२ तिमोथी 4:16 - जिरेल

¹⁶ थेमे ज्‍येन बात च्‍यि सासीन गाङे भन्‍दा गोमा दुरू ङाला बयान लिन्‍दाला अड्डादु केल्‍जीन ङे लाईदु बात खित्‍कान्‍ते सुङ माथेन्‍सुङ। थेबा गाङेकी ङाला ताङगीन गाल्‍सुङ। थेबेकी थोक खासीनोङ प्रभु येशू ख्रीष्‍टकी थेबाला सजाय मेतेरस्‍यीत।

२ तिमोथी 4:16 Iomraidhean Croise

मर्कूस 14:50

थेकी दि बात साकीन सिन्‍नामेई चेलातेबाचेन गाङे थेला ताङगीन छ्य्‌वासुङ।

लूका 12:11

थेमे ङे मि ईन्‍देकी खित्‍सादु ज्‍येनगी ख्‍योकोनला जुम्‍ला मिटिङ खित्‍च्‍येते खाम्‍बे छ्ये छ्ये मि थेमे गेल्‍बोताङ ज्‍येन छ्ये छ्ये मि दोन्‍दु बात ठाप्‍ला खेरग्‍यो। थोक खित्‍जीन च्‍यि सिरच्‍ये, चुक सिरच्‍ये सिन ख्‍योकोन ज्‍यीबा माकेत।

यूहन्‍ना 16:32

तर दि बात ङेन। चुक सासीन था समयज्‍यीक ओङगो, सिइराङ सासीन थे समय लेप्‍कीन सिन्‍दा ओत। थेजीन ख्‍योकोन ङाला च्‍यिकराङ ताङला खेराङ खेराङ खाम्‍बाला फ्रोला डुइओ। थोक ओङसीनोङ आबा ङात्ताङ ङ्योम्‍बु ओतेकी ङा ङाराङकामा देता माफाबो।

शक्ति काम 22:1

थेकी थेबाला “छ्येवे, आज्‍यो न्‍वावे, ङे बात लेमु खाला ङेन। ङा गाङे बात लेमु खाला सिरामीन,” सिन सिदुक।

शक्ति काम 25:16

थेबेकी थोक खित्‍जीन ङे थेबाला सुइँदा मिकी पक्‍काराङ गल्‍ती खाबाते ईन सिन छ्याराङ मास्‍येबाला थेला सजाय तेरा रोमी गेल्‍बो नियम कानूनताङ मिडिगो। ज्‍येनगी दोषी ईन साबाते मिकी थोक सिरकान्‍ते मिओन दोन्‍दुराङ अड्डादु थे खोरोङ बयान माबिनथुप थे मि न्‍याय खिता मेङेदो सिन साबाप।

शक्ति काम 7:60

थेमे खोबुकला देत्‍कीन गाङेकी थोच्‍या खाईन “ए प्रभु, दिबेकी दोक मेलेबा पाप खासीनोङ दिबाला माफ बिन,” सिन सिदुक। थोस्‍यिक साकीन च्‍याकीन थे दाक स्‍यिसुङ। स्‍तिफनसलानी सेताराङ फाप्‍च्‍या ओतान सिन शावलोङ आउदी खाईन गा खाबा ओतान।

१ कोरिन्‍थी 13:5

ज्‍येनला ङिङज्‍ये खित्‍कान्‍ते मिकी ज्‍येनला खा छ्येत लेमु खिओ, थेकी चुक खासीन थे खोरोङला फाइदा ओङोङा सिराच्‍योक खाला काम मिक्‍किओ, थे होत्ताराङ स्‍येदाङ मिक्‍किओ, ज्‍येनगी मेलेबा खाबाते स्‍येदाङ साला मोज्‍योओ, दाक टोक ज्‍येत्‍क्‍यो।

