२ तिमोथी 2:18 - जिरेल

¹⁸ थेबा ङिबोकीचेन सत्‍यते बात ङेन्‍दा ताङगीन परमेश्‍वरगी थे खोरोङ मिओनला सोम्‍बो लोक्‍च्‍येते काम खाईन सिन्‍दा ओत सिन लोप्‍कीदुक। थेबेकी दोक्‍ते मेन्‍दाते बात लापेकी येशूला विश्‍वास खित्‍कान्‍तेबा कोई कोईकी सत्‍यते बात ङेन्‍दा तोङगीन दुक।

२ तिमोथी 2:18 Iomraidhean Croise

मत्ती 15:13

थोक सिरजीन थेकी “स्‍वर्गने देत्‍कान्‍ते ङे आबेकी माचुबाते बिरूवा जति गाङे फाल्‍ला क्‍युरग्‍यो।

मत्ती 22:29

थेबेकी थोक सिरजीन येशूकी “ख्‍योकोनगी मि स्‍यिनामेई तिरी सोम्‍बो मोलोगो सिन सिओ। दि बात ईनराङ मेन। परमेश्‍वर बात पढे खित्‍जीन थेरू च्‍यि साबाते ईन्‍दे सिन ख्‍योकोनगी खोबा ईन्‍सीन थेमे परमेश्‍वरताङ जेङ खिता थुप्‍च्‍येते शक्ति ओत सिन छ्या स्‍येबा ओता ईन्‍सीन मि तिरी सोम्‍बो मोलोगो सिन सिरच्‍या मेतान।

लूका 8:13

थेमे कोई कोईकी परमेश्‍वर बात थोबासात्तु आउदी गा खिन ङेन्‍ग्‍यो। ईन्‍सीनोङ थे बात लेमु खाला सेमगी नाङ मोज्‍योओ। थोगी परमेश्‍वर बात ङेन्‍देकी खित्‍सादु तिरी खइँदा दुक्‍पा ङेत्‍जीन थेबेकी थे बात ङेन्‍दा दाक तोङगो। टिक्‍पी टिक्‍पीकामा सबी थेमे दो काल्‍बेई ओत्‍साला फापाते सोन साबातेचेन होथोक्‍ते मिओनला साबाते ईन।

शक्ति काम 5:39

दिबाला थोक खि सिन परमेश्‍वरगीराङ कोताते ईन्‍सीनचेन ख्‍योकोनते दिबाताङ छ्याःङ लै मिक्‍किओ। दोक ईन्‍देकी थेबाला छ्याःङ मेलेबा माकेत। दिबाला खइँदा खासीन खेराङका परमेश्‍वरला मेलेबा खित्‍कान्‍ते मि च्‍योक ओङोङ,” सिन सिदुक।

१ कोरिन्‍थी 11:19

ईन्‍दाका परमेश्‍वर दोन्‍दु सु ठीक खित्‍कान्‍ते ईन्‍दे, सु गल्‍ती खित्‍कान्‍ते ईन्‍दे सिन ठालाला ख्‍योकोन नाङ थोक खाला मिडिक्‍च्‍येते ओङा फाप्‍च्‍येतेराङ ईन।

१ कोरिन्‍थी 15:12

दोक खाला ङ्योकोन ख्रीष्‍टला परमेश्‍वरगी सोम्‍बो लोक्‍पा ओत सिन ज्‍येनला लोप्‍क्‍यो। ईन्‍सीनोङ मि पालोई स्‍यिनामेकी सोम्‍बोराङ मोलोगो सिन ख्‍योकोन कोई कोई चुक खाला सिते?

कलस्‍सी 3:1

परमेश्‍वरगी ख्‍योकोनला ख्रीष्‍टताङराङ सोम्‍बो लोगीन साम्‍बाते जुनी बिन्‍दा ओत। थोगी था ख्‍योकोनगी स्‍वर्गने सु ओते, चुक चुक ओङगीते सिन थेने बात विचार खि। स्‍वर्गनेचेन ख्रीष्‍ट ओत, थे थेने परमेश्‍वर सामे छ्य्‌वापा देता ओत सिन टोक माज्‍येत।

