२ तिमोथी 3:3 - जिरेल

³ थेबेकी ज्‍येनला मिक कार्बोकीङ ग्‍युरला माताओ, थेबा ज्‍येनतेबाताङ नोमुङ डिक्‍ला थुन्‍ला मेदेदो, थेबा मि मोत्‍कीन थेमे मनपरी खिन ख्‍याम्‍ग्‍यो, थेबे सेमला दया माया सिराते छ्याःङ मेङगो, थेबेकी दाक्‍पोनगीङ लेमु सिराते नोमुङ मिक्‍किओ थेमे लेमु खित्‍कानलाङ मिगी थोङसार्मु खिओ।

२ तिमोथी 3:3 Iomraidhean Croise

मत्ती 10:21

थेमे मिओनगी दिङ येशूला विश्‍वास खित्‍कान्‍ते ईन सिन छ्ये छ्ये मिला लाःप्‍ला दाक्‍पोन आज्‍यो न्‍वालाराङ सेत ज्‍युत्‍क्‍यो। आज्‍यो न्‍वाकी नाङदुकामा मेन, आबातेकी फुज्‍युङ फुमुला सेत ज्‍युत्‍क्‍यो। थोकराङ खाला फुज्‍युङ फुमुतेबेकीङ आबा आमातेबाला विरोध खाला सेत ज्‍युत्‍क्‍यो।

मत्ती 4:1

थेकी बप्‍तिस्‍मा लानामेकी येशूला परमेश्‍वर आत्‍मेकी री नाङपा टीकीन खेरसुङ। ल्‍हन्‍डीक गेल्‍बो शैतानगी थे सेम तारस्‍यीत सिन थेला थेङपा खेरा ओतान।

लूका 10:16

था ख्‍योकोनगी परमेश्‍वर राज्‍य बात लोप्‍जीन जसकी ख्‍योकोन बात ङेन्‍गीदुक थेकी ङे बातराङ ङेन्‍दाते ईन। थेमे जसकी ख्‍योकोन बात मेङेन्‍दुक थेकीचेन ङे बात माङेन्‍दाते ईन। ङे बात मेङेन्‍कान्‍तेकीचेन ङाला दुरू तोङकान्‍तेकी साबातेङ माङेन्‍दाते ईन,” सिन थेबाला थेरूई ताङसुङ।

लूका 16:14

फरिसी पाटी मिओन सम्‍पत्ति लोभ खिन ओतान। थोगी येशूकी चेलातेबाला साबाते सम्‍पत्ति बात थोकीन थेबेकी दिकी चुक मेङच्‍याई बात खासुङा सिन सिराला स्‍यूसुङ।

यूहन्‍ना 6:70

थेमे थेकी “च्‍यि ङे ख्‍योकोन मेरा च्‍युन्‍ङी गाङेला छाने खाबाते मेनरो? दोक ईन्‍सीनोङ ख्‍योकोन नाङ दोक्‍पोईचेन शैतानराङ ईन,” सिन सिदुक।

रोमी 1:29

थोगी थेबेकी परमेश्‍वरगी खिता मेङगो सिन साबाते मेलेबाते कामताङ बातकामा खित्‍च्‍येते, लोभ खित्‍च्‍येते थेमे खालि ज्‍येनला खेदापानी खित्‍च्‍येते खिताला स्‍यूसुङ। थोकराङ खाईन डार खित्‍च्‍येते, मि सेत्‍च्‍येते, थोम्‍मु जीङगा खित्‍च्‍येते, ज्‍येनला ठगे खित्‍च्‍येते, मिला मोता सराप खित्‍च्‍येते थेमे मि बात खिन ख्‍याम्‍च्‍येते खिताला स्‍यूसुङ।

रोमी 1:31

थेबा लेम्‍बा डुइन गाल्‍सुङ। थेबा खोपरोङगी जमान खाबा च्‍योकराङ मिक्‍किकान, ज्‍येनला ङिङज्‍ये मिक्‍किकान थेमे सेमदु दया माया सिराते छ्याःङ मेत्‍कान गाल्‍सुङ।

