२ तिमोथी 1:2 - जिरेल

² ङा दि चिट्ठी ङे ङिङज्‍येते फुज्‍युङ तिमोथी खोल्‍ला टिगीन ओत। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

२ तिमोथी 1:2 Iomraidhean Croise

शक्ति काम 16:1

थोक खिन पावलबा डर्बीपा लेप्‍सुङ। थेमे थेरूकीङ लिस्‍त्रापा गाल्‍सुङ। लिस्‍त्रादु तिमोथी सिराज्‍यीक येशू चेला ओतान। थेते आमाते यहूदी थेमे आबाचेन ग्रीक ओतान। थे आमातेङ येशूला विश्‍वास खित्‍कान्‍ते मि ओतान।

रोमी 1:7

दोक खाईन परमेश्‍वरगी ङिङज्‍ये खाईन थे खोरोङ सन्‍तान ईन सिन छाने खाबाते रोम सारदु ओताते ख्‍योकोन गाङेला ङुरूङ आबा परमेश्‍वरताङ प्रभु येशू ख्रीष्‍टकी दया खाला लेमु खिनराङ देत्‍स्‍यीत।

रोमी 12:19

ङिङज्‍येते आज्‍यो न्‍वावे, ख्‍योकोनगी खेराङला मेलेबा खित्‍कानला नोमुङ स्‍येदाङ मासेत। थोक्‍ते मिओनला परमेश्‍वरगीराङ छ्येन विचार खिओ सिरच्‍येते बात टोक माज्‍येत। “ज्‍येनला मेलेबा खित्‍कान्‍तेबाला स्‍येदाङ सेत्‍च्‍येते काम ङेते ईन। ङा सु सुला चुक चुक खिता फाप्‍कीते थोकराङ खाला किम्‍बा ज्‍येल्‍ग्‍यो,” सिन प्रभु परमेश्‍वर थे खोरोङगीराङ साबाते बात परमेश्‍वर बातला टिबा ओत।

१ कोरिन्‍थी 4:17

ङे खाबा च्‍योकराङ खित्‍च्‍येते ख्‍योकोनला लाप्‍ला तेरस्‍यीत सिनराङ तिमोथीला ङा ख्‍योकोन ओत्‍सापा तोङगीन ओत। दि प्रभु येशूकी खि साबा च्‍योकराङ खाला काम खित्‍कान्‍ते मि ईन। दिला ङा ङिङज्‍ये खिओ। दि ङेते ङाराङ फुज्‍युङ च्‍योकराङ ईन। ङा येशू ख्रीष्‍टताङ जीउज्‍यीकराङ ओङाते मि ईन्‍देकी ङे चुक खिका, च्‍यि खिका सिरच्‍येते गाङे बात था दिकी ख्‍योकोनला लोप्‍क्‍यो। ङे तिमोथीला ख्‍योकोनला लोप ताङाते बातराङ ङा गाङेपा ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लोप्‍कीन ओत।

फिलिप्‍पी 4:1

बात दोक दोक ईन्‍देकी ङिङज्‍येते आज्‍यो न्‍वावे, ख्‍योकोन प्रभु येशूताङ जीउज्‍यीकराङ ओङाते मि ईन्‍देकी जस्‍तो ओङसीनोङ थेला विश्‍वास खिन देत। ख्‍योकोन मायेकी ङाला था ख्‍योकोनला याङराङ नामराङ ठेदोङा सिराच्‍योक लाकीन सिन्‍सुङ। ख्‍योकोनगी लेमु खाबा थोङगीन ङाला आउदी गा लाबा ओत। ङा खुशी ओत।

१ तिमोथी 1:2

ङा दि चिट्ठी तिमोथी खोल्‍ला टिगीन ओत। ङे खित्‍सादु येशू ख्रीष्‍टला विश्‍वास खाबेकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

२ तिमोथी 2:1

थेमे फुज्‍यो, येशू ख्रीष्‍टकी खित्‍सादु परमेश्‍वरगी खोल्‍ला दया खाईन शक्ति बिन्‍दा ओतेकी खो छ्याःङ ज्‍यीबा माकेत।

तीतस 1:4

दि चिट्ठीचेन ङा तीतस खोल्‍ला टिगीन ओत। खोङ ङे च्‍योकराङ खाला प्रभु येशू ख्रीष्‍टला विश्‍वास खित्‍कान्‍ते ईन्‍देकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरगी थेमे ङुरूङला पापदुकी डेल्‍कान्‍ते येशू ख्रीष्‍टकी खोल्‍ला दया खाला लेमु खिनराङ देत्‍स्‍यीत।

तीतस 2:13

थेमे ङुरूङला पापदुकी डेल्‍कान्‍ते छ्येज्‍यीक शक्ति ओताते परमेश्‍वर येशू ख्रीष्‍ट था तिरी स्‍वर्गनेकी मिगी तापराङ मुथुप्‍च्‍या झिलिमिली नाम्‍दाकला देत्‍ला देमा ग्‍युरला ओङगो सिन ङुरूङ आश खाला गुला देत्‍क्‍यो। दिराङ ङुरूङ लाईदु आउदी गा लाङच्‍येते बात ईन।

३ यूहन्‍ना 1:4

ङाराङ फिजाओनगी सत्‍यते बात ङेन्‍ला थेरू खि साबा च्‍योकराङ खिदुक्‍लो सिन थोजीन ङाला आउदी गा लाङगीदुक, दि छेत गा लाङच्‍येते बात ङे लाईदु ज्‍येन छ्याःङ मेन।