२ तिमोथी 2:24 - जिरेल

²⁴ प्रभु येशू ख्रीष्‍ट काम खित्‍कान्‍ते मिकी ज्‍येनताङ थोम्‍मु जीङगा खिता मेङगो। बरू गाङेताङ खा छ्येत लेमु खाला बात खिता फाप्‍क्‍यो, ज्‍येनला लेमु खाला लोपा थुप्‍कानज्‍यीक ओङा फाप्‍क्‍यो थेमे ज्‍येनगी जे खासीनोङ स्‍येदाङ खुरा मेङगो।

२ तिमोथी 2:24 Iomraidhean Croise

मत्ती 12:19

दि सुङताङ थोम्‍मु मिक्‍किओ। थेमे दिकी ङोरो जोदाई तेन्‍ला बात खित्‍च्‍येतेङ मिक्‍किओ। थेमे दि खोरोङ चुक्‍ते ईन्‍दे सिन छ्या स्‍येस्‍यीत सिन मि छ्वासा रूसे नाङला कस्‍स्‍ये खाला बादोङ मिक्‍किओ।

यूहन्‍ना 6:52

थेकी थोक सानामेईनी यहूदीओन थेत्ताङ झन स्‍येदाङ खिन “दिकी चुक खाला ङुरूङला दि खोरोङ जीउ सो सिन तेरगीते? थेमे चुक खाला ङुरूङगी दि स्‍या साच्‍ये?” सिराला स्‍यूसुङ। थेकी साबाते बातला माडिगीन थेबा खोपरोङ नाङ थोम्‍मु खिताला स्‍यूसुङ।

शक्ति काम 15:2

थेबेकी ज्‍येन ज्‍येन जातकी मिकीङ खतकी चिनु ज्‍वापराङ फाप्‍क्‍यो सिरजीन पावलताङ बारनाबासकीचेन पापदुकी ठालाला थेबेकी थे चिनु ज्‍वाराङ माफाबो सिन थेबाताङ आदोराङ टेकाटेउरी खासुङ। थोक खाईन जति बात खासीनोङ थेबे नाङ बात माडिक्‍पेकी थेरू येशू ख्रीष्‍ट मिओनगी “लो था ङुरूङगी दोक खिइ। च्‍यि सासीन पावलताङ बारनाबास थेमे ङुरूङ नाङदुई कोई कोईला यरूशलेमपा तोङगी। थेबेकी थेपा गाल्‍ला येशू ख्रीष्‍टकी खटे खाबाते मिओन थेमे थेरू येशू ख्रीष्‍ट मिओनला ताकान्‍तेबाला ठेत्‍ला दि बात खित्‍स्‍यीत। थेमे थेबेकी चुक खि सिका थोकराङ खिताप,” सिन सल्‍लाह खासुङ।

शक्ति काम 23:9

थोक खाईन थेबे नाङ थोम्‍मु स्‍योरजीन थेरू आदोराङ हल्‍ला खल्‍ला ओङसुङ। थेमे फरिसी पाटी नाङ धर्मे गुरूओन कोई कोईकी देत्‍सादुकी जराक जुरूक लाकीन “ङ्योकोनगी दि मिते छ्याःङ गल्‍ती मोथोङदुक। दिकी गोमा साबा च्‍योकराङ दित्ताङ परमेश्‍वर दूतज्‍यीगी कि थोक्‍ते सुइँदेकी ठेत्‍कीन बात खाबाते पक्‍काराङ ईन्‍दा, दोक ओङाते मेन्‍दासीन सिन ङुरूङगी चुक खाला सिरा थुप्‍कीतेरो?” सिन सासुङ।

शक्ति काम 7:26

थेमे ङारो च्‍योक्‍ते याङराङ थेबा ओत्‍सादु डोजीन थेकी इस्राएली मेन्‍दा ङि जीङगीन ओता थोङसुङ। थेमे थेबाला टाल्‍ला डिक्‍पा खिताप सिन ‘ए ख्‍योकोननी दाक्‍पोन आज्‍यो न्‍वाराङ ईन। च्‍यिला दोक खाला जीङगीते? दोक माकेत,’ सिन सिरजीन

२ कोरिन्‍थी 10:1

थेमे ज्‍येन बात कोई कोईकी ङा ख्‍योकोन दोन्‍दु ओत्‍जीनचेन बात खितालाङ ज्‍यीबा खिन ओतान, थारीला गाल्‍नामेईचेन ङाराङ ईन सिराच्‍योक खाला बात खित्‍च्‍याक्‍वा सिन ङे बात खिदुक्‍लो। था ङा पावल ख्रीष्‍टकी खाबा च्‍योकराङ ङाराङ ईन सिराच्‍योक मिक्‍किता खाला थेमे स्‍येदाङ मिक्‍किता खाला ख्‍योकोनताङ बात खितामीन।

