२ तिमोथी 4:18 - जिरेल

¹⁸ थेमे थोरूमोङ ङाला मेलेबा खिता छोल्‍कान गाङे लाःक्‍तुकी जोए खाला थेकी ङाला छ्याःङ मेलेबा मेङा खाला स्‍वर्गने थे खोरोङ राज्‍यने खेरग्‍यो। थोक खित्‍कान्‍ते प्रभु येशू ख्रीष्‍टते सधैँभरि जय जय ओङस्‍यीत। आमेन।

२ तिमोथी 4:18 Iomraidhean Croise

मत्ती 13:43

थेमे परमेश्‍वरगी साबा साबा च्‍योकराङ खित्‍कान्‍ते मिओनचेन स्‍याराते ङीमा च्‍योकराङ ओङला आबा परमेश्‍वर राज्‍यदुराङ देता ङेत्‍क्‍यो। ङेन्‍दा सेम ओत्‍कान्‍ते मिकी दि बातओन लेमु खाला ङेन।

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

लूका 11:4

ङ्योकोनगी खाबाते पाप माफ नाङ। ङ्योकोनोङ ङेराङला मेलेबा खित्‍कान गाङेला माफ तेरग्‍यो। थेमे मेलेबा काम खित्‍से छ्य्‌वापेई ङ्योकोनला जोए खाला नाङ,’ सि,” सिन सिदुक।

लूका 12:32

थेमे ख्‍योकोन टिक्‍पीईराङ ओत्‍सीनोङ ज्‍यीबा माकेत। च्‍यिला सासीन ख्‍योकोन आबा परमेश्‍वरगी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओत।

लूका 22:29

आबेकी ङाला राज्‍य खित्‍च्‍येते अधिकार बिन्‍दा च्‍योकराङ था ङाङ ख्‍योकोनला राज्‍य खित्‍च्‍येते अधिकार तेरग्‍यो।

यूहन्‍ना 17:15

ङे दिबाबरीला दुरूकी तेन्‍ला खेरा फाप्‍क्‍यो सिन साबाते मेन। बरू मिला मेलेबा खित्‍कान्‍ते शैतान लाःक्‍तुकी दिबाला जोए खाला स्‍योक सिन ङा बिन्‍ती खिओ।

रोमी 11:36

ओताते जति गाङे थेकीराङ जोबाते ईन थेमे जोबातेबरी जेसुकैला ताकान्‍तेङ थेराङ ईन, दिबा जेसुकै गाङे थेतेराङ ईन। दोक छ्येते परमेश्‍वरते सधैँभरि जय जय ओङस्‍यीत। आमेन।

रोमी 16:27

थेत्ताङकामा दोक खाला काम खित्‍च्‍येते छ्येज्‍यीक बुद्धि ओत। दोक छ्येते परमेश्‍वरला गाङेकी येशू ख्रीष्‍ट छ्य्‌वापेकी सधैँभरि जय जय ओङस्‍यीत सिन सिइ। आमेन।

१ कोरिन्‍थी 1:21

दोक खाईन आउदी बुद्धि पुरे खाला काम खित्‍कान्‍ते परमेश्‍वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्‍येबा मुथुबो सिन तेन्‍गीन बिन्‍दा ओत। मिओनगी लेम्‍बे बात ईन सिरच्‍येते ङ्योकोनगी लोप्‍च्‍येते बातराङ मिओनगी ङेन्‍स्‍यीत थेमे दि बात ङेन्‍ला येशूला विश्‍वास खित्‍कान्‍तेबाला पापकी सजायदुकी डेल्‍ग्‍यो सिन परमेश्‍वरगी टुङ्गो खाईन दोक खिताराङ थेला लेमु लासुङ।

१ कोरिन्‍थी 10:13

थेमे दुक्‍पेकी कि खइँदा कारणगी खित्‍सादु मिला खइँदा दोक खिइ खिइ सिराच्‍योक लाङच्‍येते ख्‍योकोनलाकामा ओङच्‍येते मेन। परमेश्‍वर थे खोरोङगी खिओ साबा च्‍योकराङ खित्‍कान्‍ते ईन्‍देकी होथोक खाला खेराङला खिइ खिइ सिराच्‍योक लाबाते माक्‍याबाला ओङराङ मेङगो सिराच्‍योक ओङे बेलाला थेकी ख्‍योकोनला पाप खित्‍सादुकी रोके खिओ। दोक्‍ते बेलाला थेकी ख्‍योकोनला पाप खिता माफाप्‍च्‍येते शक्ति बिन्‍ला थार ज्‍युत्‍क्‍यो।

