२ तिमोथी 2:7 - जिरेल

⁷ ङे थाल्‍ला साबाते दि बातओन च्‍यि च्‍यि साबाते ईन्‍ताका सिन सेमदु लेमु खाला गुने खि। प्रभु येशू ख्रीष्‍टकी खोल्‍ला खुई खोबा फाप्‍च्‍येते दोक्‍ते बात गाङे लेमु खाला खो च्‍युत्‍ला तेरग्‍यो।

२ तिमोथी 2:7 Iomraidhean Croise

लूका 21:15

च्‍यिला सासीन थेजीन ङा ङाराङराङ ख्‍योकोनला चुक सिन बात खित्‍च्‍ये सिन बुद्धि तेरग्‍यो। थोक ओङनामेकी ख्‍योकोन विरोध खित्‍कान्‍तेबा सुङगीङ ख्‍योकोन बातला मेन सिरा मुथुबो, ख्‍योकोन बात साँचो मेन सिन थेबेकी छ्याःङ कारण तेरा मुथुबो।

लूका 24:45

थेमे थेकी थेबाला थे खोरोङ विषयला परमेश्‍वर बातला टिबा ओताते बातओन लेमु खाईन खोच्‍या खाईन लाप्‍कीन बिन्‍सुङ।

लूका 9:44

“ङा ख्‍योकोनला दि बातज्‍यीक सिओ। दि बात लेमु खाला नामज्‍योक सेत्‍ला ङेन। च्‍यि सासीन था परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला ज्‍येन मि लाःक्‍तु सोम्‍पे खित्‍च्‍येते बेला लेपा खाबा ओत,” सिन सिदुक।

यूहन्‍ना 14:26

था आबेकी ख्‍योकोनला सल्‍लाह तेरकान्‍तेला ङे छ्य्‌वापेकी तोङगो। थेचेन परमेश्‍वर आत्‍मा ईन। थेकी वाला ख्‍योकोनगी च्‍यि खिता फाप्‍कीते, चुक खिता फाप्‍कीते सिन गाङे लाप्‍ला तेरग्‍यो। थेमे ङे ख्‍योकोनला लाप्‍कीन बिन्‍दाते गाङे बात ठेम्‍बा लोङगो।

यूहन्‍ना 16:13

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

शक्ति काम 7:10

थेकी आउदी दुक्‍पा ङेत्‍सीनोङ परमेश्‍वरगी थेला लेमु खाईन ताकीन याङ याङ थे दुक्‍पादुकी टाल्‍गीन बिन्‍दा ओतान। परमेश्‍वरगी थेला आउदी बुद्धि बिन्‍दा ओतान। थोगी तिरी मिश्रे गेल्‍बो फारो दोन्‍दु क्‍याल्‍नामेकी थेकी थेला आउदी बुद्धि ओताज्‍यीक थोङगीन थे खोरोङ लुङबे छ्येते मि जोकीन लुङबा खाङ गाङेपा ताच्‍येते अधिकार बिन्‍दा ओतान। थेमे थे खोरोङ दरवारदु जेसुकै ताच्‍येते जिम्‍माङ थेलाराङ बिन्‍दा ओतान।

१ कोरिन्‍थी 12:8

चुक सासीन परमेश्‍वर आत्‍मेकी कोईला परमेश्‍वर बातकी अर्थ खोले खित्‍च्‍येते बुद्धि बिन्‍दा ओङगो सासीन थेकीराङ कोईला परमेश्‍वरगी चुक खाला काम खिते सिन छ्या स्‍ये च्‍युताते बात लोप्‍च्‍येते शक्ति बिन्‍दा ओङगो।

फिलिप्‍पी 4:8

थोगी बात चुक सासीन आज्‍यो न्‍वावे, ख्‍योकोनगी लेमुते थेमे खिता ओङच्‍येते कामताङ बातकीतेकामा विचार खि। चुक सासीन ख्‍योकोनगी साँचोते बातकामा खित्‍च्‍येते, लेमुते कामताङ बातकामा खित्‍च्‍येते, अन्‍याय मिक्‍किच्‍येते, मेलेबाते कामताङ बात छ्याःङ मिक्‍किच्‍येते, लेमु लाङच्‍येते थेमे मि सेमला डोच्‍येते कामताङ बातकीतेकामा विचार खि।

कलस्‍सी 1:9

ख्‍योकोन बात थोबा छोमुमेई ङ्योकोनगी ख्‍योकोन लाईदु परमेश्‍वरला प्रार्थना खिता ताङा मेत। परमेश्‍वरगी ख्‍योकोनला थे खोरोङ आत्‍मे छ्य्‌वापेई बुद्धि बिन्‍ला खोबा फाप्‍च्‍येते बात गाङे लेमु खाला खो च्‍युत्‍ला थे खोरोङगी च्‍यि च्‍यि खि सिते सिन ख्‍योकोनगी लेमु खाला छ्या स्‍येस्‍यीत सिन ङ्योकोन प्रार्थना खिओ।