२ कोरिन्‍थी 10:4

ङेराङ काम खित्‍जीन ङ्योकोन नोमुङ दि सा लुङबे मिओनगी च्‍योक खाला दाक्‍पोन फाइदा ताला मिक्‍किओ। ङेराङ काम लेमु ओङस्‍यीत सिन परमेश्‍वरगी तेरच्‍येते शक्तिकी ङ्योकोन दि काम खिओ। थे शक्ति छ्य्‌वापेकीराङ ङ्योकोन ङेराङ विरोध खित्‍कानताङ ङेराङ काम ङ्ये ज्‍युता छोल्‍कान गाङेला ग्‍याल्‍ग्‍यो।

२ कोरिन्‍थी 6:4

बरू ङेत परमेश्‍वर काम खित्‍कान ईन्‍देकी थोक्‍ते मिकी खिता फापा च्‍योकराङ खाला काम खिओ। च्‍यि सासीन जति दुक्‍पा ओङसीनोङ ङ्योकोन थोक्‍ते दुक्‍पा खपे खिन देत्‍क्‍यो। ज्‍येनगी दुक्‍पा तेरजीनोङ, आपत् विपत् आइ परे खित्‍जीनोङ थेमे पीर लाङजीनोङ ङ्योकोन सेम मेसेता खाला देत्‍क्‍यो।

गलाती 5:22

परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिलाचेन थेकी फलफूल गोन ज्‍युताच्‍योक खाला लेमु कामताङ बात खित ज्‍युत्‍क्‍यो। थोगी थोक्‍ते मिकीचेन ज्‍येनला ङिङज्‍ये खिओ, थे गा खिन देत्‍क्‍यो थेमे सेमदु ढुक्‍क खाला देत्‍क्‍यो। थोक्‍ते मि होत्ताराङ स्‍येदाङ मिक्‍किओ, थेकी ज्‍येनला दया खिओ थेमे लेमु खिओ, थेकी खिओ साबा च्‍योकराङ खिओ,

एफिसी 4:2

च्‍यि सासीन ख्‍योकोनगी नोमुङ ङा ङाराङ ईन सिराच्‍योक माकेत, गाङेताङ खा छ्येत लेमु खि, होत्ताराङ स्‍येदाङ माकेत थेमे दोक्‍पोईकी ज्‍येनज्‍यीकला ङिङज्‍ये खिन सुङताङ होपकी जोप मिक्‍किता खाला बरू सै खाला देत।

फिलिप्‍पी 2:14

जे खिता फाप्‍सीनोङ ख्‍योकोनगी गनगन मिक्‍किता खाला खि, ङे दोक खिता माफाप्‍सीनोङ ओङच्‍या ओतान सिराच्‍योक खाला छ्याःङ माकेत।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

कलस्‍सी 3:13

सुङताङ होपकी जोप मिक्‍किता खाला बरू सै खाला देत, खेराङ नाङ सुइँदाताङ खइँदा स्‍येदाङ ओत्‍सीन स्‍येदाङ साला माज्‍यो, थोक्‍तेला माफ बिन। प्रभु येशूकी खेराङ पाप माफ बिन्‍दा च्‍योकराङ खाला ख्‍योकोनगीङ खेराङ नाङ माफ बिन।

१ थिस्‍सलोनिकी 2:7

ईन्‍दाका ङ्योकोन ख्रीष्‍टकी खटे खाबाते मि ईन्‍देकी ङ्योकोनला ख्‍योकोनगीराङ ता फाप्‍क्‍यो सिरा थुप्‍च्‍या ओतान। थोक मिक्‍किता खाईन बरू ङ्योकोनगीनी थे मोरोङ नुमा थुङकान्‍ते बालकते फिजाला आमातेकी लेमु खिता च्‍योकराङ खाईन ख्‍योकोनला लेमुका खाबाप।

१ तिमोथी 6:11

तर खोचेन परमेश्‍वरगी खि साबाते काम खित्‍कान्‍ते मि ईन। थोगी खुई थोक्‍ते मेलेबा काम छ्याःङ माकेत। खुईचेन परमेश्‍वरगी खि साबा च्‍योकराङ खिन देत, थेला चुक खाला माने खिता फाप्‍च्‍येते ईन्‍दे थोकराङ खाला माने खि, येशू ख्रीष्‍टला विश्‍वास खिन देत। दोस्‍यिककामा मेन, ज्‍येनला ङिङज्‍ये खि, दुक्‍पा ओङसीनोङ खपे खिन देत थेमे गाङेताङ खा छ्येत लेमु खि। खुई होदोक दोक खित्‍च्‍ये छ्य्‌वापाकामा सेम लै खि।