१ कोरिन्‍थी 15:50

थोगी आज्‍यो न्‍वावे, बात दिराङ ईन। च्‍यि सासीन दि स्‍या ठाक ओताते जीउताङचेन ङुरूङ परमेश्‍वर राज्‍यने स्‍यूक्‍पाराङ मेङेदो। थोकराङ खाला दि स्‍यिला रूल्‍ला डोच्‍येते जीउओङ नोमुङ स्‍यिला रूल्‍ला मोन्‍डोच्‍येते ओङाराङ मुथुबो।

२ कोरिन्‍थी 1:10

थेजीन थेकी ङ्योकोनला थोक छ्येज्‍यीक दुक्‍पाताङ कालगी खादुकी समेत जोए खाबेकी थोक ओङजीन था जहिलेङ थेकी ङ्योकोनला दोकराङ खिओ सिन ङ्योकोनगी थेला भर परे खाबा ओत। दि बातला ङ्योकोनला छ्याःङ शंका मेत।

गलाती 1:5

थेते सधैँभरि जय जय ओङस्‍यीत। आमेन।

१ थिस्‍सलोनिकी 5:23

थेमे सेमला ढुक्‍क लोङकान्‍ते परमेश्‍वरगी ख्‍योकोनगी मेलेबाते कामताङ बात सिराते छ्याःङ मिक्‍किस्‍यीत सिन ख्‍योकोन सेम खुदुक जोइन देत्‍स्‍यीत थेमे ख्‍योकोन आत्‍मा, सेम थेमे जीउ जेसुकैला लेमु खाला तेइनराङ देत्‍स्‍यीत। दोक खाला था ङुरूङ प्रभु येशू ख्रीष्‍ट ग्‍युरला ओङे छोमु ख्‍योकोन छ्याःङ दोष मेताते मि ओङस्‍यीत सिन ङ्योकोन प्रार्थना खिओ।

२ थिस्‍सलोनिकी 3:3

प्रभु येशू थे खोरोङगी खिओ साबा च्‍योकराङ खित्‍कान्‍ते ईन्‍देकी थेकी ख्‍योकोनला थे खोरोङला विश्‍वास खिन देत्‍च्‍येते शक्ति तेरग्‍यो थेमे खेराङला मेलेबा खित्‍कान्‍ते शैतान लाःक्‍तुकीङ जोए खाला ज्‍य्‌वाक्‍यो।

१ तिमोथी 1:17

परमेश्‍वर सधैँभरि राज्‍य खिन देत्‍कान्‍ते गेल्‍बो ईन। थे नोमुङ मिस्‍यिओ। थेला मिगी थोङा मुथुबो। थे बाई ज्‍येन परमेश्‍वर ओतराङ मेत। थेला सधैँभरि मान खाला थेते जय जय ओङस्‍यीत सिन सिइ। आमेन।

१ तिमोथी 6:16

थेकामा नोमुङ मिस्‍यिओ। थे सुङ दोन्‍दु ड्वा मुथुप्‍च्‍ये नाम्‍दाकला देत्‍क्‍यो। थेला सुङगीङ थोङा मेत, सुङगीङ थोङाङ मुथुबो। दोक छ्येते परमेश्‍वरला गाङेकी मान खिनराङ देत्‍स्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

२ तिमोथी 1:12

दि काम खाबेकीराङ ङाला जेलदु लुक्‍पेकी दोक खाला दुक्‍पा भोगे खिन ओत। ईन्‍सीनोङ दोक खिता फापाते ङाला छ्याःङ ङोचा मेत। च्‍यिला सासीन ङे सुला विश्‍वास खाबा ओते थेमे थे चुक्‍ते ईन्‍दे सिन ङाला लेमु खाला छ्या ओत। थेमे ङे थे लाःक्‍तु जे सोम्‍पे खाला दुक थे खोरोङ दुरू ग्‍युरला ओङे छोमुसाकराङ थेकी थे लेमु खाला तेइओ सिरच्‍येते बातला ङाला छ्याःङ शंका मेत।

