिता मेङच्‍याक्‍वा सिन ज्‍येनतेबा गाङे ज्‍यीबा खिओ।

२ तिमोथी 2:21

थोगी धनीतेकी लेमुते कामलाकामा चले खित्‍च्‍येते सेरताङ चाँदी स्‍यी च्‍योकराङ ओङाला मिकी मेलेबा कामताङ बातकी छ्य्‌वापेई ठाला फाप्‍क्‍यो। दोक खासीन थोक्‍ते मिचेन थे खोरोङ मालिक ख्रीष्‍टकी लाईदु काम लै खित्‍च्‍येते थेमे थेकी खि साबा च्‍योककामा खित्‍कान्‍ते मि ओङगो। थेमे थोक्‍ते मिकी लेमुते कामताङ बात खिता थुप्‍क्‍यो।

२ तिमोथी 2:25

थेकीचेन थे खोरोङगी लोप्‍च्‍येते बातताङ मिडिक्‍च्‍येते बात खित्‍कान्‍ते मिओनताङ खा छ्येत लेमुकीराङ थेबेकी चुक्‍ते बात लोपा फाप्‍च्‍येते ईन्‍दे सिन लाप्‍ला तेरा फाप्‍क्‍यो। परमेश्‍वरगी थेबाला खोपरोङगी चुक मेलेबा खाबा ओता ईन्‍दाका सिन छ्या स्‍येच्‍येते मौका तेरगीतासीन सिन थेमे थेबेकी सत्‍यते बात च्‍यि ईन्‍दाका सिन लेमु खाला छ्या स्‍येकीतासीन सिन थेबाला होदोक खाला लाप्‍ला तेरा फाप्‍क्‍यो।

२ तिमोथी 3:10

बात दोक दोक ईन्‍सीनोङ ङे बातचेन गाङे खोल्‍ला लेमुराङ खाला छ्या ओत। च्‍यि सासीन सत्‍यते बात लोप्‍जीन ङे च्‍यि बात चुक खाईन लापा ओताने, ङे चुक चुक खाबा ओताने थेमे ङे ङाराङ जुनी खाङ च्‍यि खिता चाला ओताने सिन खोल्‍ला छ्याराङ ओत। दोस्‍यिककामा मेन, ङे येशूला चुक खाला विश्‍वास खिन ओताने, ङा चुक खाला ज्‍येनताङ स्‍येदाङ मिक्‍किता खाला देत्‍कीन ओताने, ज्‍येनला चुक खाला ङिङज्‍ये खिन ओताने थेमे जस्‍तो दुक्‍पा ओङसीनोङ ङे चुक खाला खपे खिन ओताने सिन गाङे बात खुई छ्या स्‍येबाराङ ओत।

तीतस 1:13

थे मिकी साबाते दि बात पक्‍काराङ ईन। थोगी होथोक्‍ते ङेन्‍दा मेङच्‍येते बात ङेन्‍कान्‍ते मिओनगी येशूला विश्‍वास खिन ङेन्‍दा फाप्‍च्‍येते बात लेमु खाला ङेन्‍स्‍यीत सिन छ्याःङ ज्‍यीबा मिक्‍किता खाला थेबाला होथोक्‍ते बात ङेन्‍दा थोङ, थोक माक्‍यासीन लेमु मेङगो सिन सि।

तीतस 2:15

दि बाततेबा खुई थेरू गाङेला लोप। थेबाला दि बातओन लेमु खाला ङेन सि। सुइँदेकी दि बातला नामज्‍योक मेसेत्‍तुक सासीन थेबाला थोप। छ्याःङ ज्‍यीबा मिक्‍किता खाला खुई दि कामओन खि। दोक खित्‍जीन खोरोङला खुईते दोक खित्‍च्‍येते च्‍यि अधिकार ओते सिराच्‍योक खित्‍च्‍येते लाम सुङलाङ मातेर।

हिब्रू 13:22

थेमे आज्‍यो न्‍वावे, दि चिट्ठीला ङे काल्‍बा बात टिबा मेत। ईन्‍सीनोङ खेराङगी चुक खिता फाप्‍कीते, च्‍यि खिता फाप्‍कीते सिन दुरू टिबाते बातबरी ख्‍योकोनगी स्‍येदाङ मिक्‍किता खाला लेमु खाला ङेन सिन ङा बिन्‍ती खिओ।

छ्या स्‍ये च्‍युताते बात 3:19

ङाराङगी ङिङज्‍ये खाबाते मिओनला ङा थाप्‍क्‍यो थेमे लेमु काम खित्‍स्‍यीत सिन आबेकी फुज्‍युङला च्‍योक ङा थेबाला तालाङ लुक्‍यो। ख्‍योकोनगी खिन ओताते मेलेबाते काम खिता ताङला ङे कोता कोताच्‍योक खि।