२ तिमोथी 1:8 - जिरेल

⁸ थोक ईन्‍देकी ज्‍येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्‍याक्‍पा ओत्‍सीनोङ खो छ्याःङ ङोचा माकेत। बरू थे गा लाङच्‍येते बात लोप्‍जीन खुईङ ङे च्‍योकराङ खाला दुक्‍पा भोगे खिता फाप्‍च्‍या दुक सासीनोङ थोकराङ खि। थोक खिताला परमेश्‍वरगीराङ खोल्‍ला थे खोरोङ शक्ति तेरग्‍यो।

२ तिमोथी 1:8 Iomraidhean Croise

मर्कूस 8:38

ख्‍योकोन था समय मिओननी परमेश्‍वरला माने खिता ताङगीन मेलेबा मेलेबा काम खित्‍कान ईन। ख्‍योकोन नाङ सुइँदेकी ङे मि ईन सिराला ङोचा खिदुक थेमे ङे बात मेङेन्‍दुक सासीन परमेश्‍वर ओत्‍सादुई वाबाते मि ङाङ तिरी ग्‍युरला ओङजीन थोक्‍ते मिला ङो मेस्‍येओ सिन सिओ। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला थे दूतओनताङ दुरू ग्‍युरला ओङगो,” सिन सिदुक।

लूका 9:26

थेमे सुइँदेकी ङे मि ईन सिराला ङोचा खिदुक थेमे ङे बात मेङेन्‍दुक सासीन परमेश्‍वर ओत्‍सादुई वाबाते मि ङाङ तिरी छ्येज्‍यीक शक्ति ङेत्‍ला ग्‍युरला ओङजीन थोक्‍ते मिला ङो मेस्‍येओ सिन सिओ। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला थे दूतओनताङ दुरू ग्‍युरला ओङगो।

यूहन्‍ना 15:27

शुरूमेकीराङ ख्‍योकोन ङात्ताङ द्वामा देत्‍कीन ख्‍याम्‍गीन खाबाते मि ईन्‍देकी ख्‍योकोनगीङ ङा सु ईन्‍दे, ङे च्‍यि खिते सिन ज्‍येनला लोप्‍क्‍यो।

यूहन्‍ना 19:35

ख्‍योकोनगी दि बात पक्‍काराङ ईन्‍दाते दुका सिन पत्ते खित्‍स्‍यीत सिन थे खोरोङ मिगीराङ दोक दोक ओङाते थोङकान्‍ते मिकी दि बाततेबा साबाते ईन। थेकी मेन्‍दाते सिराते बातज्‍यीगोङ मिक्‍किता खाईन जस्‍तो जस्‍तो थोङा ओतान उस्‍तो उस्‍तोराङ साबा ओत।

शक्ति काम 5:41

ताङनामेई थेबाचेन “ङुरूङ चुक भाग्‍यमानी ईन्‍दे। च्‍यिला सासीन परमेश्‍वरगी ङुरूङला प्रभु येशू लाईदु दुक्‍पा भोगे खित्‍च्‍ये मौका बिन्‍सुङ,” सिन गा खिनकामा बात खिन गाल्‍सुङ।

रोमी 1:16

गा लाङच्‍येते बात लोपाला ङाला सुङताङ छ्याःङ ङोचा मालाङदुक। च्‍यिला सासीन दि बातला परमेश्‍वरताङ चुक छ्येज्‍यीक शक्ति ओते सिरच्‍येते बात ओत। दि बात ङेन्‍ला येशूला विश्‍वास खित्‍कान्‍ते मिबरी गाङेला परमेश्‍वरगी पापदुकी डेल्‍ग्‍यो। दि पापदुकी डेल्‍च्‍येते काम परमेश्‍वरगी गोमा यहूदीओनला खासीनोङ ज्‍येन ज्‍येन जातकी मिलाङ खिओ।