तीतस 1:1

दि चिट्ठी टिक्‍कान्‍ते ङा पावल ईन। ङा परमेश्‍वर काम खित्‍कान्‍ते मि ईन। थेमे ङा येशू ख्रीष्‍टकी खटे खाबाते मिङ ईन। परमेश्‍वरगी थे खोरोङ मि सिन छाने खाबाते मिओनगी झन लेमु खाला थेला विश्‍वास खिता थुप्‍स्‍यीत थेमे सत्‍यते बात लेमु खाला छ्या स्‍येला झन थेला लेमु खाला माने खिता थुप्‍स्‍यीत सिन थेबाला लाप्‍ला कोत्‍ला तेरच्‍येते जिम्‍मा ङाला बिन्‍दा ओत।

तीतस 1:7

दोक खाला येशू ख्रीष्‍ट मिओनला ताकान्‍ते छ्येते मिकीचेन परमेश्‍वरगी खि साबाते काम खित्‍च्‍येते ईन्‍देकी सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थोक्‍ते मि दाक्‍पोन बातलाकामा जिद्धी मिक्‍किकानज्‍यीक, होत्ता स्‍येदाङ मिक्‍किकानज्‍यीक, छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक थेमे सम्‍पत्ति ज्‍वाप सिन पैसे लोभला मुस्‍यूक्‍कानज्‍यीक ओङा फाप्‍क्‍यो।

तीतस 1:9

दोस्‍यिककामा मेन, थोक्‍ते मिचेन सत्‍यते बात दाक्‍पोनला जस्‍तो खाईन लाप्‍कीन बिन्‍ला दुक थोकराङ खाला ङेन्‍गीन देत्‍कानज्‍यीक ओङा फाप्‍क्‍यो। थोक खानामेकी थेकी ज्‍येनतेबेकी खाङ बात ङेन्‍दा फाप्‍च्‍येते ईन्‍दे साला लाप्‍ला बिन्‍ला थेबाला थोकराङ खि सिन लोपा थुप्‍क्‍यो। थेमे थे बातताङ डिकराङ मिडिक्‍च्‍येते बात खित्‍कान्‍ते मिओनला ख्‍योकोनगी मेन्‍दे बात लोप्‍कीन दुक साला हगे हगे ज्‍य्‌वाबा थुप्‍क्‍यो।

तीतस 3:2

थेबेकी मेन्‍दे बातला सुङलाङ दोष लै खिता मेङगो, गाङेताङ डिक्‍ला थुन्‍ला देता फाप्‍क्‍यो, सुङताङ स्‍येदाङ मिक्‍किता खाला गाङेताङ खा छ्येत लेमु खिता फाप्‍क्‍यो सिन सि।

याकूब 1:1

दि चिट्ठी टिक्‍कान्‍ते ङा याकूब ईन। ङा परमेश्‍वरताङ प्रभु येशू ख्रीष्‍ट काम खित्‍कान्‍ते मि ईन। ङा दि चिट्ठी लुङबा लुङबाला देता ओताते थर च्‍युन्‍ङी इस्राएलीओनला टिगीन ओत। ख्‍योकोनला ङेते नमस्‍ते ओत।

याकूब 3:17

तर परमेश्‍वरगी बिन्‍दाते बुद्धि ङेता ओताते मिओनगीचेन काम बात जे खित्‍जीनोङ लेमुतेकामा खिओ, थेबा ज्‍येनताङ डिक्‍ला थुन्‍ला देता छोल्‍ग्‍यो, गाङेताङ खा छ्येत लेमु खिओ, दाक्‍पोन भन्‍दा छ्येकी साबाते ङेन्‍ग्‍यो, ज्‍येनला ङिङज्‍ये खाला लेमु लेमु काम खिओ, सुङलाङ काका पाका मिक्‍किओ थेमे सेमला मेलेबा विचार मोज्‍योओ।

याकूब 4:2

ख्‍योकोन ङाला दि ओत्‍सीन ओङच्‍या ओतान, थे ओत्‍सीन ओङच्‍या ओतान खिदुक। तर ख्‍योकोनगी ओङसीन ओङच्‍या ओतान सिराच्‍योक खाबाते छ्याःङ मेङेत्‍तुक। ख्‍योकोन मि जाला लोभ खिदुक थेमे खेराङगी साबाते माङेत्‍सीन मिङ सेता छोल्‍गीदुक। दोक खाला ख्‍योकोन थोम्‍मु जीङगा खिदुक। ईन्‍सीनोङ ख्‍योकोनगी छ्याःङ मेङेत्‍तुक। च्‍यिला सासीन ख्‍योकोनगी परमेश्‍वरला नाङराङ मिसिरदुक।

१ पत्रुस 3:8

था बात च्‍यि सासीन ख्‍योकोन गाङेराङ डिक्‍ला थुन्‍ला देत। पीर फापा ओतातेबाला पीर माकेत सिन सि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। दोक्‍पोईकी ज्‍येनज्‍यीक दुक्‍पाला तो। ङा ङाराङ ईन सिराच्‍योक मिक्‍किता खाला बरू ज्‍येनला मान खि।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।