१ तिमोथी 1:19

प्रभु येशू ख्रीष्‍टला विश्‍वास खिन ङेन्‍दाते बात ङेन्‍गीन देता मातोङ। थेमे थोरूमसाक खिन ओता च्‍योकराङ खाला दाक्‍पोनला ङे दोक खिता ठीक मेन सिराच्‍योक लाबाते काम छ्याःङ माकेत। कोई कोईकी होथोक मिक्‍किता खाईन प्रभु येशू ख्रीष्‍टला विश्‍वास खिता ताङेकी थेबाला छ्येज्‍यीक हानी ओङा ओत।

१ तिमोथी 6:10

च्‍यिला सासीन पैसे लोभकी खित्‍सादुराङ मिकी जेसुकै मेलेबा काम खित्‍च्‍येते ईन। पैसे लोभला स्‍यूकीन कोई कोईकी येशू ख्रीष्‍टला विश्‍वास खाईन ङेन्‍दाते बात ङेन्‍दा ताङला दुक। थोक खाबेकी खित्‍सादु थेबा हत्तेरिका ङे च्‍यिला थोक खाताका सिराच्‍योक गाल्‍गीन थेबे सेम पीरताङ तापकी छोला दुक।

१ तिमोथी 6:21

कोई कोईकी होथोक्‍ते बात खिताला स्‍यूकीन येशू ख्रीष्‍टला विश्‍वास खाईन ङेन्‍दाते बातराङ ङेन्‍दा ताङगीन सिन्‍दा ओत। प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत।

२ तिमोथी 2:14

दि बातओन थेरू गाङेला याङ याङ सिनराङ देत। टेकाटेउरी स्‍योरच्‍येते बात माकेत सिन खुई थेबाला प्रभु परमेश्‍वर ङोन्‍दु कोत। टेकाटेउरी खाला छ्याःङ लेमु मेङगो। येशूला विश्‍वास खित्‍कान्‍ते ज्‍येनतेबे दोन्‍दु दोक्‍ते बात खित्‍जीन थेबेकी थेबाला ङ्ये ज्‍युत्‍क्‍यो।

तीतस 1:11

होथोक्‍ते मिओनला दोक्‍ते बात मालोप साला थेबे खा टाले खिता फाप्‍क्‍यो। च्‍यिला सासीन थेबेकी मिओनला लोपा मेङच्‍येते बात लापेकी होथेबे बात ङेन्‍गीन येशू ख्रीष्‍ट मिओन नाङ खाम्‍बा थोई थोई मिकी ङेन्‍दा फाप्‍च्‍येते बात ङेन्‍दा ताङला दुक। थेबेकीचेन छ्याःङ ङोचा मिक्‍किता खाला खालि पैसा ज्‍वाप्‍की लाईदु होथोक्‍ते बात लोप्‍च्‍येते ईन।

हिब्रू 3:10

ङे जति लाःप्‍जीन कोत्‍जीनोङ थेबेकी ङे लाःपा कोताते माङेन्‍गीन ङाला स्‍येदाङ लाबेकी ‘थेबा जहिलेङ खोपरोङ खुशीलाकामा ख्‍याम्‍गीदुक, ङे खि सिन साबाते थेबेकी ङेनराङ मेङेन्‍दुक,’ सिन साबान।

याकूब 5:19

थेमे आज्‍यो न्‍वावे, ख्‍योकोन नाङ सुइँदेकी सत्‍यते बात ङेन्‍दा ताङसुङ थेमे ख्‍योकोन ज्‍येनज्‍यीगी थेला लोक्‍ला परमेश्‍वर छ्य्‌वापाराङ लै खित च्‍युत्‍सुङ सासीन

१ यूहन्‍ना 2:19

ईन्‍दानी गोमा होथेबाङ ङुरूङताङ ङ्योम्‍बुराङ ओतान। तिरी थेबा ङुरूङताङ दाक ठाल्‍गीन गाल्‍सुङ। थेबाङ ङुरूङ च्‍योक्‍तेराङ ईन्‍दा ईन्‍सीन ङुरूङताङ डिक्‍ला देत्‍च्‍या ओतान। थोक खाईन थेबा ङुरूङताङ ठाल्‍गीन गालेकी थेबा सुङ ङुरूङताङ डिक्‍कान्‍ते मि मेन सिन गाङेकी छ्या स्‍येक्‍यो।