२ तिमोथी 1:3 - जिरेल

³ थेमे परमेश्‍वरताङ प्रार्थना खित्‍जीन ङा ङीन नुप जहिलेङ खुई लाईदुङ प्रार्थना खिन खुई लाईदु थेला धन्‍यवाद सिओ। ङा ङाराङ ज्‍युज्‍यु पुर्खेकी माने खिन वाबाते परमेश्‍वरला थेबेकी च्‍योकराङ खाला थेला जस्‍तो खाला माने खिता फाप्‍च्‍येते ईन थोकराङ खाला माने खिओ।

२ तिमोथी 1:3 Iomraidhean Croise

लूका 2:37

ख्‍योबोते स्‍यिनामेकी थोजोराङ देत्‍कीन था थे लो खाल स्‍यीताङ स्‍यी गाला ओतान। थेचेन ङीन नुप परमेश्‍वर मन्‍दिरदु परमेश्‍वरला प्रार्थना खिन देत्‍कीन ओतान। परमेश्‍वरला झन छ्ये ज्‍वा थुप्‍स्‍यीत सिन थे बेला बेलाला बर्तङ देत्‍कीन ओतान।

शक्ति काम 22:3

थेकी थेबाला “ङाङ यहूदीराङ ईन। ङा सिलिसिये अञ्‍चलते टार्सस सारदु केबाते ईन्‍सीनोङ दुरू यरूशलेमदुराङ हुर्के खाबाते ईन। गमलिएलचेन ङे गुरू ओतान। ङुरूङ ज्‍युज्‍यु पुर्खाला बिन्‍दाते परमेश्‍वर नियम चुक खाला ङेन्‍दा फाप्‍कीते सिन थेकी ङाला गाङे आउदी लेमु खाईन लाप्‍कीन बिन्‍दा ओतान। थेमे थे नियम बातओन ङे गाङे लेमु खाईन ङेन्‍दाप। परमेश्‍वरला माने खिते लाईदु थरिङ ख्‍योकोनगी ङाला दुक्‍पा बिन्‍दा च्‍योकराङ ङेङ ज्‍येनला दुक्‍पा बिन्‍दा ओतान।

शक्ति काम 23:1

थोक खाईन यहूदीओन छ्ये छ्ये मि गाङे दोन्‍दु क्‍याल्‍नामेकी छ्याःङ ज्‍यीबाराङ मिक्‍किता खाईन थेबा ओत्‍सापाला ताकीन पावलगी “आज्‍यो न्‍वावे, परमेश्‍वरते छ्याःङ विरोध मिक्‍किता खाईन ङे जुनी खाङ थेला लेमु खाईन माने खाबा ओत,” सिन बात खिताला स्‍यूसुङ।

शक्ति काम 24:14

दि बातज्‍यीकचेन ङा लेमु खाला सिरा थुप्‍क्‍यो। च्‍यि सासीन ङाचेन दिबेकी ईनराङ मेन्‍दे बात ईन सिन साबाते येशू बात ङेन्‍गीन थे छ्य्‌वापा लै खाईन ङेराङ ज्‍युज्‍यु पुर्खेकी माने खाबाते परमेश्‍वरला माने खिओ। परमेश्‍वर नियमला टिबाते थेमे परमेश्‍वर बात खित्‍कान्‍तेबेकी टिबाते बातओनोङ ङा गाङे ङेन्‍ग्‍यो।

शक्ति काम 24:16

ङीमाई पक्‍काराङ दोक ओङगो सिन ङा दि जुनीला थुपासम्‍म जहिलेङ परमेश्‍वरगी साबा साबा च्‍योकराङ खित्‍च्‍येते थेमे ज्‍येनला लेमु ओङच्‍येते कामकामा खिता छोल्‍ग्‍यो।

शक्ति काम 26:4

च्‍यि सासीन ङा खाम्‍बादु ओत्‍जीन थेमे तिरी यरूशलेमदु देत्‍जीनोङ ङेराङ यहूदी नाङराङ देताते ईन। थोगी ङा चुक्‍ते ईन्‍दे थेमे ङे च्‍यि च्‍यि खाबा ओताने सिन यहूदी गाङेला छ्याराङ ओत।

शक्ति काम 27:23

च्‍यिला सासीन ङे माने खिन ओताते परमेश्‍वरगी दाङ ग्‍वाका ङा ओत्‍सादु थे खोरोङ दूतज्‍यीक ताङदुक।

