२ तिमोथी 2:2 - जिरेल

² थेमे मि काल्‍बेई ङोन्‍दु च्‍यि बात चुक ईन्‍दे सिन ङे खोरोङला लाप्‍कीन बिन्‍दाते बातओन मिओनला लोप सिन ज्‍येन मिलाङ जिम्‍मा बिन। दोक्‍ते मिओनचेन ज्‍येनला लेमु खाला लोपा थुप्‍कान थेमे भर परे खिता थुप्‍च्‍येतेन्‍दे ओङा फाप्‍क्‍यो।

२ तिमोथी 2:2 Iomraidhean Croise

मत्ती 13:52

थेमे थेकी “थोगी थानामेईचेन स्‍वर्गे राज्‍य सिराते च्‍यिन्‍दे, थे चुक्‍ते ईन्‍दे सिन लेमु खाईन छ्या स्‍येबाते धर्मे गुरूओन ओङगो। थेबाचेन खाम्‍बादु जेसुकै खटेन खित्‍कान्‍ते खाम्‍बे धनी च्‍योक्‍ते ईन। चुक खाला सासीन खाम्‍बे धनीकी गोमामेकी साकीन ज्‍याक्‍पाते थेमे भर्खर ज्‍याक्‍पाते सामानतेबा खाम्‍बे मिओनला गोजीन गोजीन जोतकी नाङदुकी थेन्‍दा च्‍योकराङ खाला थेबेकीङ खोपरोङगी गोमामेकी छ्या स्‍येबा ओताते थेमे थरिङोला खोबाते परमेश्‍वर बात ज्‍येनला लोपा थुप्‍क्‍यो,” सिन सिदुक।

मत्ती 24:25

च्‍याङबो खि याङ, ङे थोक्‍ते मिओन ओङगो सिन ख्‍योकोनला थरिङराङ लाःपा ओत।

लूका 12:42

थेमे प्रभु येशूकी “मालिकतेकी कोत्‍कीन ज्‍याक्‍पाते ङेन्‍ला लेमु खाला काम खित्‍कान्‍ते मिलाचेन मालिकतेकी थे खोरोङ खइँसापा डोजीन थे खाम्‍बादुराङ काम खित्‍कान्‍ते ज्‍येनतेबाला लेमु खाला साप थुङा बिना सिन खाम्‍बे कामओन जिम्‍मा बिन्‍ला डुइओ।

१ कोरिन्‍थी 4:2

तर दाक्‍पोनला जिम्‍मा बिन्‍दाते काम खित्‍कान्‍ते मिकी थे काम जिम्‍मा तेरकान्‍तेकी खि साबा च्‍योकराङ खाला खिता फाप्‍क्‍यो।

२ कोरिन्‍थी 2:14

थेमे परमेश्‍वरला ङ्योकोन धन्‍यवाद तेरग्‍यो। ख्रीष्‍टताङ जीउज्‍यीकराङ ओङा ओतेकी ङेराङ जहाँदु गाल्‍सीनोङ परमेश्‍वरगी सधैँ ङ्योकोनला ख्रीष्‍ट च्‍योकराङ शत्रुला ग्‍याल्‍कान्‍ते ईन सिन तेन्‍ला तेरगीदुक। थेमे धूप पारनामेकी थे बास्‍ना फैले खाबा च्‍योकराङ खाला ङ्योकोन छ्य्‌वापेकी ख्रीष्‍ट सु ईन्‍दे, थेकी च्‍यि खिते सिरच्‍येते बात गाङेपा फैले खित ज्‍युत्‍कीदुक।

२ कोरिन्‍थी 3:5

थोगी ङ्योकोनगी खित्‍च्‍येते कामताङ बात ङेराङ स्‍येतताङ बुद्धिकी खाबाते मेन। ङ्योकोनला स्‍येतताङ बुद्धि तेरकान्‍तेनी परमेश्‍वरराङ ईन।

कलस्‍सी 1:7

गा लाङच्‍येते बात ख्‍योकोनला इपाफ्रासकी लापाते ईन सिन ङ्योकोनगी सिरा माफाप्‍तासीन। इपाफ्रासला ङ्योकोन ङिङज्‍ये खिओ। दिङ ङ्योकोन च्‍योकराङ ख्रीष्‍टकी काम खित्‍कान्‍ते मि ईन। ङ्योकोन साटोला दिकी खिता फापा च्‍योकराङ खाला ख्‍योकोन नाङ ख्रीष्‍टकी काम खिन दुक।

१ तिमोथी 1:12

थेमे ङा ङुरूङ प्रभु येशू ख्रीष्‍टला धन्‍यवाद सिओ। च्‍यिला सासीन दिकी ङे जिम्‍मा बिन्‍दाते काम लेमु खाला खिओ सिन थेकी ङाला मिओनला गा लाङच्‍येते बात लोप्‍च्‍येते काम बिन्‍सुङ। दि काम खिताला ङाला शक्ति तेरकान्‍ते थेराङ ईन।

