२ तिमोथी 2:15 - जिरेल

¹⁵ परमेश्‍वरगी खोरोङला लेमु खाला काम खित्‍कान्‍ते मि ईन सिरस्‍यीत सिन खुईचेन लेमु काम खित्‍च्‍ये छ्य्‌वापाकामा स्‍येत खि। थोक ओङला थे दोन्‍दु खोरोङगी छ्याःङ ङोचा खिता माफाप्‍स्‍यीत सिन सत्‍यते बात लोप्‍जीन खुई च्‍यि बात चुक खाला लोपा फाप्‍च्‍येते ईन्‍दे होथोकराङ खाला लोप।

२ तिमोथी 2:15 Iomraidhean Croise

मत्ती 13:52

थेमे थेकी “थोगी थानामेईचेन स्‍वर्गे राज्‍य सिराते च्‍यिन्‍दे, थे चुक्‍ते ईन्‍दे सिन लेमु खाईन छ्या स्‍येबाते धर्मे गुरूओन ओङगो। थेबाचेन खाम्‍बादु जेसुकै खटेन खित्‍कान्‍ते खाम्‍बे धनी च्‍योक्‍ते ईन। चुक खाला सासीन खाम्‍बे धनीकी गोमामेकी साकीन ज्‍याक्‍पाते थेमे भर्खर ज्‍याक्‍पाते सामानतेबा खाम्‍बे मिओनला गोजीन गोजीन जोतकी नाङदुकी थेन्‍दा च्‍योकराङ खाला थेबेकीङ खोपरोङगी गोमामेकी छ्या स्‍येबा ओताते थेमे थरिङोला खोबाते परमेश्‍वर बात ज्‍येनला लोपा थुप्‍क्‍यो,” सिन सिदुक।

मर्कूस 4:33

चुक्‍ते कथा लाःप्‍जीन मिओनगी लेमु खाला खोकीका होथोक थोक्‍ते कथा काल्‍बेई लाःप्‍ला येशूकी परमेश्‍वर बात लोप्‍कीन ओतान।

लूका 12:42

थेमे प्रभु येशूकी “मालिकतेकी कोत्‍कीन ज्‍याक्‍पाते ङेन्‍ला लेमु खाला काम खित्‍कान्‍ते मिलाचेन मालिकतेकी थे खोरोङ खइँसापा डोजीन थे खाम्‍बादुराङ काम खित्‍कान्‍ते ज्‍येनतेबाला लेमु खाला साप थुङा बिना सिन खाम्‍बे कामओन जिम्‍मा बिन्‍ला डुइओ।

शक्ति काम 2:22

इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्‍दुराङ छ्ये छ्येताङ अचम्‍बतेन्‍दे काम खाईन तेन्‍दा ओतान। थेचेन थे खोरोङगी छाने खाईन ताङाते मि दुका सिन ख्‍योकोनगी छ्या स्‍येस्‍यीत सिनराङ परमेश्‍वरगी थेला छ्येज्‍यीक शक्ति बिन्‍गीन थोक अचम्‍बते काम खित च्‍युता ओतान। येशूकी च्‍यि च्‍यि खाबा ओताने, चुक चुक खाबा ओताने सिन ख्‍योकोनगीङ खेराङ मिगीराङ थोङा ओतान।

शक्ति काम 20:27

परमेश्‍वरगी मिओनला पापदुकी डेलाला च्‍यि खाबा ओते थेमे थेबाला चुक खिते सिरच्‍येते बातबरी छ्याःङ बाँकी मोज्‍योबा खाईन ङे ख्‍योकोनला गाङे साकीन बिन्‍दा ओत।

रोमी 14:18

होदोक दोकराङ खिन ख्रीष्‍टला माने खित्‍कान्‍ते मिओनताङचेन परमेश्‍वर खुशी ओङगो। दोक्‍ते मिओनला ज्‍येनगीङ लेमु मि ईन सिन सिओ।

रोमी 16:10

अपेल्‍लेसला ङेते नमस्‍ते ओत सि। थेचेन जस्‍तोराङ ओङजीनोङ येशू ख्रीष्‍टला विश्‍वास खिता तोङराङ मोतोङकान्‍ते मि ईन सिन ङुरूङला छ्या ओत। थेमे अरिस्‍तोबुलस खाम्‍बे मिओनलाङ ङेते नमस्‍ते ओत सि।

रोमी 6:13

च्‍यि सासीन गोमाबा ख्‍योकोनगी खेराङ लाक्‍पाताङ खेकी खित्‍सादु, मिगी तासादु, खेराङ सेमगी खित्‍सादु मेलेबाते कामताङ बात खिन ओतान। थोक खाला ख्‍योकोनगी परमेश्‍वरगी साबाते मेङेन्‍गीन ओतान। था थोक खिता थोङ। बरू खेराङ स्‍यिसादुकी सोम्‍बो लोगीन साम्‍बाते जुनी ङेताते मिओन ईन्‍देकी परमेश्‍वरगी खि साबाते ङेन्‍ग्‍यो सिन खेराङ जुनी थे लाःक्‍तुराङ सोम्‍पे खि। थोक खासीन खेराङ लाक्‍पाताङ खेकी खित्‍सादु, मिगी तासादु पाप खिता माफाबो। परमेश्‍वरगी खि साबा च्‍योकराङ लेमु काम खिता थुप्‍क्‍यो।