रोमी 9:1

थेमे येशू ख्रीष्‍टताङ जीउज्‍यीकराङ ओङाते मि ईन्‍देकी ङा ईन्‍दाते बातकामा खिओ। ङे खिन ओताते दि बात ढाँर खाबाते मेन सिन ङाराङ सेमगी नाङ ओताते परमेश्‍वर आत्‍मेकीङ ङाला छ्या स्‍ये च्‍युता ओत।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

गलाती 1:14

दाक्‍पोन ज्‍युज्‍यु पुर्खे पालोमेकी चले खिन वाबाते रीतिथिति माने खिताराङ फाप्‍क्‍यो सिन ङे थेबा माने खिताला कम्‍ती दुक्‍पानी माक्‍या। ङेराङ जातकी बाला दौंतरी नाङ ङा छेत थोक लेमु खाला यहूदी धर्म माने खित्‍कान्‍ते मि ज्‍येन सुङ मेतान।

एफिसी 1:16

ख्‍योकोनला सम्‍झे खिन ख्‍योकोन लाईदु थेला धन्‍यवाद तेरा ङे नोमुङ ताङा मेत।

१ थिस्‍सलोनिकी 3:10

ख्‍योकोनला याङराङ ठेता ङेत्‍स्‍यीत थेमे प्रभु येशूला विश्‍वास खित्‍जीन ख्‍योकोनगी थोरूमोङ छ्या स्‍येबा फाप्‍च्‍येते बाततेबा लाप्‍ला तेरा ङेत्‍स्‍यीत सिन ङ्योकोन ङीन नुप परमेश्‍वरताङ आउदी खाला प्रार्थना खिन ओत।

१ तिमोथी 1:19

प्रभु येशू ख्रीष्‍टला विश्‍वास खिन ङेन्‍दाते बात ङेन्‍गीन देता मातोङ। थेमे थोरूमसाक खिन ओता च्‍योकराङ खाला दाक्‍पोनला ङे दोक खिता ठीक मेन सिराच्‍योक लाबाते काम छ्याःङ माकेत। कोई कोईकी होथोक मिक्‍किता खाईन प्रभु येशू ख्रीष्‍टला विश्‍वास खिता ताङेकी थेबाला छ्येज्‍यीक हानी ओङा ओत।

१ तिमोथी 1:5

ङे खोल्‍ला होथे मिओनला दोक खि, थोक माकेत सिन कोत साबातेचेन थेबेकी ज्‍येनतेबाला ङिङज्‍ये खित्‍स्‍यीत सिनराङ ईन। थोक खाला ङिङज्‍ये खिताला थेबे सेम लेमु ओङा फाप्‍क्‍यो, दाक्‍पोनला ङे दोक खिता ठीक मेन सिराच्‍योक लाबाते काम छ्याःङ खिता मेङगो, थेमे खेकीकामा मेन्‍देकी येशू ख्रीष्‍टला पक्‍काराङ खाला विश्‍वास खिता फाप्‍क्‍यो।

१ तिमोथी 5:5

ख्‍योबो स्‍यिइन ताकान सुङ मेत्‍कीन पक्‍काराङ दुक्‍पा ङेताते फेम्‍मे मिचेन परमेश्‍वरगी थे मोरोङला तेइओ सिन ङीन नुप थेत्ताङ प्रार्थना खिन देत्‍क्‍यो।

२ तिमोथी 1:5

थेमे खेकीकामा मेन्‍देकी खुई पक्‍काराङ खाईन येशू ख्रीष्‍टला विश्‍वास खाबाते बात ङे टोक ज्‍येता मेत। खुई गोम्‍मु लोइसताङ खोरोङ आमा युनिसकीङ थोङला होदोकराङ खाला परमेश्‍वरला विश्‍वास खिन ओतान। खोङ थेबेकी च्‍योकराङ खाला येशू ख्रीष्‍टला विश्‍वास खित्‍कान्‍ते मि ईन सिन ङाला लेमु खाला छ्या ओत।

२ तिमोथी 3:15

थेमे च्‍याक फिजामेईराङ खोरोङगी दि बात चुक खाईन ङेन्‍गीन वाबाते ईन्‍दे सिन टोक माज्‍येत। परमेश्‍वर बात ताला येशू ख्रीष्‍टला विश्‍वास खित्‍कान्‍ते मिओनला थेकी पापदुकी डेल्‍ग्‍यो सिन खुई लेमु खाला छ्या स्‍येक्‍यो।

हिब्रू 13:8

येशू ख्रीष्‍टचेन थोङला जस्‍तो ओतान थरिङोलाङ थोकराङ ओत। थेमे सधैँभरि थोकराङ देत्‍क्‍यो, थे नोमुङ खुदुक मोन्‍डोओ।