२ तिमोथी 1:5 - जिरेल

⁵ थेमे खेकीकामा मेन्‍देकी खुई पक्‍काराङ खाईन येशू ख्रीष्‍टला विश्‍वास खाबाते बात ङे टोक ज्‍येता मेत। खुई गोम्‍मु लोइसताङ खोरोङ आमा युनिसकीङ थोङला होदोकराङ खाला परमेश्‍वरला विश्‍वास खिन ओतान। खोङ थेबेकी च्‍योकराङ खाला येशू ख्रीष्‍टला विश्‍वास खित्‍कान्‍ते मि ईन सिन ङाला लेमु खाला छ्या ओत।

२ तिमोथी 1:5 Iomraidhean Croise

यूहन्‍ना 1:47

नथानेलला थे खोरोङ ओत्‍सापा ओङा थोङगीन येशूकी “लो तो, दिचेन लेमुते इस्राएली ईन। दि सेमगी नाङ मेलेबा सिराते छ्याःङ मिन्‍दुक,” सिन सासुङ।

शक्ति काम 16:1

थोक खिन पावलबा डर्बीपा लेप्‍सुङ। थेमे थेरूकीङ लिस्‍त्रापा गाल्‍सुङ। लिस्‍त्रादु तिमोथी सिराज्‍यीक येशू चेला ओतान। थेते आमाते यहूदी थेमे आबाचेन ग्रीक ओतान। थे आमातेङ येशूला विश्‍वास खित्‍कान्‍ते मि ओतान।

शक्ति काम 26:26

ङे च्‍यि च्‍यि बात खासुङा सिन गेल्‍बो अग्रिपाला गाङे लेमु खाला छ्या ओत। थोगी गेल्‍बोकी मोखोता सिन छ्याःङ ज्‍यीबा मिक्‍किता खाला ङा दि गाङे बात खिन ओत। दि बाततेबा गाङे मि मिगी दोन्‍दुराङ ओङाते बात ईन्‍देकी गेल्‍बोला छ्या मेताते बात मेन,” सिन साकीन

रोमी 14:14

प्रभु येशूताङ जीउज्‍यीकराङ ओङाते मि ईन्‍देकी दि बात ङे लेमु खाईन छ्या स्‍येबा ओत। च्‍यि सासीन स्‍या ईन्‍सीनोङ ज्‍येनतोक ईन्‍सीनोङ सा मेङच्‍येते सिराते छ्याःङ ओतराङ मेत। मिकी जे सोसीनोङ पा फोक्‍च्‍येते मेन। दोक ईन्‍सीनोङ सुइँदाला दिनी सा मेङगो, दि सोसुङ सासीन पा फोइओ सिराच्‍योक लाङगीन लाङगीन थोक्‍ते साप सोसुङ सासीन थेबालाचेन दाक पा फोइओ।

रोमी 14:5

थेमे याङराङ कोई कोईकी दि छोमु दोक खिता फाप्‍क्‍यो, दोक खिता मेङगो सिन कोई दिनला ज्‍येन भन्‍दा खुदुकराङ दिन ईन सिन माने खिओ। लोक्‍ला कोईकीचेन गाङे दिन थोजोराङ ईन, छ्याःङ फरक मेत सिन सिओ। जो जसकी जुन दिनगी छोमु जे खासीनोङ ङे दोक खाबाते ठीकराङ ईन सिन सेमदु ढुक्‍क ओङला खिता फाप्‍क्‍यो।

रोमी 15:14

थेमे आज्‍यो न्‍वावे, ख्‍योकोन ङे दोक खि, थोक खि सिन माकोतालाराङ आउदी लेमु खाला काम खिन दुक। थेमे च्‍यि च्‍यि चुक खित्‍च्‍ये सिन लेमु खाईन छ्या स्‍येबा ओतेकी खेराङ नाङ दोक्‍पोईकी ज्‍येनज्‍यीकला लोप्‍कीन दुक। ख्‍योकोनगी दोक खिन ओताते बात ङाला लेमु खाला छ्या ओत।

रोमी 4:21

परमेश्‍वरगी थे खोरोङताङ जमान खाबा च्‍योकराङ खिता थुप्‍क्‍यो सिन अब्राहाम ढुक्‍क खाईन विश्‍वास खिन देत्‍सुङ।

रोमी 8:38

थोगी ङे दि बात लेमु खाईन छ्या स्‍येबा ओत। च्‍यि सासीन दुरू सोन्‍ला देत देतसाक जे ओङसीनोङ थेमे स्‍यिनामेकीङ परमेश्‍वरगी ङुरूङला ङिङज्‍ये खिता मोतोङो। परमेश्‍वर दूतओनगी ईन्‍स्‍यीत, ल्‍हा लुओनगी ईन्‍स्‍यीत, थरिङोला ङेत्‍च्‍येते दुक्‍पा किम्‍मु बातकी ईन्‍स्‍यीत, था तिरी आइ परे खित्‍च्‍येते बातकी ईन्‍स्‍यीत, ल्‍हन्‍डीक स्‍यिन्‍डीपकी ईन्‍स्‍यीत थेमे खेनला स्‍वर्गने ओतातेबेकी ईन्‍स्‍यीत, थुल्‍ला नरककुण्‍डमा ओतातेबेकी ईन्‍स्‍यीत परमेश्‍वरगी जोबातेबरी जो ईन्‍सीनोङ जे ईन्‍सीनोङ सुङगीङ थेमे छ्याःङगीङ ङुरूङला ङिङज्‍ये खित्‍कान्‍ते परमेश्‍वर छ्य्‌वापेकी डेला मुथुबो। ङुरूङ प्रभु येशू ख्रीष्‍टकी खित्‍सादु थेकी ङुरूङला ङिङज्‍ये खिता नोमुङ तोङराङ मोतोङो।

