२ तिमोथी 3:13 - जिरेल

¹³ थेमे मेलेबा काम खित्‍कानताङ ज्‍येनला छक्‍के खित्‍कान्‍ते मिओनचेन होथोक्‍ते कामकामा खिन देत्‍ला झन झन ङ्येकीन डुइओ। थोक खित्‍जीन थेबेकी ज्‍येनलाङ ङ्ये ज्‍युत्‍क्‍यो, खोपरोङोङ ङ्येक्‍यो।

२ तिमोथी 3:13 Iomraidhean Croise

२ कोरिन्‍थी 6:8

थेमे कोईकी ङ्योकोनला मान खिदुक, कोईकीचेन दिबाङ सु ईन्‍देरो सिराच्‍योक खाला छ्याःङ च्‍योक गने मिक्‍किदुक। कोईकी फलानाबा लेमु काम खित्‍कान्‍ते मि ईन सिन बात खिदुक। ङ्योकोन सत्‍यते बात लोप्‍कान्‍ते ईन। ईन्‍सीनोङ मिओनगी ङ्योकोनला मेन्‍दे बात लोप्‍कान ईन खिदुक।

१ तिमोथी 4:1

थेमे था तिरी कोई कोई मिकी मिला छक्‍के खिताला ल्‍हन्‍डीक स्‍यिन्‍डीपकी जोबाते मेन्‍दा मेन्‍दे बात ङेन्‍ला खोपरोङगी येशू ख्रीष्‍टला विश्‍वास खित्‍जीन ङेन्‍दाते बात ङेन्‍दा तोङगो। दोक खिओ सिन परमेश्‍वर आत्‍मेकी लेमु खाईन साबा ओत।

२ तिमोथी 3:8

होथोक्‍ते फेम्‍मे मिओनला लुला खोपरोङ छ्य्‌वापा लै खित ज्‍युत्‍कान्‍ते मिओनचेन यान्‍नेसताङ याम्‍ब्रेस च्‍योक्‍तेबा ईन। थाङबो होथेबा ङिबोकी मोशे बात माङेन्‍दा च्‍योकराङ होदिबेकीङ सत्‍यते बात मेङेनो। थेबा सेम लेमु ओताते मि मेन। थेबेकी खोपरोङ येशूला विश्‍वास खित्‍कान्‍ते मि ईन सासीनोङ परमेश्‍वरगी थेबा थोक्‍ते मि मेन सिओ।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

२ पत्रुस 2:20

ङुरूङला पापदुकी डेल्‍कान्‍ते प्रभु येशू ख्रीष्‍ट सु ईन्‍दे, चुक्‍ते ईन्‍दे सिन छ्या स्‍येकीन दि सा लुङबे मिओनगी खित्‍च्‍येते जेसुकै मेलेबाते काम खिता ताङगीन सिन्‍दाते मिओनगी लोक्‍ला गोमा खाबा च्‍योक्‍ते कामराङ खिताला स्‍यूला थोक खित्‍च्‍ये छ्य्‌वापेई ठालाराङ मुथुप्‍तुक सासीन थेबा गोमा भन्‍दाङ झन ज्‍यीबा लाङच्‍या मेलेबा डुइओ।

२ पत्रुस 3:3

दि बातज्‍यीक ख्‍योकोनगी लेमु खाला छ्या स्‍येबा खि। च्‍यि सासीन येशू ख्रीष्‍ट दुरू ग्‍युरला ओङा भन्‍दा गोमाचेन दाक्‍पोन खुशी खिन मेलेबा मेलेबा काम खित्‍कान्‍ते मिओनगी ख्‍योकोन खिस्‍यी खिन

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।

छ्या स्‍ये च्‍युताते बात 13:14

थे गोमे जन्‍तुला छ्ये ज्‍वाप्‍ला दोक्‍ते अचम्‍बते काम खाला तेन्‍च्‍येते शक्ति बिन्‍दा ओतेकी दि सादुकी थेन्‍दाते जन्‍तुकी होथोक्‍ते काम खाईन सा लुङबे मि गाङेला छक्‍के खासुङ। थेकी मि गाङेला होथे गोमे जन्‍तुला मान खिता फाप्‍क्‍यो सिन थे जन्‍तु मूर्ति जोर च्‍युत्‍सुङ। थे जन्‍तुचेन स्‍यिच्‍या खाईन तरवारगी तुप्‍कीन मा थोता ओत्‍सीनोङ सोन्‍दा ओतान।

छ्या स्‍ये च्‍युताते बात 18:23

थोकराङ खाला था थेरू बत्ती नाम्‍दाकोङ नोमुङ मोथोङो। थेमे फाङमा खित्‍च्‍येते सिरातेङ था थेरू नोमुङ मेङगो। थेरू जोबाते चीजओन छोङकान्‍ते बेपारीओनला लुङबा लुङबे मिकीराङ छ्या स्‍येबा ओतान। थेबाचेन दि पृथ्‍वीते छ्ये छ्ये मि ओतान। थे सारगी झिलिमिली थोङगीन गाङे सा लुङबे मि छक्‍के खाबा ओतान।