२ तिमोथी 4:10 - जिरेल

¹⁰ डेमासकीचेन दि जुनी बातकामा विचार खाईन ङाला ताङगीन थिस्‍सलोनिकापा गाल्‍सुङ। ज्‍येन ङात्ताङ ओतातेबे नाङ क्रेसेन्‍सचेन गलातिये अञ्‍चलपा थेमे तीतसचेन दलमातियापा गाला ओत।

२ तिमोथी 4:10 Iomraidhean Croise

मत्ती 12:32

थोकराङ खाला परमेश्‍वर ओत्‍सादुई वाबाते मि ङे विरोध खाला मेलेबा बात खिदुक सासीन थेकी माफ ङेता थुप्‍क्‍यो। ईन्‍दा मेन्‍दा साकीन परमेश्‍वर आत्‍मे विरोध खासीन थोक्‍ते मिकीचेन दि जुनीलाङ तिरी जुनीलाङ नोमुङ माफ मेङेदो।

मत्ती 26:56

परमेश्‍वर बात खित्‍कान्‍तेबेकी टिबाते बात साबाच्‍योक ओङालाराङ दि गाङे दोक दोकराङ ओङाते ईन,” सिन सिदुक। थेकी दि बात साकीन सिन्‍नामेई चेलातेबाचेन गाङे थेला ताङगीन छ्य्‌वासुङ।

लूका 14:33

थाल्‍ला ङे साबाते मिओनगी गोमा विचार खिता फापा च्‍योकराङ ख्‍योकोन सुइँदेते ङात्ताङ ख्‍याम्‍च्‍ये सेम ओत्‍सीन ख्‍योकोनगीङ लेमु खाला विचार खि। च्‍यिला सासीन ख्‍योकोनगी खेराङते ओताते जति माया मारे खासीनकामा ङे चेला ओङा थुप्‍क्‍यो, मेन सासीन ङे चेला ओङा मुथुबो।

लूका 16:13

योक्‍पोकी जुन खाम्‍बादु देत्‍ला दुक थे खाम्‍बे धनीकी कोताते बातकामा ङेन्‍दा फाप्‍क्‍यो। ज्‍येन मालिककी कोताते थेकी ङेन्‍दा मुथुबो। मालिक ङि ओङसीन थेला खाङ मालिकते मन परे खिका थेकी कोताते ङेन्‍ला थेलाराङ खुशी जोइओ। ज्‍येनतेकी कोतातेलाचेन थेकी नामज्‍योकराङ मेसेदो। योक्‍पोज्‍यीगी मालिक ङिला लेमु खिता माथुपा च्‍योकराङ खाला ख्‍योकोनगीङ परमेश्‍वरलाङ सम्‍पत्तिलाङ माया खिता मुथुबो। परमेश्‍वरला माने खासीन सम्‍पत्ति माया मारे खिता फाप्‍क्‍यो, सम्‍पत्ति माया खासीन परमेश्‍वरला माने खिता मुथुबो,” सिन सिदुक।

लूका 17:32

थोक खिता चाल्‍सीन च्‍यि ओङगीते सिन ख्‍योकोनगी लोतकी फेम्‍मे बात सम्‍झे खि।

शक्ति काम 13:13

थेरूई तिरी पावलताङ थे र्‍वाओन पाफोसदुकी पानीजहाजला जेकीन पामफिलिये अञ्‍चलदु फाप्‍च्‍येते पर्गा सिरसादु लेप्‍सुङ। थेरू लेप्‍नामेकी यूहन्‍नाचेन पावलबा बारनाबासबाताङ ठाल्‍गीन यरूशलेमपा ग्‍युरसुङ।

शक्ति काम 15:38

तर पावलगीचेन थेला ङ्योम्‍बु खेरा लेमु मेङगो। येशू बात लोपे बेलाला थे काम मासिन्‍दालाराङ गोमा थे पामफिलियादुकी ङुरूङताङ ठाल्‍गीन गाला ओतान सिन थेला ङ्योम्‍बु खेरा माचाल्‍सुङ।