१ तिमोथी 4:15

खोरोङला खि साबाते दि कामबरी थुपासम्‍म स्‍येत खाला खि। थोक खिन देत्‍नामेई खुई झन लेमु खिन दुक सिन गाङेकी छ्या स्‍येक्‍यो।

२ तिमोथी 2:6

थोकराङ खाला बाली लेस्‍यीत सिन आउदी दुक्‍पा खाला कमाइ खित्‍कान्‍ते मिकीङ थे खोरोङगी दुक्‍पा खाबा अनुसार बाली थोक्‍पा रूक्‍पा ङेत्‍क्‍यो।

२ तिमोथी 2:8

थेमे गेल्‍बो दाऊद सन्‍तान नाङ केबाते येशू ख्रीष्‍टला सधैँ सम्‍झे खिन देत। परमेश्‍वरगी थेला स्‍यिसादुकी सोम्‍बो लोक्‍पा ओत। मिओनला ङे लोप्‍कीन ओताते गा लाङच्‍येते बादोङ दिराङ ईन।

हिब्रू 12:3

पापीओनगी थेला चुक खाईन खितासम्‍म विरोध खाईन दुक्‍पा बिन्‍दा ओताने सिरच्‍येते बात ठेम्‍बा खि। थे बात सम्‍झे खासीन दुक्‍पा भोगे खिता फाप्‍जीन ख्‍योकोन सेम मेसेता खाला देता थुप्‍क्‍यो, दि भन्‍दा ल्‍हाक्‍पा दुक्‍पाचेन ङे खपे खिता मुथुबो सिराच्‍योक खाला हरेस सा माफाबो।

हिब्रू 13:7

खेराङला ताकान्‍ते छ्ये छ्ये मि बात ठेम्‍बा खि। थेबेकी ख्‍योकोनला परमेश्‍वर बात लापा ओतान। दुक्‍पा किम्‍मु जस्‍तो ओङजीनोङ स्‍यि स्‍यिसाकराङ थेबेकी चुक खाईन परमेश्‍वरला विश्‍वास खाबा ओताने थे ताला ख्‍योकोनगीङ थेबेकी खाबा च्‍योकराङ खि।

हिब्रू 3:1

बात दोक दोक ईन्‍देकी आज्‍यो न्‍वावे, ख्‍योकोनचेन स्‍वर्गने देताला परमेश्‍वरगी थे खोरोङ दोन्‍दु स्‍योक सिन काताङाते मि ईन्‍देकी येशू चुक छ्ये ईन्‍दे सिरच्‍येते बातकीतेकामा ध्‍यान खिन देत। थेचेन परमेश्‍वरगीराङ खटे खाईन ताङाते थेमे गाङे भन्‍दा छ्येते पूजारी ईन। थे पक्‍काराङ होदोक छ्ये ईन सिन ङुरूङ थेला विश्‍वास खिओ।

हिब्रू 7:4

ङुरूङ ज्‍युज्‍यु अब्राहामगी थे खोरोङगी लडाइँला ग्‍याल्‍गीन ठ्वाकीन खुलाबाते जेसुकै नाङ बो च्‍युताम्‍बेते बोज्‍यीक टाल्‍गीन थेला बिन्‍दा ओतान। थोगी थे अब्राहाम भन्‍दाङ छ्ये ईन सिन लेमु खाला छ्या स्‍येकीदुक।

याकूब 1:5

थेमे ख्‍योकोन सुइँदाला च्‍यि खित्‍च्‍ये, चुक खित्‍च्‍ये सिन छ्या मेते बेलाला चुक खित्‍च्‍ये सिन बुद्धि नाङ सिन परमेश्‍वरताङ प्रार्थना खि। दोक खानामेई मिओनला लेमु खित्‍कान्‍ते ईन्‍देकी थेकी छ्याःङ दुक्‍स्‍यी मिक्‍किता खाला खेराङला गोबाते बुद्धि तेरग्‍यो।

याकूब 3:15

ख्‍योकोनगी बात खाबा च्‍योक्‍ते बुद्धिनी परमेश्‍वरगी बिन्‍दाते ईनराङ मेन। दिनी दि सा लुङबे मिओनगी बात खित्‍च्‍येते च्‍योक्‍ते बुद्धि बात ईन। दोक्‍ते बुद्धिनी दाक्‍पोन खुशी खित्‍कान्‍ते मित्ताङ ओङच्‍येते बुद्धि ईन। थेमे शैतानगी कोता कोता ङेन्‍कान्‍ते मिओनताङ ओङच्‍येते बुद्धि ईन।

याकूब 3:17

तर परमेश्‍वरगी बिन्‍दाते बुद्धि ङेता ओताते मिओनगीचेन काम बात जे खित्‍जीनोङ लेमुतेकामा खिओ, थेबा ज्‍येनताङ डिक्‍ला थुन्‍ला देता छोल्‍ग्‍यो, गाङेताङ खा छ्येत लेमु खिओ, दाक्‍पोन भन्‍दा छ्येकी साबाते ङेन्‍ग्‍यो, ज्‍येनला ङिङज्‍ये खाला लेमु लेमु काम खिओ, सुङलाङ काका पाका मिक्‍किओ थेमे सेमला मेलेबा विचार मोज्‍योओ।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।