२ तिमोथी 1:13 - जिरेल

¹³ थेमे था ङा खोल्‍ला चुक खि सिते सासीन ङे खोल्‍ला च्‍यि बात चुक सिन लाप्‍कीन बिन्‍दा ओताने थे थेराङ ङेन्‍दा फाप्‍च्‍येते बात ईन सिन टोक मेज्‍येता खाला ज्‍येनतेबाला होथे बातराङ लोप्‍कीन देत। थोक खाला लोप्‍जीन येशू ख्रीष्‍टताङ जीउज्‍यीकराङ ओङाते खुई थेला विश्‍वास खिन देता मातोङ थेमे ज्‍येनला ङिङज्‍ये खिन देताङ मातोङ।

२ तिमोथी 1:13 Iomraidhean Croise

रोमी 2:20

थेमे लेमु मेलेबा च्‍यि ईन्‍दे सिन छ्याःङ डेला मुथुप्‍कान्‍ते मिओनला चुक चुक खिता फाप्‍कीते सिन लाप्‍ला तेरकान्‍ते थेमे परमेश्‍वर बात लेमु खाला छ्या मेताते मिओनला थे बात लोप्‍कान्‍तेङ खेराङराङ ईन खिदुक। च्‍यिला सासीन परमेश्‍वर नियम ङेता ओतेकी खेराङगी परमेश्‍वर सु ईन्‍दे, चुक्‍ते ईन्‍दे थेमे थेकी मिओनला च्‍यि च्‍यि खि साबा ओते सिरच्‍येते सत्‍यते बात लेमु खाईन छ्या स्‍येबा ओत खिदुक।

रोमी 6:17

गोमा ख्‍योकोन पापकी योक्‍पो च्‍योकराङ ओता ईन्‍सीनोङ थाचेन ख्‍योकोनगी खेराङला लापाते परमेश्‍वर बात सत्‍यते दुका सिन लेमु खाईन ङेन्‍गीन थेरू खि साबा च्‍योकराङ खिताला स्‍यूसुङ। ख्‍योकोन दोक खुदुक गालाते बातकी लाईदु परमेश्‍वरला धन्‍यवाद तेरगी।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

फिलिप्‍पी 4:9

गा लाङच्‍येते बात लोप्‍जीन ङे खेराङला लापाते खेराङगी थोबाते बात ङेन्‍गीन देत। ङे चुक चुक खाबा ओताने ख्‍योकोनगीङ ङे च्‍योकराङ खि। थेमे सेमला ढुक्‍क लोङकान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

कलस्‍सी 1:4

च्‍यिला सासीन ख्‍योकोनगी येशू ख्रीष्‍टला विश्‍वास खिदुक्‍लो थेमे परमेश्‍वर सन्‍तान गाङेला लेमु खिदुक्‍लो सिन ङ्योकोनगी थोसुङ।

१ थिस्‍सलोनिकी 5:21

खाङ कामताङ बात लेमु ईन्‍दे, खाङ मेलेबा ईन्‍दे सिन लेमु खाला छ्या स्‍येबा खि। जुन कामताङ बात खिता लेमु दुक थे खि,

१ तिमोथी 1:10

रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम खित्‍कान्‍ते मिओन, मि छोङकान्‍तेबा, ढाँर खित्‍कान्‍तेबा थेमे मेन्‍दे बातलाङ ईन सिन ना केल्‍कान्‍ते मिओन लाईदुङ ईन। परमेश्‍वर नियमचेन होदोक दोक काम खित्‍कान्‍ते मिओन लाईदुकामा मेन। येशू ख्रीष्‍टला विश्‍वास खित्‍कान्‍ते मिओनगी ङेन्‍दा फाप्‍च्‍येते बातताङ डिकराङ मिडिक्‍च्‍येते कामताङ बात खित्‍कान्‍ते मिओन लाईदु जोबाते ईन।

१ तिमोथी 1:14

थोक खाईन थेकी ङाला आउदी दया खाईन खितासम्‍म लेमु खासुङ। थेत्ताङ जीउज्‍यीकराङ ओङगीन ङे थेला विश्‍वास खिता थुप्‍सुङ थेमे ज्‍येनला ङिङज्‍ये खिता थुप्‍सुङ।

१ तिमोथी 6:3

थेमे सुइँदेकी ङे लापाच्‍योक मेन्‍गीन खुदुकराङ बात लाप्‍ला ङुरूङ प्रभु येशू ख्रीष्‍ट सत्‍यते बातताङ मिडिक्‍च्‍येते बात लाप्‍सीन थेमे परमेश्‍वरला चुक खाला माने खिता फाप्‍कीते सिन लापा ओताच्‍योक खाईन मालाप्‍सुङ सासीन

२ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङे कामचेन परमेश्‍वरगी तेरग्‍यो साबाते नोमुङ मिसिन्‍च्‍येते जुनीचेन येशू ख्रीष्‍टकी खित्‍सादु ङेत्‍क्‍यो सिन ज्‍येनला लोप्‍च्‍येते ईन।

२ तिमोथी 1:14

थेमे लोप सिन खोल्‍ला जिम्‍मा बिन्‍दा ओताते बात खुदुक जोला मालोप। ङुरूङ सेमगी नाङ देत्‍कान्‍ते परमेश्‍वर आत्‍मे छ्य्‌वापेई खुई दि काम खिता थुप्‍क्‍यो।