१ कोरिन्‍थी 2:6

ईन्‍सीनोङ बात लेमु खाला खोबा थुप्‍कान्‍ते पाकोते मिओनताङचेन ङ्योकोन बुद्धि बादोङ खिओ। तर ङ्योकोनगी खित्‍च्‍येते बुद्धि बातचेन दि सा लुङबे मिओन थेमे ज्‍येनला राज्‍य खित्‍कान्‍ते मिओनगी खित्‍च्‍येते बुद्धि बात च्‍योक्‍ते मेन। थे छ्ये छ्ये मिनी ङीमाई दाक स्‍यिला थेबेते जेसुकै तोरला डुइओ।

२ कोरिन्‍थी 10:18

बातचेन दिराङ ईन, मिकी ङा दोक्‍ते ईन, ङे दोक खाबाप थोक खाबाप साला छ्याःङ फाइदा मेत। प्रभु परमेश्‍वरगी दि मि लेमु मि ईन सिन सासीन थे बात खुदुकराङ ईन।

२ कोरिन्‍थी 3:6

थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्‍येनला लोप सिन जिम्‍मा बिन्‍सुङ। ङ्योकोनगी लोप्‍च्‍येते होदि जमान बातचेन थाङबो मोशे पालोला दोई पाटीला टिबाते परमेश्‍वर नियम च्‍योक्‍ते मेन, परमेश्‍वर आत्‍मे बात ईन। होथे दोई पाटीला टिबाते नियमला खि साबाच्‍योक मिक्‍किकान्‍ते मिओनचेन पापकी सजाय ङेत्‍ला स्‍यिइओ। परमेश्‍वर आत्‍मेकीचेन मिओनला नोमुङ मिसिन्‍च्‍येते जुनी तेरग्‍यो।

२ कोरिन्‍थी 4:2

ङ्योकोन ईप्‍ला छ्याक्‍ला ज्‍येनला ठगे खित्‍च्‍येते च्‍योक्‍ते ङोचा लाङच्‍येते काम मिक्‍किओ, मिला छक्‍के खिताला ईनराङ मेन्‍दे बात मोलोबो, ङ्योकोननी परमेश्‍वर बात खुदुक जोला लोप्‍च्‍येतेङ मिक्‍किओ। परमेश्‍वर दोन्‍दुराङ काम खाबाच्‍योक खाला ङ्योकोननी सत्‍यते बातला जे साला दुक थेकामा लोप्‍क्‍यो। थोक ईन्‍देकी ङ्योकोनगी सत्‍यते बातकामा लापा ओत सिन मि गाङेकी सिरा थुप्‍क्‍यो।

२ कोरिन्‍थी 5:9

बात दोक ईन्‍देकी दि जुनीला ईन्‍स्‍यीत, स्‍यिइन थेत्ताङ देता ङेत्‍नामेई ईन्‍स्‍यीत ङ्योकोन जहिलेङ प्रभु येशूला मन परे खित्‍च्‍येते काम खित्‍च्‍ये छ्य्‌वापाकामा स्‍येत खिओ।

गलाती 1:10

ङे दोक सिन सिनोङ थोरूमोङ च्‍यि परमेश्‍वरला मेन्‍देकी मिओनला खुशी ज्‍वाप्‍लाका ङे दि बातओन साबाते ईन्‍दासीन सिराच्‍योक लाङगीदुक? ना मिओनगी ङाराङला लेमु मि सिरस्‍यीत सिन ङे दोक साबाते ईन सिराच्‍योक लाङगीका? ङा थोक खाला मि मान छोल्‍कान्‍ते ईन्‍सीन ङा ख्रीष्‍टकी काम खित्‍कान्‍ते ईन सिन ङे चुक खाला सिरा थुप्‍च्‍या ओतानेरो?