१ कोरिन्‍थी 7:5

ख्‍यावा फेम्‍मे ओङगीन सिन्‍नामेई दोक्‍पोईकी ज्‍येनज्‍यीक खाँचो टारे खिता फाप्‍च्‍येते ईन्‍देकी ख्‍योकोन ठाल्‍ला माङ्याल। परमेश्‍वरताङ प्रार्थना खिताला कहिलेकहीँ ङिकारगी सल्‍लाह खाला ङ्योम्‍बुराङ ङ्याल्‍च्‍येते बातकीते ङुरूङ छ्याःङ विचार मिक्‍किकी सिन सासीनोङ ज्‍येन बेलाला ठाल्‍ला माङ्याल। ठाल्‍गीन ङ्याल्‍सीन ख्‍योकोनगी दाक्‍पोन सेम थामे खिता मुथुबो। थेमे शैतानगी ख्‍योकोनला पाप खित ज्‍युत्‍क्‍यो।

१ कोरिन्‍थी 7:9

तर थोक खाला देता मुथुप्‍तुक सासीन बरू ख्‍योकोनगी फाङमा खि। खालि ख्‍योओ मिकी फेम्‍मे मित्ताङ ङ्याल्‍च्‍येते थेमे फेम्‍मे मिकी ख्‍योओ मित्ताङ ङ्याल्‍च्‍येते सेमकामा खाला दिन तोङा भन्‍दानी फाङमा खाला देताराङ लेमु ईन।

१ थिस्‍सलोनिकी 4:8

थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।

१ तिमोथी 3:11

थोकराङ खाला थेबे फेम्‍मेतेबाङ लेमु बानी ओताते, मि मोत्‍कीन माख्‍याम्‍कान्‍ते, छ्याङ रक्‍सी काल्‍बा मुथुङकान्‍ते थेमे जस्‍तो कामोङ लेमु खित्‍कान्‍ते ओङा फाप्‍क्‍यो।

तीतस 1:8

बरू थोक्‍ते मिचेन डोम्‍बोताङ फार छुर ख्‍याम्‍कान मिओनला लेमु खित्‍कानज्‍यीक, लेमु कामकामा खिता सेम खित्‍कानज्‍यीक, दाक्‍पोन सेम काबूला ज्‍य्‌वाबा थुप्‍कानज्‍यीक, खिता मेङच्‍येते काम सिराते छ्याःङ मिक्‍किकानज्‍यीक, परमेश्‍वरला मन परे खित्‍च्‍येते कामकामा खित्‍कानज्‍यीक थेमे दाक्‍पोन सेमला लाबा लाबा मिक्‍किकानज्‍यीक ओङा फाप्‍क्‍यो।

तीतस 2:3

थोकराङ खाला गाम्‍मातेबाङ येशूला विश्‍वास खित्‍कान्‍ते फेम्‍मे मिओनगी खिता फापा च्‍योकराङ खित्‍कान ओङा फाप्‍क्‍यो सिन सि। थेबेकी मि मोत्‍कीन ख्‍याम्‍च्‍येते थेमे छ्याङ रक्‍सीकी जिला ख्‍याम्‍बा मेङगो सिन सि। बरू चुक चुक खिता लेमु ईन्‍दे सिन ज्‍येनला लोपा थुप्‍कान्‍तेन्‍दे ओङा फाप्‍क्‍यो सि।

याकूब 2:6

ख्‍योकोनचेन होथोक्‍ते मिओनलाराङ हेला खिदुक। च्‍यि ख्‍योकोनला दुक्‍पा तेरकान्‍ते थेमे मुद्धा लाङला अड्डादु केल्‍कान्‍ते छ्युक्‍पुते मिओनराङ मेनरो?

२ पत्रुस 2:14

थेबाचेन थोङाते जति फेम्‍मे मित्ताङ ङ्यालाकामा छोल्‍ग्‍यो। थोक्‍ते काम खाला थेबा नोमुङ माडाओ। सेम ङि ओताते मिओनला खोपरोङ छ्य्‌वापा लै खित ज्‍युताला थेबा च्‍योक सिपालु ज्‍येन सुङ मेङगो। जहिलेङ सम्‍पत्ति लोभकामा खिन खापेकी चुक खाला सम्‍पत्ति ज्‍वा थुप्‍कीते सिन थेबेकी लेमु खाईन छ्या स्‍येबा ओङगो। थेबाला परमेश्‍वर सराप फाप्‍क्‍यो।