२ कोरिन्‍थी 6:6

ङ्योकोन मेलेबा काम सिराते छ्याःङ मिक्‍किओ। परमेश्‍वरगी ङ्योकोनला थे खोरोङ बाततेबा लेमु खाईन छ्या स्‍ये च्‍युता ओत। ङ्योकोन सेम मेसेता खाला काम खिओ, ज्‍येनला दया खिओ, परमेश्‍वर आत्‍मेकी खि साबाते कामकामा खिओ थेमे खेकीकामा मेन्‍देकी ङ्योकोन ज्‍येनला पक्‍काराङ खाला ङिङज्‍ये खिओ।

१ तिमोथी 1:5

ङे खोल्‍ला होथे मिओनला दोक खि, थोक माकेत सिन कोत साबातेचेन थेबेकी ज्‍येनतेबाला ङिङज्‍ये खित्‍स्‍यीत सिनराङ ईन। थोक खाला ङिङज्‍ये खिताला थेबे सेम लेमु ओङा फाप्‍क्‍यो, दाक्‍पोनला ङे दोक खिता ठीक मेन सिराच्‍योक लाबाते काम छ्याःङ खिता मेङगो, थेमे खेकीकामा मेन्‍देकी येशू ख्रीष्‍टला पक्‍काराङ खाला विश्‍वास खिता फाप्‍क्‍यो।

१ तिमोथी 4:6

दि बातओन खुई ज्‍येन आज्‍यो न्‍वालाङ लेमु खाला लाप्‍ला बिन। थोक खासीन खो येशू ख्रीष्‍टकी खि साबाते काम लेमु खाला खित्‍कान्‍ते मि ओङगो। येशू ख्रीष्‍टला विश्‍वास खित्‍जीन ङेन्‍दाते बात खुई झन लेमु खाला खोकीन डुइओ। थेमे थरिङसाक ङेन्‍गीन वाबाते सत्‍यते बाततेबा झन लेमु खाला ङेन्‍गीन देता थुप्‍क्‍यो।

२ तिमोथी 1:12

दि काम खाबेकीराङ ङाला जेलदु लुक्‍पेकी दोक खाला दुक्‍पा भोगे खिन ओत। ईन्‍सीनोङ दोक खिता फापाते ङाला छ्याःङ ङोचा मेत। च्‍यिला सासीन ङे सुला विश्‍वास खाबा ओते थेमे थे चुक्‍ते ईन्‍दे सिन ङाला लेमु खाला छ्या ओत। थेमे ङे थे लाःक्‍तु जे सोम्‍पे खाला दुक थे खोरोङ दुरू ग्‍युरला ओङे छोमुसाकराङ थेकी थे लेमु खाला तेइओ सिरच्‍येते बातला ङाला छ्याःङ शंका मेत।

२ तिमोथी 3:15

थेमे च्‍याक फिजामेईराङ खोरोङगी दि बात चुक खाईन ङेन्‍गीन वाबाते ईन्‍दे सिन टोक माज्‍येत। परमेश्‍वर बात ताला येशू ख्रीष्‍टला विश्‍वास खित्‍कान्‍ते मिओनला थेकी पापदुकी डेल्‍ग्‍यो सिन खुई लेमु खाला छ्या स्‍येक्‍यो।

हिब्रू 11:13

परमेश्‍वरगी तेरग्‍यो सिन साबाते लुङबा अब्राहाम, इसहाक थेमे याकूबकी खोपरोङ स्‍या बेलासाकोङ ङेता मेतान। ईन्‍सीनोङ थे खोरोङगी जमान खाबाच्‍योक परमेश्‍वरगी ङीमाई दाक खिओ सिन थेला विश्‍वास खाबेकी थेबेकी थे ङेता छेतराङ ठाने खाईन स्‍यिसुङ। थेबा खोपरोङ दि सा लुङबादु खालि लामला ख्‍याम्‍कान्‍ते मि लुङबे मि च्‍योकराङ ईन सिन थेबाला छ्या ओतान।

हिब्रू 6:9

ङिङज्‍येते आज्‍यो न्‍वावे, ङ्योकोनगी खाबाते दि बातओन थोला ख्‍योकोन ज्‍यीबा माकेत। ख्‍योकोनचेन थे काम लै मिक्‍किच्‍येते स्‍यीङ च्‍योक्‍ते मेन। थेमे ख्‍योकोन परमेश्‍वर छ्य्‌वापेई नोमुङ ठाल्‍ला मोन्‍डोओ सिन ङ्योकोनला लेमु खाला छ्या ओत। परमेश्‍वरगी ख्‍योकोनला पूरो खाला पापदुकी डेल्‍ग्‍यो।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।