रोमी 16:25

थेमे परमेश्‍वरगीराङ ख्‍योकोनला शक्ति तेरच्‍येते ईन्‍देकी ख्‍योकोनगी येशू ख्रीष्‍टला विश्‍वास खिन देता थुप्‍क्‍यो। परमेश्‍वरगी खित्‍सादु दोक खिन देता थुप्‍क्‍यो सिन येशू ख्रीष्‍ट सु ईन्‍दे, चुक्‍ते ईन्‍दे सिन ङे लोप्‍कीन ओताते गा लाङच्‍येते बातला साबा ओत। दि जुग शुरू ओङा भन्‍दा गोमामेईराङ परमेश्‍वरगी सुङलाङ छ्या स्‍ये च्‍युता मेताते दि गा लाङच्‍येते बात

रोमी 8:36

ङुरूङला दुक्‍पा ओङगो सिनका परमेश्‍वर बातलाङ दोक सिन टिबा ओत। चुक सासीन “ए परमेश्‍वर, खुई मि ईन्‍देकी ङ्योकोनला सधैँ ज्‍येनगी दुक्‍पा बिन्‍ला सेता छोल्‍गीदुक। थेबेकीनी ङ्योकोनला सेताला टीकीन खेराते लुकला च्‍योकराङ खिदुक,” सिन साबा ओत।

रोमी 9:33

होथे दोई बात खिन परमेश्‍वरगी थे खोरोङ बातला दोक सिन साबा ओतान। चुक सासीन “लो दि बात लेमु खाला ङेन। ङा सियोन सारदु दोज्‍यीक ज्‍य्‌वाक्‍यो। थे दोला मिओन नार्दोक देइओ। ङे थेरू ज्‍याक्‍पाते दोला मिओन ठोके खाला रिल्‍ग्‍यो। परमेश्‍वरगी सियोन सारदु ज्‍याक्‍पाते दो साबाते मिकीकामा ङुरूङला लेमु खिता थुप्‍क्‍यो सिन थेला विश्‍वास खित्‍कान्‍ते मिओनला थेकी नोमुङ ङोचा मोलोङो,” सिन साबा ओतान।

१ कोरिन्‍थी 1:6

ङ्योकोनगी ख्‍योकोनला लाप्‍कीन बिन्‍दाते ख्रीष्‍टकी बात ख्‍योकोनगी लेमु खाईन ङेन्‍सुङ, थे बात ख्‍योकोनगी लेमु खाईन खोबा ओत।

२ कोरिन्‍थी 6:7

परमेश्‍वर बातला जे साला दुक ङ्योकोन थेकामा लोप्‍क्‍यो, ङेराङगी खित्‍च्‍येते काम ङ्योकोन परमेश्‍वर शक्ति छ्य्‌वापेकी खिओ। लडाइँला डोकान्‍ते मिते सामे लाक्‍पाला तरवार थेमे देब्रे लाक्‍पाला ढाल ओङगो। ङ्योकोन ढालताङ तरवारचेन परमेश्‍वरगी खि साबा साबाच्‍योक खाला ङेराङगी खिन ओताते कामराङ ईन।

एफिसी 3:1

परमेश्‍वरगी ख्‍योकोनला होदोक लेमु खाबा ओतेकी ङा पावल ख्‍योकोन लाईदु परमेश्‍वरला प्रार्थना खिओ। येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ख्‍योकोन ज्‍येन ज्‍येन जातकी मिला लेमु ओङस्‍यीत सिन ङा दोक खाला दुक्‍पा भोगे खिओ।

एफिसी 3:13

दोक ईन्‍देकी ओर्च्‍ये, ख्‍योकोन लाईदु काम खित्‍जीन ङे जेलदु देत्‍कीन दुक्‍पा भोगे खिता फापा ओत्‍सीनोङ ख्‍योकोन सेम मासेत। ङे दोक खाईन दुक्‍पा भोगे खाबातेनी ख्‍योकोनला लेमु ओङालाराङ ईन।