शक्ति काम 16:6

थोक खाला युगीन डोजीन पावलबा एशिये अञ्‍चल नाङपा गा लाङच्‍येते बात लोप ड्वा चाल्‍सुङ। तर परमेश्‍वर आत्‍मेकी थेबाला थेङपा डोर माच्‍युत्‍सुङ। थोगी थेबा फ्रिगियाताङ गलातिये अञ्‍चल नाङपा खाईन गाल्‍सुङ।

शक्ति काम 17:1

पावलबा ख्‍याम्‍गीन ख्‍याम्‍गीन अम्‍फिपोलिसताङ अपोल्‍लोनिये लामला खाईन थिस्‍सलोनिकादु लेप्‍सुङ। थेरूङ यहूदीओनते मिटिङ खित्‍च्‍येते खाम्‍बाज्‍यीक ओतान।

शक्ति काम 17:11

थेरू यहूदीओनगीचेन थिस्‍सलोनिकादु ओतातेबेकी च्‍योक मेलेबा मिक्‍किता खाईन पावलगी लापाते येशू बात लेमु खाईन ङेन्‍सुङ। थेमे थेकी लापाते बात परमेश्‍वर बातला टिबाते बातताङ डिइकाना मिडिक्‍का सिन थेबेकी ङीमे ठाङमा परमेश्‍वर बात आउदी खाईन पढे खाईन तासुङ।

शक्ति काम 17:13

पावलगी बेरियादुङ परमेश्‍वर बात लोप्‍कीन दुक्‍लो सिन थिस्‍सलोनिके यहूदीओनगी थोसुङ। थे बात थोकीन स्‍येदाङगी थेपाङ गाल्‍गीन थेबेकी पावल मेलेबा मि ईन साकीन थेरूङ मिओनला उल्‍के खाईन होहल्‍ला खित च्‍युत्‍सुङ।

शक्ति काम 18:23

टिक्‍पी दिन एन्‍टिओखियादु देत्‍नामेकी याङराङ थे गलातियाताङ फ्रिगिये अञ्‍चल नाङपा गाल्‍सुङ। थेमे थेङला ओताते येशू चेलाओनला ठेता खाईन थेकी गाङेला जस्‍तोराङ ओङसीनोङ येशूला विश्‍वास खिता मातोङ सिन आँट बिन्‍सुङ।

२ कोरिन्‍थी 2:13

ईन्‍सीनोङ ङे न्‍वा तीतसला थेरू माठेतेकी ङाला सेमला बान्‍दा सन्‍तो मालासुङ। थोगी थेरू मिओनला ड्वामीन सिन थेबाताङ ठाल्‍गीन ङा म्‍यासिडोनियापा गालाप।

२ कोरिन्‍थी 7:6

थोक ईन्‍सीनोङ न्‍वा तीतस दुरू वानामेईचेन पीरताङ दुक्‍पाला मिओनला आँट तेरकान्‍ते परमेश्‍वरगी ङ्योकोनला सेम ढुक्‍क लाङसुङ।

२ कोरिन्‍थी 8:16

परमेश्‍वरगी ङाला च्‍योकराङ खाईन तीतसलाङ चुक खाला ख्‍योकोनला लेमु खिता थुबोङा सिरच्‍येते सेम बिन्‍दा ओतेकी ङ्योकोन दि लाईदु परमेश्‍वरला धन्‍यवाद तेरग्‍यो।

२ कोरिन्‍थी 8:23

तीतसचेन ङात्ताङ ङ्योम्‍बुराङ डिक्‍ला ख्‍योकोन नाङ काम खित्‍कान्‍ते मि ईन सिन ख्‍योकोनला छ्याराङ ओत। दि ज्‍येनते न्‍वा ङिबोलाचेन देङपा ठाउँ ठाउँला जम्‍मा ओङकान्‍ते येशू ख्रीष्‍ट मिओनगी खोपरोङ नाङदुई छाने खाईन ताङाते ईन। दिबा ख्रीष्‍टला मान खिताला काम खित्‍कान्‍ते मि ईन।

२ कोरिन्‍थी 8:6

थेबेकी थोक खाबा थोङनामेई ङ्योकोनगी तीतसला खेराङगी जम्‍मा खिताला स्‍यूबाते पैसा जम्‍मा खाला सिन्‍दा खि सिन सिराला ख्‍योकोन ओत्‍सापा ग्‍युक सिन साबाप। ज्‍येनला मद्धत तेराला सिन ख्‍योकोन नाङ पैसा जम्‍मा खिताला शुरू खित्‍कान्‍ते थेराङ ईन सिन ङ्योकोनगी सिरा माफाप्‍तासीन।

