12 ङे टाइकिकसला एफिससपा ताङा ओत।
थेमे एफिसस सारदु लेप्सुङ। थेरू लेप्नामेकी प्रिस्किलाताङ अक्वीलाचेन थेङलाराङ देत्सुङ। पावलचेन थेरू यहूदीओनते मिटिङ खित्च्येते खाम्बादु गाल्गीन यहूदीओनताङ छलफल खिन येशू बात लोपाला स्यूसुङ।
“दि पालोला ङा देता मुथुबो। परमेश्वरगी ङाला याङराङ देपा ताङसीन ङा ख्योकोन ओत्सापा ओङगो,” सिन पावलचेन पानीजहाजला जेकीन थेरूकीङ गाल्सुङ।
अपोल्लोस कोरिन्थदु ओते बेलाला पावलचेन समुन्द्रे लामला मोन्डोबा खाईन ठाउँ ठाउँला युगीन एफिससदु लेप्सुङ। थेरू लेप्नामेकी थेकी येशू चेला कोई कोईला ठेत्सुङ।
था ङुरूङ ठेत्च्येते दोस्यिकराङ ईन्दासीन। ङे परमेश्वर राज्य बात लापाते थोकान्तेबा ख्योकोन सुङगीङ था लोक्ला ङाला नोमुङ मेठेदो।
थेजीन थेत्ताङ ज्येन ज्येन मिङ ङ्योम्बुराङ ओतान। थेबाचेन बेरियापे पाईरस सिराते मि फुज्युङ सोपाटर, थिस्सलोनिकापे अरिस्तार्खसताङ सिकन्डस, डर्बीपे गायस थोकराङ खाईन तिमोथी थेमे एशिये अञ्चल टाइकिकसताङ त्रोफिमस सिरातेबा ओतान।
ज्येन बात च्यि सासीन ङा चुक दुका, च्यि खिन दुका सिन था न्वा टाइकिकसकी ख्योकोनला गाङे लाःप्क्यो। दिला ङा ङिङज्ये खिओ। दिङ प्रभु ख्रीष्ट काम खित्कान्ते मिराङ ईन। दि थे काम आउदी लेमु खाला खित्कान्ते मि ईन।
ङ्योकोनला देपा चुक दुका सिन ख्योकोनगी लेमु खाला छ्या स्येला पीर मिक्किस्यीत थेमे दिकी खुलाबाते लोन थोला ख्योकोनगी आँट ङेत्स्यीत सिनराङ ङा दिला ख्योकोन ओत्सापा तोङगीन ओत।
ज्येन बात च्यि सासीन ङिङज्येते न्वा टाइकिकसकी थेपा लेप्नामेई ख्योकोनला ङे बात गाङे लाःप्क्यो। दिकी खिता फापा च्योकराङ खाला प्रभु येशू काम खिन ओत। दिङ ङा च्योकराङ प्रभु येशू काम खित्कान्ते मि ईन।
ङे थोङला खोत्ताङ ठाल्ला म्यासिडोनिये अञ्चलपा डोजीन साकीन ज्याक्पाते बात ङा याङराङ सिन ओत। च्यि सासीन खुई एफिससदु देत्ला थेरू ङेन्दा फाप्च्येते बातताङ डिकराङ मिडिक्च्येते बात लोप्कान्ते मिओनला थोक्ते बात मालोप सिन कोत।
थेमे ज्येन बात च्यि सासीन था ङा दुरूकी अर्तिमासताङ टाइकिकस नाङ दोक्पोईला थेपा तोङगो। थेबे नाङ दोक्पोई जो वासीनोङ थेपा ख्योल्नामेई जस्तो खालाङ खोचेन निकोपोलिस सारनापा स्योक। च्यिला सासीन था गुनगी बेलाला ङे थेपा देत्च्येते टुङ्गो खाबा ओत।
