२ तिमोथी 3:5 - जिरेल

⁵ थेबा परमेश्‍वरला माने खित्‍कान्‍ते मि ईन सिरा च्‍योकराङ खाला ख्‍याम्‍ग्‍यो। तर लेमु खाईन तासीन थेबेकी परमेश्‍वरला खोपरोङ सेमदु काम खित माच्‍युत्‍ला थेला मन परे खित्‍च्‍येते सिराते कामज्‍यीगोङ मिक्‍किओ। थोक्‍ते मिओनताङ साङ माकेत।

२ तिमोथी 3:5 Iomraidhean Croise

मत्ती 7:15

थेमे परमेश्‍वर बात खित्‍कान्‍ते मि ईन साला मेन्‍दे बात लोप्‍कान्‍ते मिओनताङ च्‍याङबो खाला देत। थेबाचेन सुङलाङ छ्याःङ मेलेबा मिक्‍किकान्‍ते लुक च्‍योकराङ थोङगो। ईन्‍सीनोङ थेबानी फारा च्‍योकराङ मेलेबा ईन।

एफिसी 4:14

दोक ओङनामेकीचेन ङुरूङ पाको गाला मेताते मिकी च्‍योक मिक्‍किओ। पाको गाला मेताते मिकीचेन परमेश्‍वर बात ईन सिन सुइँदेकी मेन्‍दे बात लाप्‍सीन थे ङेन्‍ग्‍यो। लोक्‍ला ज्‍येनज्‍यीगी होथोक्‍ते ज्‍येनराङ बात लाप्‍सीन थेङ ङेन्‍ग्‍यो। होथोक्‍ते बात लोप्‍कान्‍ते मिओन ज्‍येनला छक्‍के खिताला आउदी च्‍याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्‍याप्‍ला खोपरोङ लाःक्‍तु लिन्‍ग्‍यो।

२ थिस्‍सलोनिकी 3:14

ख्‍योकोन नाङ सुइँदेकी ङ्योकोनगी दि चिट्ठीला खि सिन टिबाते बात माङेन्‍सुङ सासीन थोक्‍ते मि सु सु ईन्‍दे सिन ख्‍योकोन गाङेकी लेमु खाला ङो स्‍येबा खाला थेला ङोचा लाङस्‍यीत सिन थोक्‍ते मित्ताङ साङराङ माकेत।

२ थिस्‍सलोनिकी 3:6

थेमे आज्‍यो न्‍वावे, प्रभु येशू ख्रीष्‍टकीराङ ङ्योकोनला दोक खित्‍च्‍येते अधिकार बिन्‍दा ओतेकी ङ्योकोन ख्‍योकोनला च्‍यि खि सिते सासीन खेराङ नाङ ङ्योकोनगी लापाते बात माङेन्‍ला दाक्‍पोन लाःक खिता ताङला अल्‍छी खाला देत्‍कान्‍ते मिओनताङ ङ्योम्‍बुराङ रूला मादेत।

१ तिमोथी 4:7

थेपा कोई कोई मिकी लोप्‍कीन ओताते कामराङ लै मिक्‍किच्‍येते कथाला खुई नामज्‍योक मासेत, ज्‍येनलाङ ङेन माज्‍युत। थेबेकी लोप्‍च्‍येते बातनी सत्‍यते बातताङ डिकराङ मिडिक्‍च्‍येते थेमे थाङनेते फेम्‍मे मि बात च्‍योक्‍ते ईन। थोगी खुई परमेश्‍वरला चुक खाला माने खिन ओते थे छ्य्‌वापा स्‍येत लै खाला झन थोक खिनराङ देत।

१ तिमोथी 4:8

मिओनगी दाक्‍पोन ङार्मा ओङस्‍यीत सिन खोपरोङ जीउला दुक्‍पा बिन्‍गीन तालिम खाबाते छ्याःङ काम लै मिक्‍किच्‍येतेचेन मेन। ईन्‍सीनोङ परमेश्‍वरला माने खित्‍जीन खाबाते कामचेन दि भन्‍दा खापान खापान खुदुक ईन। दोक्‍ते काम खित्‍कान्‍ते मिलाचेन परमेश्‍वरगी दि जुनीलाकामा मेन तिरी जुनीलाङ आशी तेरग्‍यो सिन साबा ओत।

१ तिमोथी 5:8

दाक्‍पोन मिला थे लाक्‍तुङ दाक्‍पोन खाम्‍बे मिला माताकान्‍ते मिकीचेन येशू ख्रीष्‍टला विश्‍वास खित्‍जीन ङेन्‍दाते बात ङेन्‍दा ताङाते ईन। थोक्‍ते मिचेन येशू ख्रीष्‍टला विश्‍वास खाबा मेताते मि भन्‍दाङ मेलेबा ईन।

१ तिमोथी 6:5

थेमे जहिलेङ थोम्‍मुकामा खिन देत्‍च्‍येते ओङगो। थेबे सेम मेलेबा ओतेकी सत्‍यते बात थेबाला छ्याःङ काम लै मिक्‍किओ। थेबेकी परमेश्‍वरला माने खित्‍च्‍येतेचेन सम्‍पत्ति ज्‍वा थुप्‍क्‍यो सिनकामा ईन।

२ तिमोथी 2:16

थेमे सत्‍यते बातताङ डिकराङ मिडिक्‍च्‍येते कामराङ लै मिक्‍किच्‍येते बातला नोमुङ नामज्‍योक मासेत। थोक्‍ते बात खिन देत्‍कान्‍ते मिओनगीनी झन झन परमेश्‍वरगी माकेत साबाते कामकामा खिन डुइओ।

२ तिमोथी 2:23

थेमे छ्याःङ काम लै मिक्‍किच्‍येतेताङ ईनराङ मेन्‍दाते बात खासीन खालि थोम्‍मु जीङगाकामा स्‍योरग्‍यो सिन खोल्‍ला छ्याराङ ओतेकी होदोक्‍ते बात खित्‍कान्‍ते मिओनताङ खुई थोक्‍ते बात छ्याःङ माकेत।

तीतस 1:16

खोपरोङ होथोक्‍ते मि ईन्‍सीनोङ थेबेकीचेन परमेश्‍वर सु ईन्‍दे, चुक्‍ते ईन्‍दे सिन ङ्योकोनला लेमु खाला छ्या ओत सिन सिओ। थेबे काम ताला थेबा परमेश्‍वरला माने खित्‍कान्‍ते मि मेन सिन दाक छ्या स्‍येक्‍यो। थेबाला थोङजीन परमेश्‍वरला गा मालाङो, थेबेकी परमेश्‍वरगी साबाते ङेनराङ मेङेनो थेमे लेमु काम सिराते छ्याःङ खिताराङ मुथुबो।

तीतस 3:10

सत्‍यते बातताङ डिकराङ मिडिक्‍च्‍येते होथोक्‍ते बात खाला परमेश्‍वरला विश्‍वास खित्‍कान्‍तेबे नाङ फाटो स्‍योर ज्‍युत्‍कान्‍ते मिला थोक्‍ते बात मालोप सिन सि। थेकी थोकराङ खिन देत्‍सीन थोक माकेत सिन खुई याङराङ पालोई सि। थोक खित्‍जीनोङ नामज्‍योक मासेत्‍सीन थोक्‍ते मित्ताङ साङराङ माकेत।