२ तिमोथी 2:12 - जिरेल12 थेमे जस्तो ओङजीनोङ सेम मेसेता खाईन दुक्पा भोगे खिन देत्सीन ङुरूङगीङ थेत्ताङराङ राज्य खिता ङेत्क्यो। ङुरूङगी थे मि मेन सिन थेला विश्वास खिता ताङसीन थेकीङ तिरी ङुरूङला थे खोरोङ मि मेन सिन सिओ। Faic an caibideil |
२ तिमोथी 2:12
29 Iomraidhean Croise
ख्योकोन था समय मिओननी परमेश्वरला माने खिता ताङगीन मेलेबा मेलेबा काम खित्कान ईन। ख्योकोन नाङ सुइँदेकी ङे मि ईन सिराला ङोचा खिदुक थेमे ङे बात मेङेन्दुक सासीन परमेश्वर ओत्सादुई वाबाते मि ङाङ तिरी ग्युरला ओङजीन थोक्ते मिला ङो मेस्येओ सिन सिओ। थेजीन ङा आबेते छ्येज्यीक शक्ति ङेत्ला नाम्दाककी झिलिमिली गाल्ला थे दूतओनताङ दुरू ग्युरला ओङगो,” सिन सिदुक।
थे फुज्युङ फुमु ओङनामेई थे खोरोङ फुज्युङ फुमुला तेरग्यो साबाते जेसुकै परमेश्वरगी ङुरूङला तेरग्यो। थोक खाला येशू ख्रीष्टकी ङेत्च्येते ङुरूङगीङ ङेत्क्यो। ईन्दालाचेन येशू ख्रीष्टकी खाबा च्योकराङ ङुरूङगीङ थरिङोला दुक्पा भोगे खिता फाप्क्यो। थेमे थेला छ्येज्यीक मान बिन्दा च्योकराङ परमेश्वरगी ङुरूङलाङ मान बिन्ला थे खोरोङगी ज्वा चाला च्योकराङ लेमु जोइओ।
खेराङ विरोध खित्कान्ते मिओनगी ख्योकोनला जति ज्यीबा लाङसीनोङ थेबाताङ छ्याःङ ज्यीबा माकेत। जति दुक्पा तेरजीनोङ ख्योकोनगी गा लाङच्येते बात ङेन्गीन देता थोङजीन थेबेकी ख्योकोनला ग्याला मुथुप्च्याक्वा, दोक खाबेकी था परमेश्वरगी खोपरोङला सजाय तेरग्यो सिन छ्या स्येक्यो। थेमे ख्योकोनगीचेन होथेबेकी च्योक खाला नोमुङ पापकी सजाय भोगे खिता माफाबो सिन छ्या स्येक्यो।
ङे च्यिला थे बात ङेन्दा तोङा मेङगो साबाते ईन्दे सासीन कोई कोई मि खाराक्पा ख्योकोन नाङ स्यूकीन सिन्दा ओत। थेबाचेन परमेश्वरगी माकेत साबा साबाते काम खित्कान्ते मि ईन। थेबेकी ङुरूङ परमेश्वरगी मिला दया खाला पापदुकी डेल्च्येते बातला चुक खिका सासीन परमेश्वरगी दाक्पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्डीबाजी थेमे होदि च्योक्ते खिता मेङच्येते काम खिदुक। थेमे ङुरूङ मालिक येशू ख्रीष्टलाङ माने मिक्किदुक। गाङेपा गाङेला राज्य खित्कान्ते थेकामा ईन। होथोक्ते मिओनगी चुकस्यिक सजाय ङेत्कीते सिन परमेश्वर बातला गोमाका टिबा ओत।
ङा ख्योकोन आज्यो यूहन्नाङ ख्योकोन च्योकराङ येशूताङ जीउज्यीकराङ ओङाते मि ईन। थोगी ङेङ ख्योकोनगी च्योकराङ खाईन दुक्पा ङेता ओत। थेमे ङाङ परमेश्वर राज्यदु ख्योकोनताङ ङ्योम्बुराङ देता ङेत्क्यो। जस्तो दुक्पा ङेत्सीनोङ ङाङ ख्योकोन च्योकराङ खपे खाईन देता ओत। ज्येनला परमेश्वर बात लापेकी थेमे येशू ख्रीष्ट सु ईन्दे, थेकी च्यि खिते सिन लापेकी खित्सादु ङाला समुन्द्रे किल्दु ओताते पत्मोस लुङबापा उरगीन ताङा ओतान।
थेमे दि तिरी ङे सिंहासनतेबा थेमे थे लाक्तु देत्कान्तेबाला थोङसुङ। थेबालाचेन न्याय खित्च्येते अधिकार बिन्दा ओतान। लोक्ला ङे येशू सु ईन्दे, थेकी च्यि खिते सिन ज्येनला लापेकी थेमे ज्येनला परमेश्वर बात लापेकी खित्सादु गोः तुप्कीन सेताते मिओन आत्मा थोङसुङ। थेबेकी थे जन्तु थेमे थे मूर्तिला माने खाबा मेतान। थेमे खोपरोङ टालाला कि सामे लाक्पाला थे जन्तु मिनगी छाप देक च्युता मेतान। थेबा गाङेराङ दाक सोम्बो लोक्सुङ। थेमे लो हजारज्यीकसाक ख्रीष्टताङ ङ्योम्बुराङ राज्य खासुङ।
स्याप्तेबे नाङ दि गोमे बाजिला परमेश्वरगी सोम्बो लोक्पाते मिओन भाग्यमानी ईन। थेबाचेन सेम खुदुक गाल्गीन लेमु काम खित्कान्ते मिओन ईन। थाचेन दिबेकी ज्यीबा लाङच्याज्यीक मे धुनी नाङ स्यूक्पा फाप्च्येते बातकीते छ्याःङ ज्यीबा खिता माफाबो। दिबा था परमेश्वरताङ ख्रीष्टकी दोन्दु पूजारी ओङला देता ङेत्क्यो। दिबेकी लो हजारज्यीकसाक ख्रीष्टताङराङ राज्य खिओ।
Sanasan