एफिसी 4:1

बात दोक दोक ईन्‍देकी ङा ख्‍योकोनला दोक खि सिन सिओ। प्रभु येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ङा ख्‍योकोनला चुक खि सिते सासीन ओर्च्‍ये, परमेश्‍वरगी खेराङला थे खोरोङ दोन्‍दु स्‍योक सिन कातोङजीन ख्‍योकोनगी चुक चुक खिता फाप्‍क्‍यो सिन साबा ओताने थोक थोकराङ खि।

एफिसी 4:17

थेमे प्रभु ख्रीष्‍टकी ङाला दोक सिरच्‍येते अधिकार बिन्‍दा ओतेकी ङा ख्‍योकोनला दि बाततेबा सिन ओत। च्‍यि सासीन ख्‍योकोनगीचेन परमेश्‍वरला छ्या मेस्‍येकान्‍ते मिओनगी च्‍योकराङ खिन देता मेङगो। परमेश्‍वरला छ्या मेस्‍येकान्‍ते मिओनचेन तिरी बात छ्याःङ विचार मिक्‍किकान्‍ते बुद्धि मेताते मि ईन।

फिलिप्‍पी 1:7

ख्‍योकोन विषयला खाबाते दि बात ङे थाराङ खाबाते मेन। ङा ङीन नुप ख्‍योकोनला सम्‍झे खिनराङ देत्‍क्‍यो। ङा दुरू जेलदु देता ओत्‍सीनोङ थेमे ङाराङगी लोप्‍च्‍येते बात सत्‍यते ईन सिन बेला बेलाला अड्डादु बयान तेरा फाप्‍सीनोङ परमेश्‍वर दयेकी खित्‍सादुराङ ङे दोक दोक खिता थुपा ओत। ङाला दया खित्‍कान्‍ते परमेश्‍वरगी ख्‍योकोन गाङेलाङ ङाला च्‍योकराङ खाला दया खिन ओत।

फिलिप्‍पी 3:10

थोगी ङानी ख्रीष्‍टला झन लेमु खाला छ्या स्‍येबा छोल्‍ग्‍यो। थेमे थे सोम्‍बो लोक्‍पा ओतेकी थेत्ताङ ओताते शक्ति ङेङ ङेत्‍स्‍यीत सिन सेम खिओ। थेकी दुक्‍पा भोगे खाईन थे खोरोङ ज्‍यानोङ बिन्‍दा ओतान। थेकी खाबा च्‍योकराङ खिताप सिन ङाङ ङाराङ खुशी मिक्‍किता खाला दुक्‍पा भोगे खिन स्‍या फाप्‍सीनोङ नाइँ मिसिरो।

फिलिप्‍पी 4:13

जस्‍तो ओङसीनोङ येशू ख्रीष्‍टकी ङाला शक्ति तेरच्‍येते ईन्‍देकी ङे जेङ खिता थुप्‍क्‍यो।

कलस्‍सी 1:11

दोस्‍यिककामा मेन, जस्‍तो ओङसीनोङ सेम मेसेता खाला गा खिन जस्‍तो दुक्‍पाङ खपे खिन देताला परमेश्‍वरगी ख्‍योकोनला थे खोरोङ छ्येज्‍यीक शक्ति तेरस्‍यीत

कलस्‍सी 1:24

ख्‍योकोन लाईदु दुक्‍पा भोगे खित्‍च्‍येतेनी ङाला गा लाङच्‍येते बातका ईन। ख्रीष्‍टकी खिता चालाते काम पूरो ओङस्‍यीत सिन ङाङ ङाराङला ङे जीउकी थोई दुक्‍पा भोगे खिता फाप्‍क्‍यो सिन ओताने थोस्‍यिकराङ दुक्‍पा भोगे खिन ओत। दि दुक्‍पाचेन ङे येशू ख्रीष्‍ट थे खोरोङ जीउ ईन्‍दाते मिओनला लेमु ओङाला भोगे खिता फाप्‍क्‍यो।

१ थिस्‍सलोनिकी 3:4

ङुरूङला ज्‍येनगी खेदा खाला दुक्‍पा तेरग्‍यो सिनका ङ्योकोनगी ख्‍योकोनताङ ङ्योम्‍बु ओत्‍जीनराङ साबा ओतान। ओङाबोङ थेजीन साबा च्‍योकराङ ङुरूङला दुक्‍पा ओङसुङ मेन?

