२ तिमोथी 3:11 - जिरेल

¹¹ मिओनगी ङाला खेदा खाईन खाईन दुक्‍पा बिन्‍दाते थेमे ङे भोगे खाबाते जेसुकै दुक्‍पा खोल्‍ला छ्या मेताते मेन। एन्‍टिओखिया, आइकोनियम थेमे लिस्‍त्रा सारगी नाङला मिओनगी ङाला चुक मेलेबा खाबा ओताने सिरच्‍येते बादोङ खोल्‍ला छ्याराङ ओत। ङाला जहाँदु जस्‍तो दुक्‍पा ओङसीनोङ प्रभु येशू ख्रीष्‍टकी थोक्‍ते गाङे दुक्‍पादुकी जोए खाबा ओत।

२ तिमोथी 3:11 Iomraidhean Croise

शक्ति काम 13:14

पावलताङ बारनाबासचेन थे सारदुकीङ पिसिदिये अञ्‍चल एन्‍टिओखिया सारदु लेप्‍सुङ। थेरू लेप्‍नामेई सन्‍चारी छोमु थेबा ङिबो यहूदीओनते मिटिङ खित्‍च्‍येते खाम्‍बादु गाल्‍गीन थेरू जम्‍मा ओङाते ज्‍येनतेबाताङराङ देत्‍सुङ।

शक्ति काम 13:45

थोक काल्‍बेई मि थेरू वाबा थोङगीन थानी मि गाङे पावलताङ बारनाबास छ्य्‌वापाका लै खिताला स्‍यूसुङ सिन यहूदीओनला खोक्‍पो खाईन स्‍येदाङ लासुङ। थेमे थेबेकी थेरू ओताते मिओनला पावलगी खाबाते बात ईनराङ मेन्‍दे बात ईन सिन आउदी खाईन थे विरोध खिताला स्‍यूसुङ।

शक्ति काम 14:8

लिस्‍त्रा सारदु कुज्‍येज्‍यीक ओतान। थे केजीनमेईराङ कुज्‍ये ओतेकी नोमुङ ख्‍याम्‍बा थुप्‍कीन मेतान।

शक्ति काम 20:19

च्‍यि सासीन प्रभु येशूकी ङाला खि साबाते काम ङे छ्ये मिक्‍किता खाईन खाबाप। यहूदीओनगी ङाला सेताप सिन बाजिताङ बाजि ठो खाबेकी दि काम खित्‍जीन ङे पीर खिन दुक्‍पाङ भोगे खिता फाप्‍सुङ।

शक्ति काम 23:10

थेबेकी थोक सानामेईनी थेबा झन जीङा जीङाराङ खिताला स्‍यूसुङ। थेरू थोक हल्‍ला खल्‍ला ओङा थोकीन थेबा जीला पावलला सेत्‍कीता सिन ज्‍यीबेकी थे मिल्‍टेरी छ्येते मिकी “मिमा गाल्‍ला थे मिला छिटो याङराङ देने लाला खोरच्‍योक,” सिन मिल्‍टेरीओनला लिन ताङसुङ।

शक्ति काम 26:17

थोक खिताला था ङा खोल्‍ला यहूदीताङ ज्‍येन ज्‍येन जातकी मि ओत्‍साला तोङगो। तर ज्‍यीबा माकेत। ङा खोल्‍ला थेबा गाङे लाःक्‍तुकी जोए खाला ज्‍य्‌वाक्‍यो।

शक्ति काम 26:22

दि दिनसाक परमेश्‍वरगी ङाला लेमुराङ खाईन ताबा ओत। थोगी खित्‍सादु ङा दुरूङ छ्ये टेक्‍टे जो ईन्‍सीनोङ गाङेला ङाराङगी छ्या स्‍येबातेताङ ओङाते बातकामा खिन ओत। दोक खित्‍जीन मोशा थेमे परमेश्‍वर बात खित्‍कान्‍तेबेकी तिरी चुक चुक ओङगीते सिन साबाते बातराङ ङा लोप्‍कीन ओत।

शक्ति काम 9:16

ङा सु ईन्‍दे सिन लोप्‍जीन थेकी आउदी दुक्‍पा खपे खिता फाप्‍क्‍यो सिरच्‍येते बादोङ ङा थेला सिओ,” सिन सिदुक।

रोमी 15:31

ख्‍योकोनगी चुक सिन प्रार्थना खिसे सासीन ङा यरूशलेमपा डोजीन थेपा यहूदिये अञ्‍चलदु ओताते येशू ख्रीष्‍टला विश्‍वास मिक्‍किकान्‍ते यहूदीओनगी ङाला मेलेबा खिता मुथुप्‍स्‍यीत थेमे ज्‍येन ज्‍येन जातकी मिकी जम्‍मा खाबाते ङे यरूशलेमदु परमेश्‍वर सन्‍तानओनला खेरच्‍येते थे पैसा थेबेकी गा खिन लिन्‍स्‍यीत सिन प्रार्थना खि।

२ कोरिन्‍थी 1:5

ख्रीष्‍टकी आउदी दुक्‍पा भोगे खाबा ओतान। थेकी च्‍योकराङ खाला ङ्योकोनोङ दुक्‍पा भोगे खिन ओत। दुक्‍पा भोगे खित्‍च्‍येतेकामा मेन, ख्रीष्‍टकी छ्य्‌वापेकी परमेश्‍वरगी ङ्योकोनला झन झन आँट तेरगीदुक।

२ कोरिन्‍थी 1:7

ङ्योकोनला दि बात लेमु खाला छ्या ओत। च्‍यि सासीन ख्‍योकोनगीङ ङ्योकोनगी च्‍योकराङ दुक्‍पा खपे खिन ओत। दुक्‍पा खपे खित्‍च्‍येतेकामा मेन, परमेश्‍वरगी ङ्योकोनला खाबा च्‍योकराङ खाला ख्‍योकोनलाङ आँट तेरग्‍यो।

२ कोरिन्‍थी 12:10

थोगी ङाराङगी छ्याःङ खिता मुथुप्‍जीन ईन्‍स्‍यीत, ज्‍येनगी ङाराङला इज्‍जत बेइज्‍जत खित्‍जीन ईन्‍स्‍यीत, दुक्‍पा ङेत्‍जीन ईन्‍स्‍यीत, मिओनगी ङाराङला खेदापानी खित्‍जीन ईन्‍स्‍यीत थेमे आपत् विपत्‌ला फाप्‍जीन ईन्‍स्‍यीत ख्रीष्‍टकी मि ईन्‍देकी ङानी सधैँ गा खिन देता थुप्‍क्‍यो। दोक खाला ङाराङगी छ्याःङ खिता मुथुपे बेलालाराङ ख्रीष्‍टकी शक्ति ङेता ओतेकी ङे जेङ खिता थुप्‍कीदुक।

२ तिमोथी 4:7

दुक्‍पा किम्‍मु जस्‍तो ओङजीनोङ ङे ङाराङ काम लेमु खाईन खाबा ओत, बत्ते खित्‍कान्‍ते मि ख्‍योला फाप्‍सासाक लेपाच्‍योक खाईन ङेङ ङाराङगी खिता फाप्‍च्‍येते काम गाङे खाईन सिन्‍दा खाबा ओत। थेमे येशू ख्रीष्‍टला विश्‍वास खाईन ङेन्‍दाते बात ङे जुनी खाङ ङेन्‍गीनराङ देताप।

२ पत्रुस 2:9

प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।