१ कोरिन्‍थी 9:3

ङा येशू ख्रीष्‍टकी खटे खाबाते मि मेन सिरकान्‍तेबाला ङा दोक सिओ।

२ कोरिन्‍थी 7:11

लो विचार खि, परमेश्‍वरगी ख्‍योकोन सेमला फोक्‍च्‍येते थे काम खानामेई ख्‍योकोनला थोई लेमु ओङसुङा। च्‍यि सासीन था ख्‍योकोनगी ङेत गोमा च्‍योक खितराङ मिक्‍किओ सिन खालि लेमु खित्‍च्‍ये छ्य्‌वापाकामा स्‍येत खिताला स्‍यूसुङ, खेराङगी ङाला गोमाबा च्‍यिला थोक मेलेबा खाताका, थोक खाबाते लेमु मेन्‍दाक्‍वा सिन छ्या स्‍येबाला स्‍यूसुङ, था ङे ख्‍योकोनला च्‍यि खिताना चुक सिताना सिन ज्‍यीबा खिताला स्‍यूसुङ, ख्‍योकोन था ङात्ताङ ठेताला आउदी सेम खिताला स्‍यूसुङ थेमे खेराङ नाङ मेलेबा खित्‍कान्‍ते मिला सजाय तेराला टुङ्गो खासुङ। दोक दोक खाईन ख्‍योकोनगी था खेराङ दोषी मेन सिन तेन्‍दाला स्‍यूसुङ।

फिलिप्‍पी 1:17

ङाला डार खाला ख्रीष्‍टते गा लाङच्‍येते बात लोप्‍कान्‍तेबेकीचेन लेमु सेमगी लापाते मेन। मिओन खोपरोङ छ्य्‌वापा लै खाला खोपरोङला मान खित्‍स्‍यीत सिन थेमे मिओन थेबे छ्य्‌वापा लै खादुक सिन ङा जेलदु देते लाक्‍तुङ झन पीर खित्‍स्‍यीत सिन थेबेकी थोक खित्‍च्‍येते ईन।

फिलिप्‍पी 1:7

ख्‍योकोन विषयला खाबाते दि बात ङे थाराङ खाबाते मेन। ङा ङीन नुप ख्‍योकोनला सम्‍झे खिनराङ देत्‍क्‍यो। ङा दुरू जेलदु देता ओत्‍सीनोङ थेमे ङाराङगी लोप्‍च्‍येते बात सत्‍यते ईन सिन बेला बेलाला अड्डादु बयान तेरा फाप्‍सीनोङ परमेश्‍वर दयेकी खित्‍सादुराङ ङे दोक दोक खिता थुपा ओत। ङाला दया खित्‍कान्‍ते परमेश्‍वरगी ख्‍योकोन गाङेलाङ ङाला च्‍योकराङ खाला दया खिन ओत।

२ तिमोथी 1:15

थेमे एशिये अञ्‍चलदु येशूला विश्‍वास खित्‍कान गाङेराङ ङे छ्य्‌वापेई ठाल्‍गीन सिन्‍दा ओत। थोक खित्‍कान्‍तेबे नाङ फाइगेलसताङ हर्मोगेनसोङ ईन। दि बातओन खोल्‍ला छ्या मेताते मेन।

२ तिमोथी 4:10

डेमासकीचेन दि जुनी बातकामा विचार खाईन ङाला ताङगीन थिस्‍सलोनिकापा गाल्‍सुङ। ज्‍येन ङात्ताङ ओतातेबे नाङ क्रेसेन्‍सचेन गलातिये अञ्‍चलपा थेमे तीतसचेन दलमातियापा गाला ओत।

२ तिमोथी 4:15

अलेक्‍जेन्‍डरगीचेन ङुरूङगी लोप्‍च्‍येते गा लाङच्‍येते बात ईनराङ मेन्‍दे बात ईन सिन आउदी खाईन विरोध खासुङ। थोगी खोरोङोङ थेत्ताङ च्‍याङबो खाला देत।

१ पत्रुस 3:15

बरू येशू ख्रीष्‍टराङ खेराङ मालिक ईन सिन टोक माज्‍येत, थेला मान खि। थेमे परमेश्‍वरगी तिरी तेरग्‍यो साबातेबा ङेत्‍क्‍यो सिन खेराङगी आश खाबाते पक्‍काराङ ङेत्‍क्‍यो सिन ख्‍योकोन चुक खाला सिते सिन ठिकान गाङेला ख्‍योकोनगी जहिलेङ लाःप्‍ला बिन। थेबे सेमला फोक्‍च्‍येते बात छ्याःङ मिक्‍किता खाला थोक्‍ते मिओनताङ ख्‍योकोनगी खा छ्येत लेमु खाला बात खि।