१ तिमोथी 2:6

मि गाङे पापकी सजाय थे खोरोङगीराङ भोगे खाईन थेचेन मि गाङे लाईदु ज्‍यान बिन्‍गीन स्‍यिसुङ। थेकी थोक खाबाते काम तालाराङ परमेश्‍वरगी मि गाङेला पापकी सजायदुकी टाल्‍ला थे खोरोङताङ डिक ज्‍युता छोल्‍ग्‍यो सिन परमेश्‍वरगी थे खोरोङगी तोके खाबे बेलाला मिओनला छ्या स्‍ये च्‍युत्‍सुङ।

२ तिमोथी 1:10

ङुरूङला पापदुकी डेल्‍कान्‍ते येशू ख्रीष्‍ट देमा वाबेकी थे खोरोङगी ङुरूङला दया खिओ सिन साबाते बात परमेश्‍वरगी छ्या स्‍ये च्‍युत्‍सुङ। थेमे येशू ख्रीष्‍टकी दुरू वाकीन स्‍यिच्‍येते कालला ग्‍यालेकी थेकी मिओनला नोमुङ मिसिन्‍च्‍येते जुनी तेरग्‍यो थेमे थोक्‍ते मि नोमुङ मिस्‍यिओ। दि बातचेन गा लाङच्‍येते बातलाराङ साबा ओत।

२ तिमोथी 1:12

दि काम खाबेकीराङ ङाला जेलदु लुक्‍पेकी दोक खाला दुक्‍पा भोगे खिन ओत। ईन्‍सीनोङ दोक खिता फापाते ङाला छ्याःङ ङोचा मेत। च्‍यिला सासीन ङे सुला विश्‍वास खाबा ओते थेमे थे चुक्‍ते ईन्‍दे सिन ङाला लेमु खाला छ्या ओत। थेमे ङे थे लाःक्‍तु जे सोम्‍पे खाला दुक थे खोरोङ दुरू ग्‍युरला ओङे छोमुसाकराङ थेकी थे लेमु खाला तेइओ सिरच्‍येते बातला ङाला छ्याःङ शंका मेत।

२ तिमोथी 1:16

ओनेसिफरस खाम्‍बे मि गाङेला प्रभु येशूकी लेमु खित्‍स्‍यीत। च्‍यिला सासीन पालोताङ पालो थेकी ङाला आँट बिन्‍दा ओतान। थेमे ङा जेलदु ओता ईन्‍सीनोङ छ्याःङ ङोचा खाबा मेतान।

२ तिमोथी 2:3

थेमे लेमु खाला काम खित्‍कान्‍ते मिल्‍टेरीकी लडाइँला जस्‍तो दुक्‍पा ओङसीनोङ खपे खाबाच्‍योक खाला गा लाङच्‍येते बात लोप्‍जीन खुईओङ येशू ख्रीष्‍ट मिल्‍टेरी च्‍योक ओङला दुक्‍पा भोगे खि। दोक खाला ङे खाबा च्‍योकराङ खि।

२ तिमोथी 2:8

थेमे गेल्‍बो दाऊद सन्‍तान नाङ केबाते येशू ख्रीष्‍टला सधैँ सम्‍झे खिन देत। परमेश्‍वरगी थेला स्‍यिसादुकी सोम्‍बो लोक्‍पा ओत। मिओनला ङे लोप्‍कीन ओताते गा लाङच्‍येते बादोङ दिराङ ईन।