२ तिमोथी 2:2

थेमे मि काल्‍बेई ङोन्‍दु च्‍यि बात चुक ईन्‍दे सिन ङे खोरोङला लाप्‍कीन बिन्‍दाते बातओन मिओनला लोप सिन ज्‍येन मिलाङ जिम्‍मा बिन। दोक्‍ते मिओनचेन ज्‍येनला लेमु खाला लोपा थुप्‍कान थेमे भर परे खिता थुप्‍च्‍येतेन्‍दे ओङा फाप्‍क्‍यो।

२ तिमोथी 3:14

तर खुईचेन खोरोङला लाप्‍कीन बिन्‍दाते, खोरोङगी पक्‍काराङ दुका सिन ङेन्‍दाते परमेश्‍वर बात लेमु खाला ङेन्‍गीनराङ देत। दि बात खोरोङला सु सुई लापा ओताने

२ तिमोथी 4:3

ङे च्‍यिला दोक साबाते ईन्‍दे सासीन था समयज्‍यीक ओङगो। थेजीनचेन मिओनला मिकी ङेन्‍दा फाप्‍च्‍येते सत्‍यते बात ङेन्‍दाला गाराङ मालाङो। बरू जसकी खोपरोङला ङेन्‍दा सेम लाङच्‍येते बात लोप्‍कीदुक होथोक्‍ते मि काल्‍बेईला रूला गा खिन थेबे बात ङेन्‍ग्‍यो।

तीतस 1:9

दोस्‍यिककामा मेन, थोक्‍ते मिचेन सत्‍यते बात दाक्‍पोनला जस्‍तो खाईन लाप्‍कीन बिन्‍ला दुक थोकराङ खाला ङेन्‍गीन देत्‍कानज्‍यीक ओङा फाप्‍क्‍यो। थोक खानामेकी थेकी ज्‍येनतेबेकी खाङ बात ङेन्‍दा फाप्‍च्‍येते ईन्‍दे साला लाप्‍ला बिन्‍ला थेबाला थोकराङ खि सिन लोपा थुप्‍क्‍यो। थेमे थे बातताङ डिकराङ मिडिक्‍च्‍येते बात खित्‍कान्‍ते मिओनला ख्‍योकोनगी मेन्‍दे बात लोप्‍कीन दुक साला हगे हगे ज्‍य्‌वाबा थुप्‍क्‍यो।

तीतस 2:1

थेमे खुईचेन येशू ख्रीष्‍ट मिओनला थेबेकी ङेन्‍दा फाप्‍च्‍येते बातताङ डिक्‍च्‍येते बातकामा लोप।

तीतस 2:8

खुई लोप्‍च्‍येते बातला दि मेन्‍दे बात ईन सिन सुङगीङ सिरा मेङेत्‍स्‍यीत सिन लेमु खाला लोप। दोक दोक खासीन ङुरूङ विरोध खित्‍कान्‍ते मिओनगी थेबेकी दि दि मेलेबा खासुङ सिरच्‍येते लाम छ्याःङ माङेत्‍ला खोपरोङराङ खर्के देइओ।

हिब्रू 10:23

ङुरूङचेन परमेश्‍वर खिओ साबा च्‍योकराङ खित्‍कान्‍ते ईन्‍देकी थेकी दाक्‍पोनला तेरग्‍यो साबाते जति गाङे ङेत्‍क्‍यो सिन सिओ। थोगी थेकी थोक खिओ सिन आश खाईन गुकीन देताते ङेत्‍क्‍योतराङ सिन ङुरूङ छ्याःङ शंका मिक्‍किता खाला देता फाप्‍क्‍यो।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

हिब्रू 4:14

स्‍वर्गने गाल्‍गीन परमेश्‍वर दोन्‍दु देताते परमेश्‍वर फुज्‍युङ येशू ङुरूङते गाङे भन्‍दा छ्येते पूजारी ईन्‍देकी ङुरूङगी थेला विश्‍वास खाईन ङेन्‍दाते बात ङेन्‍दा मोतोङा खाला देता फाप्‍क्‍यो।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।

छ्या स्‍ये च्‍युताते बात 2:25

बातज्‍यीकचेन ङा ख्‍योकोनला सिओ। च्‍यि सासीन ङा ओङ ओङसाक ख्‍योकोनगी थोरूमसाक खिन ओता च्‍योकराङ खाला ङाला विश्‍वास खिन देत।

छ्या स्‍ये च्‍युताते बात 3:11

था ङा होत्ताराङ ओङगीन ओत। खेराङगी थोरूमसाक खिन ओताच्‍योक लेमु खिनराङ देत। दोक खिनराङ देत्‍सीन ख्‍योकोनला ङे तेरच्‍येते श्रीपेज सुङगीङ ठ्वाला खेरा मुथुबो।

छ्या स्‍ये च्‍युताते बात 3:3

ख्‍योकोनला गोमाका च्‍यि सिन लापा ओताने थेमे खेराङगी चुक लेमु खाईन ङेन्‍दा ओताने थे बात सम्‍झे खि। थेमे लोक्‍ला गोमा च्‍योकराङ खि। दोक माक्‍यासीन ङा ख्‍योकोन ओत्‍सादु चोर च्‍योक थाहाराङ मेङेता खाला ओङगो। ङा नाम ओङगीते सिन ख्‍योकोनगी छ्याःङ छ्या मेस्‍येओ।