एफिसी 1:13

थेमे सत्‍यते बात थोनामेई ख्‍योकोनोङ ख्रीष्‍टताङ जीउज्‍यीकराङ ओङसुङ। पापकी सजायदुकी थारच्‍येते होथे गा लाङच्‍येते बात ङेन्‍गीन ख्रीष्‍टला विश्‍वास खानामेकी गोमा थे खोरोङगी ख्रीष्‍टकी छ्य्‌वापेकी तेरग्‍यो साबाते परमेश्‍वर आत्‍मा परमेश्‍वरगी ख्‍योकोनलाङ बिन्‍सुङ। दोक खाईन थेकी थे खोरोङ आत्‍मा बिन्‍दातेचेन ख्‍योकोनोङ थे खोरोङ मिराङ ईन सिराला छाप ग्‍यापाते च्‍योकराङ ओङसुङ।

१ थिस्‍सलोनिकी 2:4

ङ्योकोनलानी परमेश्‍वरगीराङ दिबेकी ङे साबा च्‍योकराङ खिओ सिन गा लाङच्‍येते बात लोप्‍च्‍येते काम जिम्‍मा बिन्‍दाते ईन। थोगी ङ्योकोननी मिओनला खुशी ज्‍वाप्‍ला मेन्‍देकी ङेराङ सेमगी नाङ च्‍यि दुका सिन लेमु खाला छ्या स्‍येकान्‍ते परमेश्‍वर खुशी ओङस्‍यीत सिन गा लाङच्‍येते बात लोप्‍क्‍यो।

१ थिस्‍सलोनिकी 5:14

थेमे आज्‍यो न्‍वावे, ख्‍योकोनगी खेराङ नाङ दाक्‍पोन लाःक खिता ताङला अल्‍छी खाला देत्‍कानला थोक माकेत, काम खिता फाप्‍क्‍यो सिन सि, ज्‍यीबा खित्‍कानला ज्‍यीबा खिता माफाबो सिन सि, प्रभु येशूला विश्‍वास खाईन पाको गाला मेतातेबाला पाको ड्वाप्‍ला मद्धत बिन। थेमे स्‍येदाङ मिक्‍किता खाला गाङेताङ खा छ्येत लेमु खाला काम खि।

१ तिमोथी 4:6

दि बातओन खुई ज्‍येन आज्‍यो न्‍वालाङ लेमु खाला लाप्‍ला बिन। थोक खासीन खो येशू ख्रीष्‍टकी खि साबाते काम लेमु खाला खित्‍कान्‍ते मि ओङगो। येशू ख्रीष्‍टला विश्‍वास खित्‍जीन ङेन्‍दाते बात खुई झन लेमु खाला खोकीन डुइओ। थेमे थरिङसाक ङेन्‍गीन वाबाते सत्‍यते बाततेबा झन लेमु खाला ङेन्‍गीन देता थुप्‍क्‍यो।

हिब्रू 4:11

ङुरूङ पुर्खेकी परमेश्‍वर बातला नामज्‍योक मासेतेकी परमेश्‍वरगी देत ज्‍युता चालाच्‍योक खाईन ढुक्‍क खाईन देता ङेता मेतान। थोगी थेबाला च्‍योक मेङस्‍यीत सिन ङुरूङगीचेन परमेश्‍वरगी साबा च्‍योकराङ खाला दाक्‍पोनला ढुक्‍क खाला देत ज्‍युत्‍स्‍यीत सिन थे बात ङेन्‍च्‍ये छ्य्‌वापाकामा स्‍येत खिता फाप्‍क्‍यो।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

याकूब 1:18

परमेश्‍वरगीराङ ङुरूङला सत्‍यते बात छ्या स्‍ये च्‍युत्‍कीन थे खोरोङ फुज्‍युङ फुमु जोसुङ। दोक खाईन थेकी थे खोरोङगी जोबाते गाङे नाङ ङुरूङलाचेन थेला चढे खाबाते साम्‍बाते बाली च्‍योक जोसुङ।

२ पत्रुस 1:10

थोगी आज्‍यो न्‍वावे, परमेश्‍वरगी खेराङला छाने खाईन थे खोरोङ दोन्‍दु स्‍योक सिन काताङाते पक्‍काराङ ईन सिन छ्या स्‍येबाला ख्‍योकोनगी ङे थाल्‍लासाक साबाच्‍योक खिनराङ देत। दोक खिन देत्‍सीन ख्‍योकोनगी मेलेबा काम मिक्‍किओ।

२ पत्रुस 1:15

ङा स्‍यिनामेकीङ ख्‍योकोनगी दि बाततेबा नोमुङ टोक मेज्‍येत्‍स्‍यीत सिनराङ ङे ङाराङ स्‍येतकी थुपासम्‍म खाईन दि बातओन खो ज्‍युता चालाते ईन।

२ पत्रुस 3:14

थोगी ङिङज्‍येते आज्‍यो न्‍वावे, था तिरी दोक दोक ओङगो सिन खेराङ गुकीन देता ओतेकी ख्‍योकोन छ्याःङ गल्‍ती मेताते, सुङगीङ दिबेकी दोक दोक गल्‍ती खाबा ओत सिरा मुथुप्‍च्‍या थेमे परमेश्‍वरताङ डिक्‍ला देत्‍कान्‍ते मि ओङा थुप्‍स्‍यीत सिन ख्‍योकोनगी काम बात जे खित्‍जीनोङ लेमु खित्‍च्‍ये छ्य्‌वापाकामा स्‍येत खि।