२ तिमोथी 2:9

दि बात लापेकीराङ ङा दुक्‍पा भोगे खिन ओत। ङाला डाँकाला च्‍योक खाईन नेल कोन्‍गीन जेलदु समेत लुक्‍पा ओत। तर ङाला नेल कोन्‍ला जेलदु किल्‍ला ज्‍य्‌वाबाच्‍योक खाला परमेश्‍वर बात फैले मिक्‍किस्‍यीत सिनचेन जति खासीनोङ सुङगीङ छ्याःङ खिता मुथुबो।

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

२ तिमोथी 4:5

तर खोचेन जे खित्‍जीनोङ लेमु खाला विचार खालाकामा खि, खोरोङ काम खित्‍जीन जस्‍तोराङ दुक्‍पा ओङसीनोङ थे दुक्‍पा भोगे खि, ठाउँ ठाउँला गाल्‍ला गा लाङच्‍येते बात लोप्‍कान्‍ते मिकी खित्‍च्‍येते काम खिन देत थेमे परमेश्‍वरगी खोल्‍ला जिम्‍मा लै खाबाते काम गाङे मासिनथुप खिनराङ देत।

१ पत्रुस 1:5

ख्‍योकोनगी प्रभु येशूला विश्‍वास खितेकी खित्‍सादु था दि जुग सिन्‍दे खाला ख्‍योकोनला पूरो खाला पापदुकी टाल्‍ला स्‍वर्गने खेरच्‍येते समय ओङ ओङसाकराङ परमेश्‍वरगी थे खोरोङ शक्तिकी ख्‍योकोनला मेलेबा काम खित्‍से छ्य्‌वापेई जोए खाला ज्‍य्‌वाक्‍यो।

१ यूहन्‍ना 4:14

आबा परमेश्‍वरगी दि सा लुङबे मिओनला पापदुकी डेलाला थे खोरोङ फुज्‍युङला देमा ताङा ओतान। थेकी थेला देमा ताङाते ईन सिन ङ्योकोनगी ङेराङ मिगीराङ थोङाते थेमे लेमु खाईन छ्या स्‍येबाते ईन्‍देकी दि बाततेबा ङ्योकोन ज्‍येनलाङ लाःप्‍क्‍यो।

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।

छ्या स्‍ये च्‍युताते बात 1:2

थेमे यूहन्‍नेकीचेन थे खोरोङगी थोङातेताङ थोबाते परमेश्‍वर बात थेमे येशू ख्रीष्‍टकी छ्या स्‍ये च्‍युत्‍कीन बिन्‍दाते गाङे बात ईन्‍दातेराङ ईन सिन साबा ओत।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।

छ्या स्‍ये च्‍युताते बात 12:11

ङुरूङ लाईदु स्‍यिजीन लुई रीउ जीउदुकी थेन्‍दाते ठागी खित्‍सादु थेमे थे लुई रीउ सु ईन्‍दे, थेकी च्‍यि खिते सिन थे बात ज्‍येनला लापेकी खित्‍सादु ङुरूङ आज्‍यो न्‍वाकी थोक खाला खोपरोङला दोष लै खित्‍कान्‍तेला ग्‍याल्‍सुङ। सेता छोल्‍जीन थेबेकी खोपरोङ ज्‍यानगी मायाङ खाबा मेतान।

छ्या स्‍ये च्‍युताते बात 19:10

थेकी थोक सानामेई से खिताप सिन ङा थे दूतकी काम्‍बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्‍वरला च्‍योक खाला से माकेत। येशू सु ईन्‍दे, थेकी च्‍यि खिते सिन लोप्‍कान्‍ते खोत्ताङ खुई आज्‍यो न्‍वाओन च्‍योकराङ ङाङ परमेश्‍वर काम खित्‍कान्‍तेकामा ईन। थोगी परमेश्‍वरलाकामा छ्ये जो। येशू सु ईन्‍दे, थेकी च्‍यि खिते सिन लोप्‍च्‍येतेचेन परमेश्‍वर आत्‍मे छ्य्‌वापेई खित्‍च्‍येते ईन,” सिन सिदुक।