२ तिमोथी 2:21 - जिरेल

²¹ थोगी धनीतेकी लेमुते कामलाकामा चले खित्‍च्‍येते सेरताङ चाँदी स्‍यी च्‍योकराङ ओङाला मिकी मेलेबा कामताङ बातकी छ्य्‌वापेई ठाला फाप्‍क्‍यो। दोक खासीन थोक्‍ते मिचेन थे खोरोङ मालिक ख्रीष्‍टकी लाईदु काम लै खित्‍च्‍येते थेमे थेकी खि साबा च्‍योककामा खित्‍कान्‍ते मि ओङगो। थेमे थोक्‍ते मिकी लेमुते कामताङ बात खिता थुप्‍क्‍यो।

२ तिमोथी 2:21 Iomraidhean Croise

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

१ कोरिन्‍थी 5:7

था ख्‍योकोन सोडा मुलुबा खाईन ङ्येबाते ज्‍येन्‍ताक डल्‍लो च्‍योक ओङाला ज्‍येन्‍ताक गाङेपा ठाम्‍च्‍येते सोडा च्‍योक ईन्‍दाते गोमाबा खिन ओताच्‍योक पाप खिता थोङ। च्‍यिला सासीन निस्‍तार चाडगी बेलाला पूजा खिता फाप्‍च्‍येते लुई रीउ च्‍योक ओङगीन ख्रीष्‍ट ङुरूङला पाप खित्‍च्‍येते बानीदुकी डेलाला ङुरूङ लाईदु स्‍यिइन सिन्‍दा ओत।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

२ कोरिन्‍थी 9:8

परमेश्‍वरगी ख्‍योकोनला जहिलेङ जे कुरोङ खेराङला गोबा भन्‍दाङ ल्‍हाक्‍पा तेरा थुप्‍क्‍यो। दोक खाला ख्‍योकोनला मादाङच्‍या मोख्‍योप्‍च्‍या सिराते छ्याःङ मायाङला ख्‍योकोनगी झन झन ज्‍येनला लेमु खाला ता थुप्‍क्‍यो।

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

१ तिमोथी 6:11

तर खोचेन परमेश्‍वरगी खि साबाते काम खित्‍कान्‍ते मि ईन। थोगी खुई थोक्‍ते मेलेबा काम छ्याःङ माकेत। खुईचेन परमेश्‍वरगी खि साबा च्‍योकराङ खिन देत, थेला चुक खाला माने खिता फाप्‍च्‍येते ईन्‍दे थोकराङ खाला माने खि, येशू ख्रीष्‍टला विश्‍वास खिन देत। दोस्‍यिककामा मेन, ज्‍येनला ङिङज्‍ये खि, दुक्‍पा ओङसीनोङ खपे खिन देत थेमे गाङेताङ खा छ्येत लेमु खि। खुई होदोक दोक खित्‍च्‍ये छ्य्‌वापाकामा सेम लै खि।

२ तिमोथी 2:16

थेमे सत्‍यते बातताङ डिकराङ मिडिक्‍च्‍येते कामराङ लै मिक्‍किच्‍येते बातला नोमुङ नामज्‍योक मासेत। थोक्‍ते बात खिन देत्‍कान्‍ते मिओनगीनी झन झन परमेश्‍वरगी माकेत साबाते कामकामा खिन डुइओ।

२ तिमोथी 2:20

थेमे दि बादोङ विचार खि। च्‍यि सासीन छ्ये छ्ये मि खाम्‍बाला सेरताङ चाँदी स्‍यीकामा मेन, सबी स्‍यीताङ स्‍यिङगी नोततेबाङ ओङगो। सेरताङ चाँदी स्‍यीचेन साप साजीन थेमे भोज लै खित्‍जीन चले खिओ। तर स्‍यिङताङ सबी नोतचेन ज्‍येन कामगी लाईदु चले खिओ।

२ तिमोथी 3:17

दोक खाला परमेश्‍वरला माने खित्‍कान्‍ते मिकीचेन लेमुते काम सिराते जेङ लेमु खाला खिता थुप्‍क्‍यो।

२ तिमोथी 4:11

दुरू थरिङोला ङात्ताङ लूकाकामा ओत। ओङजीन खुई मर्कूसलाङ टीला खोरच्‍योक। परमेश्‍वर काम खिताला ङाला दुरू थे गोबा ओत।

तीतस 3:1

थेमे ज्‍येनोङ बात थेरू येशू ख्रीष्‍ट मिओनला च्‍यि सिन लोबे सासीन लुङबादु राज्‍य खित्‍कानताङ ज्‍येन छ्ये छ्ये मि अधीनला देत्‍ला नियम कानून ङेन्‍दा फाप्‍क्‍यो थेमे लेमु काम खित्‍च्‍ये छ्य्‌वापाकामा सेम खिता फाप्‍क्‍यो सिरच्‍येते बात टोक माज्‍येत सिन सि।

तीतस 3:14

दोक खाला सुङगीङ दाक्‍पोनला छ्याःङ काम लै मिक्‍किच्‍येते मि मिसिरस्‍यीत सिन येशू ख्रीष्‍ट मिओनगीचेन सुइँदाला खाँचो परे खाबे बेलाला खइँदा तेरा फाप्‍सीन थोक खिता फाप्‍च्‍याक्‍वा सिन गाङेकी लोप्‍स्‍यीत।

तीतस 3:8

दि बात साँच्‍चीराङ ईन्‍दाते बात ईन। थोगी ङा खोल्‍ला च्‍यि सिते सासीन परमेश्‍वरला विश्‍वास खित्‍कान्‍ते थेरू मिओनगी लेमुते काम खित्‍च्‍ये छ्य्‌वापाकामा सेम लै खाला थोकराङ खित्‍स्‍यीत सिन थेबाला दि बात दोरे खाला खाला लाप्‍ला बिन। दि बात लेमु ईन्‍देकी मिओनगी ङेन्‍सुङ सासीन गाङेला लेमु ओङगो।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ पत्रुस 1:7

मेला लुगीन ताकीन सक्‍कली दुका सिन छ्या स्‍येबाते सेरोङ ङीमाई छ्याःङ काम लै मिक्‍किच्‍या डुइओ। सेर आउदी दामी चीज ईन्‍सीनोङ दि भन्‍दाङ ख्‍योकोनगी येशू ख्रीष्‍टला खिन ओताते विश्‍वास झन आउदी छ्ये ईन। दोक्‍ते परी परीतेन्‍दे दुक्‍पा ओङजीनराङ ख्‍योकोनगी थेला पक्‍काराङ खाईन विश्‍वास खाबाते ईन्‍दाकाना मेन्‍दाका सिन छ्या स्‍येक्‍यो। जति दुक्‍पा ओङजीनोङ सेम मेसेता खाईन थेला विश्‍वास खिनराङ देत्‍सीन था थे ग्‍युरला ओङे छोमु परमेश्‍वरगी ख्‍योकोनला आउदी लेमु खासुङ सिन साला थे खोरोङगी ज्‍वा चाला च्‍योकराङ लेमु जोला मान तेरग्‍यो।

१ यूहन्‍ना 3:3

तिरी पक्‍काराङ दोक ओङगो सिन आश खाला देत्‍कान्‍ते मिकीचेन ख्रीष्‍टकी च्‍योकराङ मेलेबा काम सिराते छ्याःङ मिक्‍किता खाला देत्‍क्‍यो।