२ तिमोथी 4:17 - जिरेल

¹⁷ दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

२ तिमोथी 4:17 Iomraidhean Croise

मत्ती 10:19

थोक खाला खेराङला थेबे दोन्‍दु क्‍याल्‍नामेकी बात ठिजीन च्‍यि सिरच्‍ये, चुक सिरच्‍ये सिन ज्‍यीबा माकेत। थे बेलाला च्‍यि सिरा फाप्‍कीते सिन थेजीनराङ परमेश्‍वरगी ख्‍योकोनला छ्या स्‍ये ज्‍युत्‍क्‍यो।

लूका 1:1

परमेश्‍वरगी ङुरूङ नाङ चुक चुक काम खासुङा, च्‍यि च्‍यि ओङसुङा सिरच्‍येते बात मि काल्‍बेईकी टिबा ओत।

लूका 21:15

च्‍यिला सासीन थेजीन ङा ङाराङराङ ख्‍योकोनला चुक सिन बात खित्‍च्‍ये सिन बुद्धि तेरग्‍यो। थोक ओङनामेकी ख्‍योकोन विरोध खित्‍कान्‍तेबा सुङगीङ ख्‍योकोन बातला मेन सिरा मुथुबो, ख्‍योकोन बात साँचो मेन सिन थेबेकी छ्याःङ कारण तेरा मुथुबो।

शक्ति काम 23:11

थे छोमु ग्‍वाका पावलगी प्रभु येशूला थे खोरोङ खादु वाबाते थोङसुङ। थेमे प्रभु येशूकी थेला “पावल, दुरू खोल्‍ला खइँदा मेलेबा ओङगीता सिन खो बान्‍दा ज्‍यीबा माकेत। खुई रोम सारदु गाल्‍ला दुरू च्‍योकराङ खाला थेरूङ ङे बात गाङे ज्‍येनला लोपा फाप्‍क्‍यो,” सिन बात खासुङ।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

रोमी 15:31

ख्‍योकोनगी चुक सिन प्रार्थना खिसे सासीन ङा यरूशलेमपा डोजीन थेपा यहूदिये अञ्‍चलदु ओताते येशू ख्रीष्‍टला विश्‍वास मिक्‍किकान्‍ते यहूदीओनगी ङाला मेलेबा खिता मुथुप्‍स्‍यीत थेमे ज्‍येन ज्‍येन जातकी मिकी जम्‍मा खाबाते ङे यरूशलेमदु परमेश्‍वर सन्‍तानओनला खेरच्‍येते थे पैसा थेबेकी गा खिन लिन्‍स्‍यीत सिन प्रार्थना खि।

२ कोरिन्‍थी 12:9

दोक खित्‍जीन थेकी ङाला “ङे खोल्‍ला आउदी खाईन दया खाबा ओत। दि भन्‍दा ल्‍हाक्‍पा था खोल्‍ला छ्याःङ मोगोओ। खोरोङगी छ्याःङ खिता मुथुप्‍जीनराङ खुई ङेताते ङे शक्ति चुक छ्ये ईन्‍दाका सिन खुई छ्या स्‍येक्‍यो,” सिन सिदुक। थोगी ङाराङगी छ्याःङ खिता मुथुप्‍जीन ङानी गाका खिओ। च्‍यिला सासीन थोक्‍ते बेलालाराङ ख्रीष्‍टकी ङाराङला थे खोरोङ शक्ति बिन्‍दा ओत सिन ङे छ्या स्‍येकीदुक।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

१ तिमोथी 1:12

थेमे ङा ङुरूङ प्रभु येशू ख्रीष्‍टला धन्‍यवाद सिओ। च्‍यिला सासीन दिकी ङे जिम्‍मा बिन्‍दाते काम लेमु खाला खिओ सिन थेकी ङाला मिओनला गा लाङच्‍येते बात लोप्‍च्‍येते काम बिन्‍सुङ। दि काम खिताला ङाला शक्ति तेरकान्‍ते थेराङ ईन।

२ तिमोथी 2:1

थेमे फुज्‍यो, येशू ख्रीष्‍टकी खित्‍सादु परमेश्‍वरगी खोल्‍ला दया खाईन शक्ति बिन्‍दा ओतेकी खो छ्याःङ ज्‍यीबा माकेत।

२ तिमोथी 2:9

दि बात लापेकीराङ ङा दुक्‍पा भोगे खिन ओत। ङाला डाँकाला च्‍योक खाईन नेल कोन्‍गीन जेलदु समेत लुक्‍पा ओत। तर ङाला नेल कोन्‍ला जेलदु किल्‍ला ज्‍य्‌वाबाच्‍योक खाला परमेश्‍वर बात फैले मिक्‍किस्‍यीत सिनचेन जति खासीनोङ सुङगीङ छ्याःङ खिता मुथुबो।

२ तिमोथी 3:11

मिओनगी ङाला खेदा खाईन खाईन दुक्‍पा बिन्‍दाते थेमे ङे भोगे खाबाते जेसुकै दुक्‍पा खोल्‍ला छ्या मेताते मेन। एन्‍टिओखिया, आइकोनियम थेमे लिस्‍त्रा सारगी नाङला मिओनगी ङाला चुक मेलेबा खाबा ओताने सिरच्‍येते बादोङ खोल्‍ला छ्याराङ ओत। ङाला जहाँदु जस्‍तो दुक्‍पा ओङसीनोङ प्रभु येशू ख्रीष्‍टकी थोक्‍ते गाङे दुक्‍पादुकी जोए खाबा ओत।

२ तिमोथी 4:5

तर खोचेन जे खित्‍जीनोङ लेमु खाला विचार खालाकामा खि, खोरोङ काम खित्‍जीन जस्‍तोराङ दुक्‍पा ओङसीनोङ थे दुक्‍पा भोगे खि, ठाउँ ठाउँला गाल्‍ला गा लाङच्‍येते बात लोप्‍कान्‍ते मिकी खित्‍च्‍येते काम खिन देत थेमे परमेश्‍वरगी खोल्‍ला जिम्‍मा लै खाबाते काम गाङे मासिनथुप खिनराङ देत।

तीतस 1:3

थाङबोका साबाते बात परमेश्‍वरगी थे खोरोङगी तोके खाबे बेलाला लोप च्‍युत्‍कीन मिओनला छ्या स्‍ये च्‍युत्‍सुङ। ङुरूङला पापदुकी डेल्‍कान्‍ते परमेश्‍वरगीराङ दि बात च्‍यि ईन्‍दे सिन ज्‍येन मिओनला लोप सिन ङाला दि कामगी जिम्‍मा बिन्‍दा ओत।

हिब्रू 11:33

थेबे नाङ कोईकी परमेश्‍वरगी खोपरोङला ग्‍याल ज्‍युत्‍क्‍यो सिन थेला विश्‍वास खाईन लडाइँ खाईन लुङबा लुङबाला ग्‍याला ओतान, न्‍याय निसाफ खित्‍कान्‍तेबेकी सुङलाङ काका पाका मिक्‍किता खाईन न्‍याय खाबा ओतान, परमेश्‍वरगी तेरग्‍यो साबातेबा ङेता ओतान। थेला विश्‍वास खाईन कोईचेन च्‍येनगी खादुकी समेत थारा ओतान।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।

२ पत्रुस 2:9

प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।