२ तिमोथी 3:10 - जिरेल10 बात दोक दोक ईन्सीनोङ ङे बातचेन गाङे खोल्ला लेमुराङ खाला छ्या ओत। च्यि सासीन सत्यते बात लोप्जीन ङे च्यि बात चुक खाईन लापा ओताने, ङे चुक चुक खाबा ओताने थेमे ङे ङाराङ जुनी खाङ च्यि खिता चाला ओताने सिन खोल्ला छ्याराङ ओत। दोस्यिककामा मेन, ङे येशूला चुक खाला विश्वास खिन ओताने, ङा चुक खाला ज्येनताङ स्येदाङ मिक्किता खाला देत्कीन ओताने, ज्येनला चुक खाला ङिङज्ये खिन ओताने थेमे जस्तो दुक्पा ओङसीनोङ ङे चुक खाला खपे खिन ओताने सिन गाङे बात खुई छ्या स्येबाराङ ओत। Faic an caibideil |
२ तिमोथी 3:10
27 Iomraidhean Croise
आज्यो न्वावे, था थोरूम बातज्यीक च्यि सासीन ओर्च्ये ख्योकोनगी खेराङ नाङ फाटो ओङ ज्युत्कान्ते थेमे खेराङला गोमाका लाप्कीन बिन्दाते गा लाङच्येते बातताङ मिडिक्च्येते बात लाप्ला अलमल्ल लोङकान्ते मिओन सु सु ईन्दाका सिन छ्या स्येला थेबाताङ च्याङबो खि। थोक्ते मिओनताङचेन ख्योकोनगी साङराङ माकेत।
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
च्यिला सासीन ङ्योकोनगी लोप्च्येते गा लाङच्येते बातचेन मि बातकामा मेन्देकी थे बातकी छ्य्वापेई परमेश्वरगी ख्योकोन नाङ छ्ये छ्ये शक्ति काम खासुङ। थे बात पक्काराङ सत्यते ईन सिन परमेश्वर आत्मे छ्य्वापेई लेमु खाईन छ्या स्येबेकी ङ्योकोनगी थे बात ख्योकोनला लेमु खाईन लोपा थुपाते ईन। थेजीन ख्योकोनताङ देत्जीन ख्योकोनला लेमु ओङस्यीत सिन ङ्योकोनगी चुक चुक खाबा ओताने सिन ख्योकोनला गाङे छ्या ओतेकी ङ्योकोनगी छ्याःङ सिरा माफाप्तासीन।
तर खोचेन परमेश्वरगी खि साबाते काम खित्कान्ते मि ईन। थोगी खुई थोक्ते मेलेबा काम छ्याःङ माकेत। खुईचेन परमेश्वरगी खि साबा च्योकराङ खिन देत, थेला चुक खाला माने खिता फाप्च्येते ईन्दे थोकराङ खाला माने खि, येशू ख्रीष्टला विश्वास खिन देत। दोस्यिककामा मेन, ज्येनला ङिङज्ये खि, दुक्पा ओङसीनोङ खपे खिन देत थेमे गाङेताङ खा छ्येत लेमु खि। खुई होदोक दोक खित्च्ये छ्य्वापाकामा सेम लै खि।
थोगी खुईचेन स्यारातेबाला खिता सेम लाङच्येते दाक्पोन सेमला लाबा लाबाच्योक खित्च्येते मेलेबा काम सिराते नोमुङ माकेत। परमेश्वरगी खि साबा च्योकराङ खि, येशूला विश्वास खिन देत, ज्येनला ङिङज्ये खि थेमे ज्येनतेबाताङ डिक्ला थुन्ला देत। येशू ख्रीष्टला प्रभु सिन सिरकान्ते सेमला छ्याःङ पाप मेताते मिओनताङ खुई होदोककामा खिन देत।
खुई चुक खिता फाप्कीते सासीन मिओनला परमेश्वर बात लोप्कीनराङ देत, मिओनगी ङेन्सीनोङ माङेन्सीनोङ जुन बेलालाङ थे बात लोपा मातोङ थेमे गल्ती खित्कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्दे सिन गाङेला लाप्ला बिन। थानी दिबाला थोई लोप्च्ये सिराच्योक माकेत, सुङताङ स्येदाङ मिक्किता खाला खा छ्येत लेमु खिन दोक खाला लोप्कीनराङ देत।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
Sanasan