गलाती 1:2

गलातिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मि ख्‍योकोन गाङेला ङा दि चिट्ठी टिगीन ओत। दुरू ङात्ताङ ओताते आज्‍यो न्‍वाओनतेङ ख्‍योकोनला नमस्‍ते ओत्‍लो।

फिलिप्‍पी 2:21

ज्‍येनतेबाचेन येशू ख्रीष्‍ट काम खिताला मेन, खालि खोपरोङला फाइदा ओङच्‍ये छ्य्‌वापाकामा तेइदुक।

१ तिमोथी 6:10

च्‍यिला सासीन पैसे लोभकी खित्‍सादुराङ मिकी जेसुकै मेलेबा काम खित्‍च्‍येते ईन। पैसे लोभला स्‍यूकीन कोई कोईकी येशू ख्रीष्‍टला विश्‍वास खाईन ङेन्‍दाते बात ङेन्‍दा ताङला दुक। थोक खाबेकी खित्‍सादु थेबा हत्तेरिका ङे च्‍यिला थोक खाताका सिराच्‍योक गाल्‍गीन थेबे सेम पीरताङ तापकी छोला दुक।

१ तिमोथी 6:17

थेमे थरिङोला छ्युक्‍पु ओताते मिओनला दोक सिन कोत। थेबाला छ्ये माकेत सि, सम्‍पत्ति ओत्‍कीन ओत सिन ढुक्‍क खाला मादेत सि। थोक्‍ते सम्‍पत्तिनी नामसाक दाक्‍पोन लाःक्‍तु देत्‍कीते सिन छ्याःङ छ्या मेङगो। बरू थेबाला परमेश्‍वरला भर परे खिता लोप सिन सि। थेकीराङ ङुरूङला गोच्‍येतेबरी दाङच्‍या ख्‍योप्‍च्‍या खाला बिन्‍ला गा खिन देत ज्‍युत्‍क्‍यो।

२ तिमोथी 1:15

थेमे एशिये अञ्‍चलदु येशूला विश्‍वास खित्‍कान गाङेराङ ङे छ्य्‌वापेई ठाल्‍गीन सिन्‍दा ओत। थोक खित्‍कान्‍तेबे नाङ फाइगेलसताङ हर्मोगेनसोङ ईन। दि बातओन खोल्‍ला छ्या मेताते मेन।

२ तिमोथी 4:16

थेमे ज्‍येन बात च्‍यि सासीन गाङे भन्‍दा गोमा दुरू ङाला बयान लिन्‍दाला अड्डादु केल्‍जीन ङे लाईदु बात खित्‍कान्‍ते सुङ माथेन्‍सुङ। थेबा गाङेकी ङाला ताङगीन गाल्‍सुङ। थेबेकी थोक खासीनोङ प्रभु येशू ख्रीष्‍टकी थेबाला सजाय मेतेरस्‍यीत।

तीतस 1:4

दि चिट्ठीचेन ङा तीतस खोल्‍ला टिगीन ओत। खोङ ङे च्‍योकराङ खाला प्रभु येशू ख्रीष्‍टला विश्‍वास खित्‍कान्‍ते ईन्‍देकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरगी थेमे ङुरूङला पापदुकी डेल्‍कान्‍ते येशू ख्रीष्‍टकी खोल्‍ला दया खाला लेमु खिनराङ देत्‍स्‍यीत।

फिलेमोन 1:24

थोकराङ खाला दुरू ङात्ताङ डिक्‍ला गा लाङच्‍येते बात लोप्‍कान्‍ते मर्कूस, अरिस्‍तार्खस, डेमास थेमे लूकेतेङ ख्‍योकोनला नमस्‍ते ओत्‍लो।

२ पत्रुस 2:15

थेबा लेमु काम खिता ताङगीन खोपरोङ लामला ख्‍याम्‍ला दुक। थेबाचेन थाङबो बओर फुज्‍युङ बालामगी खाबा च्‍योकराङ खिन दुक। पैसे लोभ खाईन बालामचेन मेलेबा काम खिताला अघि सरे खाबा ओतान।