२ तिमोथी 3:15 - जिरेल

¹⁵ थेमे च्‍याक फिजामेईराङ खोरोङगी दि बात चुक खाईन ङेन्‍गीन वाबाते ईन्‍दे सिन टोक माज्‍येत। परमेश्‍वर बात ताला येशू ख्रीष्‍टला विश्‍वास खित्‍कान्‍ते मिओनला थेकी पापदुकी डेल्‍ग्‍यो सिन खुई लेमु खाला छ्या स्‍येक्‍यो।

२ तिमोथी 3:15 Iomraidhean Croise

मत्ती 22:29

थेबेकी थोक सिरजीन येशूकी “ख्‍योकोनगी मि स्‍यिनामेई तिरी सोम्‍बो मोलोगो सिन सिओ। दि बात ईनराङ मेन। परमेश्‍वर बात पढे खित्‍जीन थेरू च्‍यि साबाते ईन्‍दे सिन ख्‍योकोनगी खोबा ईन्‍सीन थेमे परमेश्‍वरताङ जेङ खिता थुप्‍च्‍येते शक्ति ओत सिन छ्या स्‍येबा ओता ईन्‍सीन मि तिरी सोम्‍बो मोलोगो सिन सिरच्‍या मेतान।

लूका 1:15

च्‍यिला सासीन प्रभु परमेश्‍वरगी थेला छ्येज्‍यीक काम खित ज्‍युत्‍क्‍यो। थेकी छ्याङ रक्‍सी सिराते नोमुङ थुङा मेङगो। थे केजीनमेईराङ परमेश्‍वर आत्‍मेकी खाङाते मि ओङगो।

लूका 2:40

थेरूराङ देत्‍कीन येशू स्‍यारा गाल्‍सुङ। थेमे थेला स्‍येतताङ बुद्धिङ काल्‍बेई स्‍यूसुङ। परमेश्‍वरगी थेला आशी तेरगीन लेमु खिन गाल्‍सुङ।

लूका 24:27

थेमे थे खोरोङला चुक चुक ओङगीते सिन थे खोरोङ विषयला परमेश्‍वर बातला ठाउँ ठाउँला टिबा ओताते बातओन येशूकी थेबा ङिबोला लेमु खाईन खोच्‍या खाईन लाप्‍कीन बिन्‍सुङ। दोक खित्‍जीन थेकी गोमा मोशेकी टिबाते बातदुकी शुरू खाईन परमेश्‍वर बात खित्‍कान्‍ते मि गाङेकी थे खोरोङ विषयला टिबाते बात लाप्‍कीन बिन्‍सुङ।

लूका 24:32

थोक ओङनामेई थेबा ङिबोकी “आनाङ ओङजीन परमेश्‍वर बातला टिबाते बात लोप्‍कान्‍तेनी प्रभु येशू थे खोरोङराङका ईन्‍दा दुका। थोगीराङ ङुरूङला आउदी आनन्‍द लाबा ओतान,” सिन सासुङ।

लूका 24:45

थेमे थेकी थेबाला थे खोरोङ विषयला परमेश्‍वर बातला टिबा ओताते बातओन लेमु खाईन खोच्‍या खाईन लाप्‍कीन बिन्‍सुङ।

यूहन्‍ना 5:47

थेकी टिबाते बातराङ मेङेन्‍दुक सासीन ख्‍योकोनगी ङे बात चुक खाला ङेन्‍गीतेरो?” सिन सिदुक।

शक्ति काम 10:43

थेमे परमेश्‍वर बात खित्‍कान्‍ते मि गाङेकी गोमाकाराङ येशू ख्रीष्‍ट विषयला बात खाईन थेला विश्‍वास खित्‍कान गाङेला परमेश्‍वरगी थेबेकी खाबाते पाप गाङे माफ तेरग्‍यो। दोक खाला पाप माफ तेरच्‍येते थेकी येशू ख्रीष्‍टकी खाबाते कामगी खित्‍सादु खिओ सिरच्‍येते बात खाबा ओतान,” सिन सिदुक।

शक्ति काम 13:29

थोक खाईन परमेश्‍वर बातला थोक थोक ओङगो सिन गोमाका टिबाते बात गाङे साबा च्‍योकराङ ओङ च्‍युत्‍नामेई थेबेकी थेला टाँए खाईन सेताते स्‍यिङगी थामदुकी थेन्‍गीन खेरगीन दिसुङ।

शक्ति काम 16:1

थोक खिन पावलबा डर्बीपा लेप्‍सुङ। थेमे थेरूकीङ लिस्‍त्रापा गाल्‍सुङ। लिस्‍त्रादु तिमोथी सिराज्‍यीक येशू चेला ओतान। थेते आमाते यहूदी थेमे आबाचेन ग्रीक ओतान। थे आमातेङ येशूला विश्‍वास खित्‍कान्‍ते मि ओतान।

शक्ति काम 17:2

ज्‍येननापा च्‍योकराङ पावलचेन थेरूङ थे मिटिङ खित्‍च्‍येते खाम्‍बादु गाल्‍सुङ। थेमे सन्‍चारी सन्‍चारी ङीमा सुमसाक ख्रीष्‍टला चुक ओङगीते सिन परमेश्‍वर बातला गोमाका टिबाते बातओन पढे खिन

शक्ति काम 26:24

पावल दोक खाला बात खिन खिनला किल्‍दुराङ हाकिम फेस्‍तसकी गाङेकी थोच्‍या खाईन “पावल, खो लेम्‍बे बात माकेत। खोनी काल्‍बा बात छ्या स्‍येच्‍या गाल्‍गीन ङ्योकीन सिन्‍दुक,” सिन सासुङ।

