२ तिमोथी 3:6 - जिरेल6 थोक्ते मिओन नाङ कोई कोईचेन मि खाम्बा खाम्बाला डुइओ। थेमे खोपरोङगी छक्के खिता थुप्च्येते फेम्मे मिओनला लुला खोपरोङ छ्य्वापा लै खित ज्युत्क्यो। थोक्ते फेम्मे मिओनचेन पापताङ लोभकी खाङाते थेमे खोपरोङ सेमला जे जे खिता सेम लाङगीदुक थोक थोकराङ खित्कान्ते ईन। Faic an caibideil |
२ तिमोथी 3:6
17 Iomraidhean Croise
धर्मे गुरूओनताङ फरिसी पाटी मिवे, ख्योकोन चुक्तेन्दे ईन्दाका। था ख्योकोनला आउदी मेलेबा ओङगो। च्यिला सासीन चुक खाला स्वर्गे राज्यने स्यूक्पा थुप्कीते सिन ख्योकोनगी मिओनला लोपराङ मोलोप्तुक। थोक ईन्देकी मिओन थेने स्यूक्पाराङ मुथुप्तुक। दोक खाला खेराङनी थेने स्यूक्पा माङेत्सुङ माङेत्सुङ थेने स्यूक्पा सेम खित्कान्तेबालाङ ख्योकोनगी स्यूकराङ मुज्युत्तुक।
था ख्योकोनला आउदी मेलेबा ओङगो। परमेश्वरला आउदी खाला माने खित्कान्ते ईन सिन तेन्दाला ख्योकोन काल्बासाक प्रार्थना खिन देत्कीदुक। लेमु खाईन तासुङ सासीन नाङ नाङलाचेन ख्योकोनगी ख्योबो स्यिइन सिन्दाते फेम्मे मिओन सम्पत्ति ठगे खाईन सोकीन सिन्दा ओङगो। था तिरी ख्योकोनगी आउदी छ्येज्यीक सजाय ङेत्क्यो।
होथोक्ते मिओनला दोक्ते बात मालोप साला थेबे खा टाले खिता फाप्क्यो। च्यिला सासीन थेबेकी मिओनला लोपा मेङच्येते बात लापेकी होथेबे बात ङेन्गीन येशू ख्रीष्ट मिओन नाङ खाम्बा थोई थोई मिकी ङेन्दा फाप्च्येते बात ङेन्दा ताङला दुक। थेबेकीचेन छ्याःङ ङोचा मिक्किता खाला खालि पैसा ज्वाप्की लाईदु होथोक्ते बात लोप्च्येते ईन।
गोमाबा ङुरूङोङ सो साकान पशु च्योकराङ ओतान। ङुरूङगी परमेश्वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्याबाला ओङराङ मेङगो सिराच्योक खाला दाक्पोन सेमला लाबा लाबा खिता ओङच्या मेङच्या कामओन खिन ओतान। ङुरूङ जहिलेङ मेलेबाकामा खिन थेमे ज्येनला डार खिन ओतान। दोक खाला ङुरूङ गाङे नाङ दोक्पोईकी ज्येनज्यीकला मिगी थोङसार्मु खित्च्येतेकामा खिन ओतान।
च्यिला सासीन थेबेकी काम लै खित्च्येते बात सिराते छ्याःङ मोलोबो। खोपरोङ जे बादोङ छ्या स्येकान ईन सिराच्योक खाला आउदी छ्ये छ्ये बात खिओ। दाक्पोन खुशी खिन दि सा लुङबे मिओनगी खित्च्येते च्योक्ते खिता मेङच्या ङोचा लाङच्येते काम खिता ताङगीन भर्खर भर्खर परमेश्वरला विश्वास खिताला स्यूबाते मिओनला दिबेकी होथोक्ते काम खासीन छ्याःङ मेङगो साला लोक्ला गोमा खाबाते होथोक्ते कामराङ खित ज्युत्कीदुक।
बात दोक दोक ईन्देकी ङिङज्येते आज्यो न्वावे, होदोक्ते मेन्दे बात लोप्कान्ते मिओन ओङगो सिन ख्योकोनला छ्याराङ ओतेकी ख्योकोन च्याङबो खाला देत। दोक माक्यासीन खिता मेङच्या ङोचा लाङच्येते काम खित्कान्ते मिओनगी लोप्च्येते मेन्दा मेन्दे बात ङेन्ला ख्योकोनगी खेराङगी ङेन्गीन ओताते सत्यते बात ङेन्दा तोङगो।
ख्योकोन नाङ स्यूबाते होथे मिओन नोमुङ खुशी मेङा खाला दि काम लेमु मायाङसुङ, थे थोक ओङसुङ सिन जुन बातलाङ खालि गनगनकामा खिन देत्क्यो। थेबे सेम मेलेबा ओतेकी खोपरोङला जे खिता सेम लाङगीदुक थेराङ खिओ। थेबेकी खोपरोङ जे बादोङ छ्या स्येकान ईन सिराच्योक खाला बात खिओ। थेमे खोपरोङ फाइदा ताला खो आउदी लेमु मि ईन, दोक दोक खित्कान्ते ईन सिन मिला तेक्ला बात खिओ।
ङे च्यिला थे बात ङेन्दा तोङा मेङगो साबाते ईन्दे सासीन कोई कोई मि खाराक्पा ख्योकोन नाङ स्यूकीन सिन्दा ओत। थेबाचेन परमेश्वरगी माकेत साबा साबाते काम खित्कान्ते मि ईन। थेबेकी ङुरूङ परमेश्वरगी मिला दया खाला पापदुकी डेल्च्येते बातला चुक खिका सासीन परमेश्वरगी दाक्पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्डीबाजी थेमे होदि च्योक्ते खिता मेङच्येते काम खिदुक। थेमे ङुरूङ मालिक येशू ख्रीष्टलाङ माने मिक्किदुक। गाङेपा गाङेला राज्य खित्कान्ते थेकामा ईन। होथोक्ते मिओनगी चुकस्यिक सजाय ङेत्कीते सिन परमेश्वर बातला गोमाका टिबा ओत।
Sanasan