२ तिमोथी 4:1 - जिरेल1 थोगी परमेश्वरताङ येशू ख्रीष्ट दोन्दु ङा खोल्ला चुक खिता फाप्कीते सिन कोत्क्यो। स्याप्तेबा थेमे सोम्बोराङ ओताते मि गाङेला न्याय खित्कान्ते थेमे स्वर्गनेकी ग्युरला वाला गाङेपा गाङेला राज्य खित्कान्ते येशू ख्रीष्टराङ ईन सिन टोक माज्येत। Faic an caibideil |
२ तिमोथी 4:1
35 Iomraidhean Croise
च्यिला सासीन थेकी ङीमा लेनज्यीक सुङलाङ काका पाका मिक्किता खाला मि गाङेते न्याय खिओ। थे छोमु सु सुला चुक चुक खिता फाप्कीका सिरच्येते टुङ्गोचेन थेकी छाने खाबाते मिज्यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्येस्यीत सिन थेकी थेला स्यिसादुकी सोम्बो लोक्पा ओत,” सिन बात खासुङ।
ङुरूङला पापदुकी डेल्कान्ते येशू ख्रीष्ट देमा वाबेकी थे खोरोङगी ङुरूङला दया खिओ सिन साबाते बात परमेश्वरगी छ्या स्ये च्युत्सुङ। थेमे येशू ख्रीष्टकी दुरू वाकीन स्यिच्येते कालला ग्यालेकी थेकी मिओनला नोमुङ मिसिन्च्येते जुनी तेरग्यो थेमे थोक्ते मि नोमुङ मिस्यिओ। दि बातचेन गा लाङच्येते बातलाराङ साबा ओत।
थोगी ङा परमेश्वरगी खि साबा साबा च्योकराङ खित्कान्ते मि ईन सिन था ङे इनाम ङेत्क्यो। थे इनामचेन सुङलाङ काका पाका मिक्किता खाला न्याय खित्कान्ते प्रभु येशू ख्रीष्टकी थे खोरोङ ग्युरला ओङे छोमु ङाला तेरग्यो। थे इनाम थेकी ङालाकामा मेन, थे स्वर्गनेकी ग्युरला ओङगो सिन गा खिन गुला देत्कान्तेबा गाङेला तेरग्यो।
मेला लुगीन ताकीन सक्कली दुका सिन छ्या स्येबाते सेरोङ ङीमाई छ्याःङ काम लै मिक्किच्या डुइओ। सेर आउदी दामी चीज ईन्सीनोङ दि भन्दाङ ख्योकोनगी येशू ख्रीष्टला खिन ओताते विश्वास झन आउदी छ्ये ईन। दोक्ते परी परीतेन्दे दुक्पा ओङजीनराङ ख्योकोनगी थेला पक्काराङ खाईन विश्वास खाबाते ईन्दाकाना मेन्दाका सिन छ्या स्येक्यो। जति दुक्पा ओङजीनोङ सेम मेसेता खाईन थेला विश्वास खिनराङ देत्सीन था थे ग्युरला ओङे छोमु परमेश्वरगी ख्योकोनला आउदी लेमु खासुङ सिन साला थे खोरोङगी ज्वा चाला च्योकराङ लेमु जोला मान तेरग्यो।
चुक सासीन बाजिई ङ्योकोन प्रभु येशूताङ बोमज्यीक्तु ङ्योम्बुराङ ओते बेलाला आबा परमेश्वरगी थेला आउदी छ्येज्यीक मान बिन्देकी खित्सादु ङ्योकोनगी थेला मिगी ताराङ मुथुप्च्या झिलिमिली नाम्दाकला देता ओता थोङा ओतान। थेमे थेजीनराङ परमेश्वरगी स्वर्गनेकी “दि ङे फुज्युङ ईन। ङा दिला आउदी ङिङज्ये खिओ। दित्ताङ ङा आउदी खुशी ओत,” सिन साबातेङ थोबा ओतान। परमेश्वरगी थेला थोक छ्ये जोइन साबाते दि बात ङ्योकोनगी ङेराङ नामज्योककीराङ थोबाते ईन।
लो दि बात टोक माज्येत। च्यि सासीन येशू ख्रीष्ट था मुक्पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्कान्ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्क्यो सिन ज्यीबेकी खित्सादु दि सा लुङबे मि गाङेराङ झ्याउँ झ्याउँ ङुइओ। दोकराङ ओङस्यीत। आमेन।
Sanasan