रोमी 1:2

दि गा लाङच्‍येते बात तिरी लेमु खाला छ्या स्‍ये ज्‍युत्‍क्‍यो सिन परमेश्‍वरगी गोमाका थे खोरोङ बात खित्‍कान्‍ते मिओनला परमेश्‍वर बातला टिक च्‍युता ओतान।

रोमी 16:26

थाचेन परमेश्‍वरगी मिओनला छ्या स्‍ये च्‍युत्‍कीन बिन्‍दा ओत। दि गा लाङच्‍येते बातकी विषयलाचेन परमेश्‍वर बात खित्‍कान्‍तेबेकीङ गोमाका टिबा ओतान। सधैँ देत्‍कान्‍ते परमेश्‍वरगी दोकराङ ओङस्‍यीत साकीन जात जातकी मिकी थे खोरोङला विश्‍वास खाला थेकी साबाते ङेन्‍स्‍यीत सिन गाङेपा गा लाङच्‍येते बात लाप्‍कीन बिन्‍दा ओत।

रोमी 2:27

थोगी होथोक्‍ते ज्‍येन ज्‍येन जातकी मिकी ख्‍योकोनला दोषी ईन सिओ। च्‍यिला सासीन थेबेकी परमेश्‍वर नियम ङेता मेत्‍सीनोङ थेमे खतकी चिनु जोबा मेत्‍सीनोङ परमेश्‍वर नियमला खि साबा च्‍योकराङ खिदुक। तर दोक दोक खि सिन टिबाते परमेश्‍वर नियम ङेता ओत्‍सीनोङ थेमे खतकी चिनु जोकान ईन्‍सीनोङ ख्‍योकोनचेन थे नियमला खि साबाच्‍योक खितराङ मिक्‍किदुक।

१ कोरिन्‍थी 1:21

दोक खाईन आउदी बुद्धि पुरे खाला काम खित्‍कान्‍ते परमेश्‍वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्‍येबा मुथुबो सिन तेन्‍गीन बिन्‍दा ओत। मिओनगी लेम्‍बे बात ईन सिरच्‍येते ङ्योकोनगी लोप्‍च्‍येते बातराङ मिओनगी ङेन्‍स्‍यीत थेमे दि बात ङेन्‍ला येशूला विश्‍वास खित्‍कान्‍तेबाला पापकी सजायदुकी डेल्‍ग्‍यो सिन परमेश्‍वरगी टुङ्गो खाईन दोक खिताराङ थेला लेमु लासुङ।

एफिसी 6:4

थेमे आबा आमातेबा ख्‍योकोनगीङ फिजाओनला थाप्‍कीन ङारगीनकामा देत्‍ला स्‍येदाङ मालोङ। बरू प्रभु ख्रीष्‍टकी च्‍यि बात चुक खाईन लापा ओताने सिन विचार खाला थेबेकी चुक खिता फाप्‍कीते, थेबे बानी बिवारा चुक ओङा फाप्‍कीते सिन थेबाला लेमु खाला लोप।

१ तिमोथी 4:13

ङा थेपा ओङ ओङसाक थेरू गाङेला परमेश्‍वर बात थोच्‍या खाला पढे खाला बिन थेमे थे बातला च्‍यि साबाते ईन्‍दे सिन लाप्‍ला बिन।

२ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङे कामचेन परमेश्‍वरगी तेरग्‍यो साबाते नोमुङ मिसिन्‍च्‍येते जुनीचेन येशू ख्रीष्‍टकी खित्‍सादु ङेत्‍क्‍यो सिन ज्‍येनला लोप्‍च्‍येते ईन।

२ तिमोथी 1:5

थेमे खेकीकामा मेन्‍देकी खुई पक्‍काराङ खाईन येशू ख्रीष्‍टला विश्‍वास खाबाते बात ङे टोक ज्‍येता मेत। खुई गोम्‍मु लोइसताङ खोरोङ आमा युनिसकीङ थोङला होदोकराङ खाला परमेश्‍वरला विश्‍वास खिन ओतान। खोङ थेबेकी च्‍योकराङ खाला येशू ख्रीष्‍टला विश्‍वास खित्‍कान्‍ते मि ईन सिन ङाला लेमु खाला छ्या ओत।

२ पत्रुस 3:16

प्रभु येशू ग्‍युरला ओङच्‍येते बात थेकी थे खोरोङ चिट्ठी गाङेला टिबा ओत। ईन्‍दानी थेकी टिबाते कोई कोई बातकी अर्थ खोबाला आउदी दुक्‍पाङ ओत। थोगीराङ परमेश्‍वर बात लेमु खाईन छ्या स्‍येबा मेताते सेम ङि ओताते मिओनगी थे चिट्ठी बाततेबा खोपरोङ अर्थ लै खाला लोप्‍कीदुक। थेबेकीचेन परमेश्‍वर बातला साबाते ज्‍येन बादोङ होदोकराङ खाला लोप्‍क्‍यो। दोक खाबेकी थेबे गोःनामा परमेश्‍वर सजाय फाप्‍क्‍यो।

छ्या स्‍ये च्‍युताते बात 19:10

थेकी थोक सानामेई से खिताप सिन ङा थे दूतकी काम्‍बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्‍वरला च्‍योक खाला से माकेत। येशू सु ईन्‍दे, थेकी च्‍यि खिते सिन लोप्‍कान्‍ते खोत्ताङ खुई आज्‍यो न्‍वाओन च्‍योकराङ ङाङ परमेश्‍वर काम खित्‍कान्‍तेकामा ईन। थोगी परमेश्‍वरलाकामा छ्ये जो। येशू सु ईन्‍दे, थेकी च्‍यि खिते सिन लोप्‍च्‍येतेचेन परमेश्‍वर आत्‍मे छ्य्‌वापेई खित्‍च्‍येते ईन,” सिन सिदुक।