२ तिमोथी 4:1

थोगी परमेश्‍वरताङ येशू ख्रीष्‍ट दोन्‍दु ङा खोल्‍ला चुक खिता फाप्‍कीते सिन कोत्‍क्‍यो। स्‍याप्‍तेबा थेमे सोम्‍बोराङ ओताते मि गाङेला न्‍याय खित्‍कान्‍ते थेमे स्‍वर्गनेकी ग्‍युरला वाला गाङेपा गाङेला राज्‍य खित्‍कान्‍ते येशू ख्रीष्‍टराङ ईन सिन टोक माज्‍येत।

हिब्रू 11:16

तर था थेबा देताला डुइन ओताते लुङबानी खोपरोङगी ताङगीन वाबाते लुङबा भन्‍दाङ खापान खापान लेमुते ईन। थेचेन स्‍वर्गने ओत। थोगीराङ खोचेन अब्राहाम, इसहाक थेमे याकूबकी माने खाबाते परमेश्‍वर ईन सिरजीन थेला छ्याःङ ङोचा मालाङो। थेबे परमेश्‍वर ईन्‍देकीराङ थेकी स्‍वर्गने थेबा देत्‍च्‍येते सारोङ जोबा ओत।

हिब्रू 12:22

तर ख्‍योकोननी सीनै बोमदु मेन्‍देकी सियोन बोमदुका लेपा ओत। सोम्‍बोते परमेश्‍वर देत्‍च्‍येते स्‍वर्गने ओताते यरूशलेम सारोङ ख्‍योकोन लेप्‍सादुराङ ईन। थेरू गा खिन परमेश्‍वरते जय जय खिन देत्‍कान्‍ते ङोला ङ्वा मुथुप्‍च्‍या परमेश्‍वर दूतओन ओत।

हिब्रू 13:21

होदोक खित्‍कान्‍ते परमेश्‍वरगी ख्‍योकोनगी थेकी खिता चालाच्‍योक खिताला ख्‍योकोनला गोच्‍येते स्‍येतताङ बुद्धि तेरस्‍यीत। दोक खाला थेकी ख्‍योकोनला येशू ख्रीष्‍ट छ्य्‌वापेई थे खोरोङला मन परे खित्‍च्‍येते काम खित्‍च्‍येते सेम तेरस्‍यीत। थेते सधैँभरि जय जय ओङस्‍यीत। आमेन।

याकूब 2:5

ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

१ पत्रुस 1:5

ख्‍योकोनगी प्रभु येशूला विश्‍वास खितेकी खित्‍सादु था दि जुग सिन्‍दे खाला ख्‍योकोनला पूरो खाला पापदुकी टाल्‍ला स्‍वर्गने खेरच्‍येते समय ओङ ओङसाकराङ परमेश्‍वरगी थे खोरोङ शक्तिकी ख्‍योकोनला मेलेबा काम खित्‍से छ्य्‌वापेई जोए खाला ज्‍य्‌वाक्‍यो।

१ पत्रुस 5:11

दोक खित्‍कान्‍ते परमेश्‍वरगी सधैँभरि गाङेपा गाङेला राज्‍य खिनराङ देत्‍स्‍यीत। आमेन।

२ पत्रुस 1:11

थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी गा खिनकामा ख्‍योकोनला थे खोरोङ राज्‍यदु स्‍यूक ज्‍युत्‍क्‍यो। थे राज्‍यचेन नोमुङ तोरला मोन्‍डोओ।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।

यहूदा 1:1

दि चिट्ठी टिक्‍कान्‍ते ङा यहूदा ईन। ङा याकूब न्‍वा ईन। ङा येशू ख्रीष्‍ट काम खित्‍कान्‍ते मि ईन। ङा दि चिट्ठी आबा परमेश्‍वरगी थे खोरोङ दोन्‍दु स्‍योक सिन काताङाते, थेकी ङिङज्‍ये खिन ओताते थेमे येशू ख्रीष्‍टकी ताकोरा खिन ओताते मि ख्‍योकोनला टिगीन ओत।