१ तिमोथी 1:18

फुज्‍युङ तिमोथी, ङे खोल्‍ला कोई कोई मिओनला चुक खि सिन कोत साबा ओताने ङे साकीन ज्‍याक्‍पा च्‍योकराङ खि। थेमे परमेश्‍वरगी सिर च्‍युताते बात खित्‍कान्‍ते मिओनगी गोमा खोरोङ विषयला साबाते बाततेबा टोक माज्‍येत। होथे बाततेबा सम्‍झे खाला खुई ङे खोरोङला खि साबाते काम लडाइँ खित्‍च्‍येते च्‍योकराङ दुक्‍पा ईन्‍सीनोङ लेमु खाला खिता थुप्‍क्‍यो।

१ तिमोथी 4:14

येशू ख्रीष्‍ट मिओनला ताकान्‍ते मिओनगी खुई गोःकी लाक लाक्‍पा ज्‍याक्‍ला प्रार्थना खिते बेलाला कोई कोईकी परमेश्‍वरगी खुई विषयला सिर च्‍युताते बात खाबा ओतान। थोक खाईन परमेश्‍वरगी खोल्‍ला सीप बिन्‍दा ओतान सिन खुई टोक ज्‍येता मेतासीन। थेकी खोरोङला दोक खाईन बिन्‍दाते सीप पित मोतोङा खाला लेमु खाला चले खिन देत।

१ तिमोथी 4:6

दि बातओन खुई ज्‍येन आज्‍यो न्‍वालाङ लेमु खाला लाप्‍ला बिन। थोक खासीन खो येशू ख्रीष्‍टकी खि साबाते काम लेमु खाला खित्‍कान्‍ते मि ओङगो। येशू ख्रीष्‍टला विश्‍वास खित्‍जीन ङेन्‍दाते बात खुई झन लेमु खाला खोकीन डुइओ। थेमे थरिङसाक ङेन्‍गीन वाबाते सत्‍यते बाततेबा झन लेमु खाला ङेन्‍गीन देता थुप्‍क्‍यो।

१ तिमोथी 5:22

थेमे होत्ताराङ सुइँदे लाक्‍तु लाक्‍पा ज्‍याक्‍ला येशू ख्रीष्‍ट मिओनला ताच्‍येते कामगी जिम्‍मा मातेर। सु मि चुक्‍ते ईन्‍दे सिन छ्या मास्‍येबालाराङ थे जिम्‍मा बिन्‍सुङ थेमे थोक्‍ते मिकी खइँदा गल्‍ती खासुङ सासीन ज्‍येनगी खुईतेङ गल्‍ती ईन सिन सिओ। थोक मेङस्‍यीत सिन ताला पेलाकामा काम खि।

१ तिमोथी 6:12

येशू ख्रीष्‍टला विश्‍वास खाईन ङेन्‍दाते बात ङेन्‍दा मोतोङा खाला जति दुक्‍पा ओङसीनोङ थे बातला साबा च्‍योकराङ खि। नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी खोल्‍ला थे खोरोङ दोन्‍दु स्‍योक सिन काताङाते ईन मेन? थेजीन खुई मि काल्‍बेई ङोन्‍दु ङा प्रभु येशू ख्रीष्‍टला विश्‍वास खिओ सिनोङ साबा ओत। था थे नोमुङ मिसिन्‍च्‍येते जुनी खुई खोरोङ लाःक्‍तुकी स्‍योर माज्‍युत।

२ तिमोथी 3:10

बात दोक दोक ईन्‍सीनोङ ङे बातचेन गाङे खोल्‍ला लेमुराङ खाला छ्या ओत। च्‍यि सासीन सत्‍यते बात लोप्‍जीन ङे च्‍यि बात चुक खाईन लापा ओताने, ङे चुक चुक खाबा ओताने थेमे ङे ङाराङ जुनी खाङ च्‍यि खिता चाला ओताने सिन खोल्‍ला छ्याराङ ओत। दोस्‍यिककामा मेन, ङे येशूला चुक खाला विश्‍वास खिन ओताने, ङा चुक खाला ज्‍येनताङ स्‍येदाङ मिक्‍किता खाला देत्‍कीन ओताने, ज्‍येनला चुक खाला ङिङज्‍ये खिन ओताने थेमे जस्‍तो दुक्‍पा ओङसीनोङ ङे चुक खाला खपे खिन ओताने सिन गाङे बात खुई छ्या स्‍येबाराङ ओत।

२ तिमोथी 3:14

तर खुईचेन खोरोङला लाप्‍कीन बिन्‍दाते, खोरोङगी पक्‍काराङ दुका सिन ङेन्‍दाते परमेश्‍वर बात लेमु खाला ङेन्‍गीनराङ देत। दि बात खोरोङला सु सुई लापा ओताने

हिब्रू 2:17

थोगीराङ थेला थे खोरोङ न्‍वाओन च्‍योकराङ ओङा फाप्‍सुङ। थोक खाईन मि पाप माफ ओङस्‍यीत सिन थेचेन परमेश्‍वर दोन्‍दु मिओनगी खाबाते पाप माफ नाङ सिरकान्‍ते गाङे भन्‍दा छ्येते पूजारी ओङा ओत। थेकी मिओनला दया खिओ। थे थे खोरोङगी खिओ साबा च्‍योकराङ खित्‍कान्‍ते ईन।