२ पत्रुस 2:19

थेबेकी मिकी दाक्‍पोन खुशीकी जे खासीनोङ ओङगो, छ्याःङ मेलेबा मेङगो सिन ज्‍येनला लोप्‍कीदुक। तर खोपरोङला खिता सेम लाबाते काम मिक्‍किता खाला देताराङ माथुप्‍ला थेबेकी दाक थोक्‍ते मेलेबा काम खिदुक। दोक खाला थेबा पापकी योक्‍पो च्‍योकराङ ओङगीन देत्‍ला दुक। च्‍यिला सासीन जेकी मिला ग्‍याल्‍गीदुक मिचेन होथे योक्‍पोराङ ईन।

२ पत्रुस 3:3

दि बातज्‍यीक ख्‍योकोनगी लेमु खाला छ्या स्‍येबा खि। च्‍यि सासीन येशू ख्रीष्‍ट दुरू ग्‍युरला ओङा भन्‍दा गोमाचेन दाक्‍पोन खुशी खिन मेलेबा मेलेबा काम खित्‍कान्‍ते मिओनगी ख्‍योकोन खिस्‍यी खिन

यहूदा 1:16

ख्‍योकोन नाङ स्‍यूबाते होथे मिओन नोमुङ खुशी मेङा खाला दि काम लेमु मायाङसुङ, थे थोक ओङसुङ सिन जुन बातलाङ खालि गनगनकामा खिन देत्‍क्‍यो। थेबे सेम मेलेबा ओतेकी खोपरोङला जे खिता सेम लाङगीदुक थेराङ खिओ। थेबेकी खोपरोङ जे बादोङ छ्या स्‍येकान ईन सिराच्‍योक खाला बात खिओ। थेमे खोपरोङ फाइदा ताला खो आउदी लेमु मि ईन, दोक दोक खित्‍कान्‍ते ईन सिन मिला तेक्‍ला बात खिओ।

यहूदा 1:18

थेबेकीचेन “प्रभु येशू ख्रीष्‍ट ग्‍युरला ओङा भन्‍दा गोमा थेला विश्‍वास खित्‍कान्‍ते मिओनला खिस्‍यी खित्‍कान्‍ते मितेबा ओङगो। खोपरोङ सेम मेलेबा ओतेकी थेबेकी खोपरोङला जे खिता सेम लाङगीदुक थेराङ खिओ,” सिन साबा ओतान, मेन?

छ्या स्‍ये च्‍युताते बात 13:15

थे मूर्ति जोनामेई थेला ङेपाक लुच्‍येते शक्ति होदि तिरी जन्‍तुला बिन्‍दा ओतान। थेकी ङेपाक लुक्‍नामेई थे गोमे जन्‍तु मूर्तिकी बात खिताला स्‍यूसुङ। थेमे थे खोरोङला मान खाला छ्ये मोजोओ सिरकान गाङेला सेत च्‍युत्‍सुङ।

छ्या स्‍ये च्‍युताते बात 13:17

थे जन्‍तु मिनगीते कि थे मिनगी नम्‍बर छाप मेताला सुङलाङ छ्याःङ छोङच्‍या ङ्योच्‍या खित माच्‍युत्‍सुङ।

छ्या स्‍ये च्‍युताते बात 16:6

च्‍यिला सासीन थेबेकी खोरोङ सन्‍तान थेमे खोरोङ बात खित्‍कान्‍ते मिओनला सेतेकी खुई थेबाला ठाकराङ थुङा बिन्‍सुङ। थेबेकी खोपरोङगी ङेता फाप्‍च्‍येते सजायराङ ङेत्‍सुङ,” सिन साबाते ङे थोसुङ।

छ्या स्‍ये च्‍युताते बात 17:6

थे फेम्‍मे मिचेन परमेश्‍वर सन्‍तानओनला सेत्‍कीन थेबे ठाक थुकीन जा ओतान। थेबाचेन जति दुक्‍पा ओङजीनोङ येशू ख्रीष्‍ट सु ईन्‍दे, थेकी च्‍यि खिते सिन लोप्‍कीनराङ देत्‍कान्‍ते मि ओतान। थे फेम्‍मे मिला थोङजीन ङाला आउदी अचम्‍ब लासुङ।